Latest News
బిజినెస్
  • (Vasireddy Venugopal) ............   బ్యాంకులు కొత్త బ్రాంచీ తెరవాలన్నా, కొత్త ఏటీఎం పెట్టాలన్నా రిజర్వ్ బ్యాంక్ అనుమతి అవసరం. వాటిని ఏ ప్రాంతంలో నెలకొల్పదలుచుకున్నదీ తెలియజేసి అనుమతి పొందవలసి వుంటుంది. అయితే Onsite ATM పెట్టుకోవడానికి ఆర్.బి.ఐ అనుమతి అవసరం లేదు. అంటే.. బ్యాంక్ బ్రాంచ్ ఆవరణలో పెట్టుకునే ఏటీఎంకి ఆర్.బి.ఐ అనుమతి అవసరం లేదు. ఆ ఏటీఎంను బ్రాంచిలో అంతర్భాగంగా పరిగణిస్తారు. ఆ ఏటీఎంను ఆ బ్రాంచి స్వయంగా నిర్వహించుకునే అవకాశం వుంది. ఏటీఎంలో ఎప్పుడు డబ్బులు ఖాళీ అయినా.. బ్రాంచి సిబ్బందే తమ స్ట్రాంగ్ రూమ్ నుంచి నగదు తీసుకువచ్చి ఏటీఎంలో నింపి, ఖాతాదారులకు అసౌకర్యం కలగకుండా చూసే అవకాశం వుంది. అయితే మార్చి 1 నుంచి కూడా ఆంధ్రప్రదేశ్, తెలంగాణ రాష్ట్రాలలో Offsite ATMలలోనే కాకుండా.. Onsite ATMలలో కూడా నో క్యాష్. ఇరవై రోజులనుంచి ఈ తంతు నడుస్తోంది. కారణాలు తెలియదు. బ్యాంకులకు, నగదు సప్లయిచేసే ప్రెవేటు ఏజెన్సీలకు కమిషన్ విషయంలో పేచీ వచ్చిందని, అందుకనే ఏటీఎంలలో నగదు కొరత ఏర్పడిందని తెలుస్తున్నట్టు.. మెయిన్ స్ట్రీమ్ మీడియాలో ముక్కుచీదే వార్త ఒకటి వచ్చింది. ఇక అంతే. ఇరవై రోజులుగా ఈ సమస్య ఎందుకు కొనసాగుతోంది.. దీనికి ఏమిటి పరిష్కారం అనే తదుపరి అజాపజా వార్తలు లేవు. నాకు అర్ధమైన దాని ప్రకారం.. బ్యాంకులు.. తాము స్వయంగా నిర్వహించుకోవడానికి అవకాశం వున్న Onsite ATMలలో నగదు నింపే బాధ్యతను కూడా ప్రైవేటు ఏజెన్సీలకు అప్పగించి, చేతులు దులుపుకున్నట్టున్నాయి.  ఫలానా పరిమితిలోపు నగదు లావాదేవీలను ఏటీఎం ద్వారా నిర్వహించుకోవాలని బ్రాంచిలో బోర్డులు పెట్టిన బ్యాంకులు.. ఏటీఎంలో స్వయంగా నగదు వుంచగలిగిన బాధ్యతను దులిపేసుకుని కస్టమర్లతో చెలగాటమాడడం Financial Terrorism కిందే లెక్క....
  • ఎక్కువ కాలం మన్నిక కలిగి ఉండే 10 రూపాయల ప్లాస్టిక్ నోట్ల ను  రిజర్వ్ బ్యాంక్ ముద్రించబోతోంది .   వాటిని క్షేత్రస్థాయిలో ప్రయోగాత్మకం గా  పరీక్షించేందుకు రిజర్వు బ్యాంకుకు కేంద్ర ప్రభుత్వం అనుమతి ఇచ్చింది.  ఈ విషయాన్ని కేంద్ర ఆర్థిక శాఖ సహాయ మంత్రి అర్జున్ రామ్ మేఘ్వాల్ లోక్‌సభలో ఇచ్చిన లిఖితపూర్వక సమాధానంలో తెలిపారు.  దేశంలోని  ఐదు ప్రాంతాల్లో ప్లాస్టిక్ నోట్లతో క్షేత్రస్థాయిలో ప్రయోగాలు చేయాలని నిర్ణయించినట్లు ఆయన ఆ సమాధానంలో చెప్పారు. ప్లాస్టిక్ మిశ్రమాల సేకరణ, వాటిపై రూ. 10 నోట్ల ముద్రణ లాంటి విషయంలో అన్ని అనుమతులను రిజర్వు బ్యాంకుకు ఇచ్చినట్లు వివరించారు. ప్రస్తుతం వాడుతున్న కాగితపు నోట్ల కంటే ప్లాస్టిక్ నోట్లు ఎక్కువ కాలం మన్నిక కలిగి ఉంటాయని ప్రభుత్వం భావిస్తున్నది. ప్రపంచవ్యాప్తంగా చాలా వరకు రిజర్వు బ్యాంకులు కాగితపు నోట్లకు ప్రత్యామ్నాయంగా ప్లాస్టిక్, ఇతర పదార్థాలతో చేసిన నోట్ల గురించి చలామణి లోకి తెచ్చే ప్రయత్నాలు చేస్తున్నాయి. 2014 నుంచి ప్లాస్టిక్ నోట్లు తెచ్చే ప్రతిపాదన పరిశీలన లో ఉంది. గత డిసెంబర్ లోనే ముద్రణకు వెళ్లాల్సి ఉండగా ఆలస్యమైంది. కొచ్చి , మైసూర్ , సిమ్లా ,భువనేశ్వర్ వంటి నగరాల్లో తొలుత ప్రయోగాత్మకంగా  ప్రవేశ పెడతారు . ...
  • (వాసిరెడ్డి వేణుగోపాల్ )..........   ఏంటీ... బ్యాంకుల మెడలు వంచగలమా? మన గూబ పగలకుండా చూసుకోగలిగితే అదే పదివేలు. ... #సీన్ 1: మన ఆశ: బ్యాంకుల ఖాతాదారులందరూ ఈనెల 30న తమ ఖాతాల్లోని డబ్బుని అణాపైసలతో సహా విత్ డ్రా చేసుకోవాలి. అప్పుడు వార్షిక పద్దుల అంచనాలన్నీ గల్లంతవడంతో బ్యాంకులు కుక్కిన పేనుల్లా మన దారికి వస్తాయి. జరిగే వాస్తవం: మధ్యతరగతికి ఇలాంటి మిడిమేలపు తెలివితేటలు వుంటాయని బ్యాంకులకు తెలుసు. కాబట్టి ముందుగా ఏటీయంలలో నగదు లేకుండా చేస్తాయి. అటూ ఇటూ కొన్ని రోజులు పిచ్చివాడిలా తిరిగి, చివరికి ఓ రోజు సెలవు పెట్టి.. బ్రాంచికి చెక్కట్టుకుని వెళతాము. క్యాష్ లేదని సమాధానం వస్తుంది. సప్లయి లేదంటాడు అంతే! మళ్లీ తెల్లవారి సెలవుపెట్టి మళ్లీ వెళతాం. మళ్లీ అదే సమాధానం. ఈ లోగా ఆ ముప్పయ్యో తారీఖు వస్తుంది, వెళిపోతుంది కూడా. మనకు రావాల్సిన వేతనంలో ఐదారురోజుల జీతం కట్ అవుతుంది. ... #సీన్ 2: మన ఆశ: ఖాతాదారులం తెలివిగా రచించిన కుట్ర సక్సెస్ అవుతుంది. మార్చి 30న బ్యాంకుల్లో మన నగదు మొత్తాన్ని విత్ డ్రా చేసుకుంటాం. భలే పని చేశాం అని ఆ రాత్రి నైంటీ వేసుకుంటూ విందు కూడా చేసుకుంటాం. జరిగే వాస్తవం: సోయిలేకుండా మనం నిద్రపోతున్నప్పుడు అర్ధరాత్రి ఒక ఆర్డినెన్సు వస్తుంది. చెలామణిలో వున్న కొత్త నోట్లు నెలరోజులపాటు చెల్లబోవని, వాటిని కలిగివుండడం కూడా నేరమని, మూడేళ్లు జైలుశిక్ష పడుతుందని అందులో వుంటుంది. పొద్దున్నే చాయ్ తాగడానికి పోకుండా పాచిమొహంతోనే మళ్లీ బ్యాంకుకి బయలుదేరుతాం. రాత్రంతా నిద్రపోని నాబోటి వాళ్ల బ్యాచ్ తో అప్పటికే మూడున్నర కిలోమీటర్ల క్యూ వుంటుంది. ఆ క్యూలో నెట్టుకుంటూ నెట్టుకుంటూ వెళ్లి కౌంటర్ దగ్గరదాకా చేరేసరికి ఏప్రిల్ నెల వేతనంలో మరో ఐదారురోజుల వేతనం కట్ అవుతుంది. చెలామణిలో లేని, రద్దయిన నోట్లను, పిలకాయలకు కాగితం పడవలను చేసి ఇవ్వడానికి తప్ప ఎందుకూ కొరగాని నోట్లను కలిగి వుండడమే ఘోరమైన నేరం అయినప్పుడు.. చెలామణిలో వున్న నోట్లను బ్యాంకుల్లో కాకుండా బీరువాల్లో దాచుకొని.. జాతి జీవనాన్ని అల్లకల్లోల పరచడం ఘోరాతిఘోరమైన నేరం కాదా అద్దెచ్చా?...
  • బ్యాంకు ఖాతాల్లో కనీస నెలవారి నిల్వ ఉండాలన్న నిబంధనల విషయంలో స్టేట్ బ్యాంక్ దిగివచ్చే సూచనలు కనిపించడం లేదు. ప్రజల నుంచి తీవ్రస్థాయిలో నిరసన వ్యక్తమవుతున్నప్పటికీ  జరిమానాలు విధిస్తామని ప్రకటించిన ఎస్‌బిఐ తన నిర్ణయం  మార్చుకునేలా లేదు.  పైగా తన చర్యను గట్టిగా సమర్థించుకుంటోంది . ప్రభుత్వ ఆదేశాలపైనే  పేదల కోసం 11 కోట్ల జన్‌ధన్‌ ఖాతాలను తెరవాల్సి వచ్చిందని, వాటి నిర్వహణ  ఖర్చులన్నీ భరించాలంటే, ఇతర ఖాతాదారులు తమ ఖాతాల్లోబ్యాంక్  సూచించిన విధం గా కనీస నిల్వలను ఉంచాల్సిందేనని ఎస్‌బిఐ వాదిస్తోంది.  లేదంటే జరిమానాలు తప్పవని  ఆ బ్యాంక్  చైర్‌పర్సన్‌ అరుంధతీ భట్టాచార్య అంటున్నారు.  మామూలు ఖాతాలకు జన్ ధన్ ఖాతాలకు ముడి పెట్టి వాటి భారం ఇతరులపై మోపుతామంటున్నారు.  జన్ ధన్ ఖాతాలు తెరిచారు బాగానే ఉంది.. అవి తెరిచే ముందు వాటి నిర్వహణ భారమని తెలీదా ? కళ్ళు మూసుకుని ప్రభుత్వం చెప్పినట్టు చేస్తారా ? ఆ ఖాతాల భారం ఇతరులపై మోపుతారా ? ఇదెక్కడి న్యాయం ? ఒక అగ్రగామి బ్యాంక్ ఇంత అనాలోచితంగా పని చేస్తున్నాదా ?అంటే అలాగే అనిపిస్తున్నది. ఇలాగే వ్యవహరిస్తే ఉన్న ఖాతాదారులు కూడా ఖాతాలు మూసుకుంటారు. అపుడు గానే తెలిసి రాదు అన్న అభిప్రాయం సర్వత్రా వ్యక్తమౌతోంది.  కాగా ఇదే రీతిలోఐసీఐసీఐ, హెచ్ డీఎఫ్ సి, యాక్సిస్ బ్యాంకులు  కూడా బాదుడుకు సిద్ధమయ్యాయి. నిర్దేశించిన మొత్తం కంటే నగదు లావాదేవీలు జరిపితే, ఇక ఖాతాదారులు  తప్పసరిగా ఛార్జీలు చెల్లించాల్సిన పరిస్థితి తీసుకొచ్చాయి. నగదు లావాదేవీల తగ్గింపుకు కస్టమర్లకు ఈ వడ్డింపు వేస్తున్నట్టు బ్యాంకులు పేర్కొంటున్నాయి. స్టేట్ బ్యాంక్ ఆఫ్ ఇండియా కొత్త నిబంధనలతో ఖాతాదారులపై మోయలేని భారం మోపుతోంది. కొత్త నిబంధనల ప్రకారం ఇతర బ్యాంకుల ఏటీఎంల నుంచి ఉపసంహరణ 3సార్లు దాటితే 20 రూపాయలు ఛార్జి చేస్తారు. ఎస్‌బీఐ ఏటీఎంలలో నగదు ఉపసంహరణ ఐదు సార్లు దాటితే 10 రూపాయల చొప్పును ఛార్జి వసూలు చేస్తారు. 3సార్లు నగదు డిపాజిట్లు ఉచితం. నాలుగో డిపాజిట్‌ నుంచి సేవాపన్నుతో పాటు 50 రూపాయల ఛార్జి వేస్తారు. మెట్రోపాలిటన్‌ శాఖల్లో ఉన్న బ్యాంకు ఖాతాల్లో కనీస నగదు నిల్వ 5వేల కంటే 75శాతం కన్నా తక్కువ ఉంటే సేవా పన్నుతో పాటు 100 రూపాయల జరిమానా విధించనున్నారు. కనీస నగదు నిల్వ కన్నా ఖాతాలో 50శాతం తక్కువ మొత్తం ఉంటే సర్వీస్‌ ఛార్జీతో కలిపి 50 జరిమానా విధిస్తారు. ఎస్‌ఎంఎస్‌ అలర్ట్‌లపై నెలకు 15 ఛార్జీ వసూలు చేయనున్నారు.  కరెంటు ఖాతాలో కనీసం 20000 ఉండాలనే ఆంక్షలు విధించారు. బ్యాంకు ఖాతాలో 25 వేల కన్నా ఎక్కువ మొత్తం ఉంటే సొంత ఏటీఎంల నుంచి ఎన్ని సార్లైనా న‌గ‌దు ఉప‌సంహ‌రించుకోవ‌చ్చు. ఎలాంటి ఛార్జి వసూలు చేయరు. అదే ఇతర బ్యాంకు ఏటీఎంల నుంచి నగదు విత్‌డ్రా చేసినప్పుడు ఛార్జి పడకుండా ఉండాలంటే లక్ష ఖాతాలో ఉండాలని ఆంక్షలు విధించింది ఎస్బీఐ. మొత్తం మీద ప్రభుత్వ బ్యాంకు  ప్రతిపాదనలు  పేదలు, మధ్య తరగతి వారికి వ్యతిరేకంగా ఉన్నాయనే  విమర్శలు  వెల్లు వెత్తుతున్నాయి . ఈ నేపథ్యంలో  ఏప్రిల్ 6న "నో ట్రాన్సాక్షన్  డే " గా పాటించి నిరసన తెలపాలని సోషల్ మీడియా వేదికగా ప్రచారం ఊపందుకుంది. చూడాలి ఏమి జరుగుతుందో ?? ...
  • (వాసిరెడ్డి వేణుగోపాల్ )...............................   ఏటీయంలలో పరిమిత సంఖ్యలో లావాదేవీలు మించితే రుసుము వసూలు చేస్తున్నారు. ఓకే.  నగదు, నగదు రహిత లావాదేవీలకు పరిమితి, రుసుము విధిస్తున్నారు. నా సందేహం ఏమిటంటే.. 1. డెబిట్ కార్డు ఇన్సర్ట్ చేసి, పిన్నూగిన్నూ అన్నీ అయిపోయాక, సారీ.. అనేబుల్ టు డిస్పెన్స్ క్యాష్ అని.. మెసేజ్ వస్తుంది. దానిని లావాదేవీ కిందకి పరిగణిస్తారా? మిషన్ లో నగదు లేకపోయినా.. లావాదేవీ కిందనే నమోదు అవుతుందా? 2. మిషన్ లో కేవలం ఐదొందలు, రెండు వేల నోట్లు మాత్రమే వుంటాయి. ఆ విషయం మనకు తెలియదు. మనం ఏ రెండొందలకో కార్డు గీకుతాం. డబ్బులు రావు. అంతకు ముందు గీకినాయన చెబుతాడు.. ఐదొందల నోట్లే వున్నాయని. అప్పుడు ఐదొందలకు గీకుతాం. అప్పుడు వస్తాయి. వాటిని ఒక లావాదేవీ కింద పరిగణిస్తారా? రెండు లావాదేవీల కిందనా? 3. ఒక్కోసారి.. క్యాష్ ఇచ్చేసినట్టు మనకు ఏటీయంలో వుండగానే మెసేజ్ వస్తుంది. కానీ రాదు. కొంత సేపటి తర్వాత నగదు వెనక్కి వెళ్లినట్టు మెసేజ్ వస్తుంది. అది ఒక లావాదేవీనా, రెండా? 4. కొన్ని బ్యాంకులు.. ముఖ్యంగా SBI.. మన బ్యాంక్ బ్యాలెన్స్ గురించి మెసేజ్ పంపదు. సహజంగానే బ్యాలెన్స్ చెక్ చేసుకుని, ఎంత వుందో చూసుకుని దాని ప్రకారం విత్ డ్రా చేసుకుంటాం. దానిని రెండు లావాదేవీల కింద పరిగణించడం ఫైనాన్షియల్ టెర్రరిజం కాదా? 5. ఒక్కోసారి తరచూ పిన్ నెంబరు మార్చుకోవాల్సిన పరిస్థితి వస్తుంది. ముఖ్యంగా పెన్షన్ పొందే సీనియర్ సిటిజన్లకు ఈ అవసరం చాలా వుంటుంది. పిన్ నెంబరు మార్చుకోవడం కూడా ఒక లావాదేవీ కింద లెక్కలోకి వస్తుందా? 6. ఏటీయం గది పరిధిలోనే నగదు డిపాజిట్ మిషన్లు వుంటాయి. అవి ఏటీయంలుగా కూడా పనిచేస్తుంటాయి. ఇంటిగ్రేటెడ్ మిషన్లు. ఒకడంటే నాకు గిట్టదు. వాడికి ఆ మిషన్లో రోజుకు పది రూపాయల చొప్పున, లేకపోతే గంటకు పది రూపాయల చొప్పున ఓ నెల రోజులు డిపాజిట్ చేస్తూ పోయాననుకుందాం. అవన్నీ ఏటీయం లావాదేవీల కిందనే లెక్కించి.. నాకు గిట్టనివాడి గూబ పగిలే అవకాశం వుంటుందా ? 7. ఏది ఏమైనా.. ఈ మధ్య వాట్సప్ లో, పేచుబుక్కులో.. బ్యాంకింగ్ వ్యవస్థ, ఫైనాన్షియల్ టెర్రరిజం మీద వస్తున్న జోకులు బహు బాగున్నాయి. బ్యాంకు ముందు నుంచి రోజుకు రెండుసార్లు వెళితే పెనాల్టీ లాంటివి. అది హాస్యం కాదు.. వాస్తవం. 8. ఒకటి మాత్రం నిజమప్పా.. ఏటీయం మిషన్ల దొంగతనాలు, ఏటీయం గదుల్లో మహిళలపై దౌర్జన్యాలు, హత్యాచారాలకు ఇక ఆస్కారం లేకుండా ప్రభుత్వం చాలా తెలివిగా స్కెచ్ గీసిందనుకుంటా.. అసలు క్యాష్ వుంచకుండా.. రేయింబవళ్లు జనాన్ని వాళ్ల డబ్బులతోనే వాళ్లను కాపలాగా వుంచుతూ..?...
  •   (వాసిరెడ్డి వేణుగోపాల్ ) ................    జాత్యాహంకార వ్యాఖ్యలు, కాల్పులు.. అమెరికా నూతన అధ్యక్షుడు డోనాల్డ్ ట్రంప్ ముందున్న పెద్ద కాన్వాస్ లో అతి చిన్న విషయాలు. ట్రంప్ అధికారంలోకి వచ్చాక.. అమెరికాలో ఏం జరగబోతున్నది అనేది చిన్న విషయం. ప్రపంచంలో ఏం జరగబోతున్నది అనేది పెద్ద విషయం. జర్మనీతో వాణిజ్యంలో అమెరికాకు 65బిలియన్ డాలర్ల వాణిజ్య లోటు వుంది. దానిని పూడ్చడం కుదరట్లేదు. అదేమంటే.. ఐరోపా యూనియన్ నిబంధనలు ఒప్పుకోవని జర్మనీ అంటుంది. యూరో విలువ తక్కువగా వుండడం ఈ వాణిజ్య లోటుకి ప్రధాన కారణం. ఛల్.. అసలు జర్మనీతో డైరెక్ట్ అయిపోయి.. నేరుగా మాట్లాడేసుకుంటే పోలా.. అని ట్రంప్ గవర్నమెంట్ అనుకుంటోంది. ట్రంప్ ప్రభుత్వ ట్రేడ్ అడ్వైజర్ పీటర్ నవర్రో ఇవాళ అదే ప్రతిపాదించారు. జర్మనీతో ద్వైపాక్షిక చర్చలను ప్రతిపాదించారు. త్వరలోనే జర్మనీ ప్రధానమంత్రి మెర్కెల్ అమెరికా పర్యటించనున్నారు. Brexit లాగానే Germexitకు ఇది దారితీస్తుందేమో తెలియదు. ట్రంప్ తన ఎన్నికల ప్రచార సమయంలోనే.. చైనా తన కరెన్సీ యువాన్ ను మానిప్యులేట్ చేస్తోందని, undervalue కారణంగా అమెరికా నష్టపోతోందని, దీనిని అడ్డుకుంటానని చెప్పారు. చైనా నిజంగా తన కరెన్సీని అండర్ వేల్యూ చేస్తున్నదా లేదా అనేది ఏప్రిల్ లో ట్రెజరీ కరెన్సీ నివేదిక వచ్చాక.. ఫైనల్ డిసిషన్ కి వచ్చి.. ట్రంప్ ప్రభుత్వం చర్యలు తీసుకోనున్నది. ఇంతకీ రూపాయికి ఏమి కానున్నది? రూపాయి విలువ అండర్ వేల్యూ అనుకుంటున్నారా, ఓవర్ వేల్యూ అనుకుంటున్నారా? మరోసారి డీవేల్యుయేషన్ అవసరం వుందా? అయ్యా.. మోడీగారూ.. దేశాలు పట్టుకు తిరుగుతుంటారని గిట్టనివాళ్లు ఏమన్నా అంటే మనసులో పెట్టుకోకుండా... మీరోపాలి అర్జెంటుగా అమెరికా వెళ్లి.. ట్రంపుగారితో మాట్లాడి, రూపాయి పొజిషన్ ఏమిటో తెలుసుకుని రావాల్సిందిగా విజ్ఞప్తి....
  • స్వల్ప కాలం లోనే అధిక లాభాలు ఆర్జించాలంటే స్టాక్ మార్కెట్ లో మదుపు చేయడమే మంచి మార్గం అనుకుంటారు చాలా మంది. కానీ అది నిజం కాదు. ఏదో కొన్ని కేసుల్లో మాత్రమే అలా జరుగుతుంటుంది. ఏమి తెలియక పోయినా మార్కెట్ లో షేర్లు కొని లాభాలు పొందిన వాళ్ళు కొద్దిమందే. మార్కెట్ లో పెట్టుబడి పెట్టి  చేతులు కాల్చుకున్న వాళ్ళే ఎక్కువ మంది ఉన్నారు.  వాస్తవానికి షేర్ల పై కొద్దో గొప్పో సంపాదించాలంటే  ఇన్వెస్టర్లు కొంత మేరకు కసరత్తు చేయాలి. మార్కెట్ కి సంబంధించిన పరిజ్ఞానాన్ని పెంచుకోవాలి.లేదా ఆ రంగం లో నిష్ణాతులైన వారి సలహాలు తీసుకోవాలి. అయితే ఎప్పుడైనా సొంతం గా తెలుసుకొని షేర్లలో మదుపు చేయడం ఉత్తమం.  ఇక సలహాలు తీసుకోవాలంటే కొంత ఖర్చు అవుతుంది. దేశం లో చాలామంది షేర్ టిప్స్ ఇచ్చే వాళ్ళున్నారు.   అలాంటి సలహా దారుల వద్ద టిప్స్ తీసుకొని షేర్లను కొనుగోలు చేయవచ్చు . ఇన్వెస్టర్ కి ఓపిక వుంటే సలహా దారులు ఇచ్చే టిప్స్ కూడా సరైనవో కాదో చెక్ చేసుకోవాలి. అలా చేయడం ద్వారా మన సొమ్మును మంచి షేర్ల లో మదుపు చేసే వీలుంటుంది. అదే సమయం లో షేర్ మార్కెట్ పై అవగాహనా కూడా కొంత మేరకు పెరుగుతుంది. ఒక్కో సారి సలహా దారులు ఇచ్చే టిప్స్ కూడా అంతా లబ్ది చేకూర్చవు. x అనే షేర్ ధర పెరుగు తుందని టిప్ ఇస్తే అది తగ్గి పోతుంది. అలా తగ్గడానికి కారణాలు బోలెడు వుంటాయి.తాత్కాలికం గా తగ్గిన తర్వాత పెరిగే అవకాశాలు వుంటాయి. అయితే షేర్ ఫండ మెంటల్ గా బలమైనది గా వుండాలి. అలా లేక పోతే ఇన్వెస్టర్లు నష్ట పోవాల్సి వుంటుంది . ఉదాహరణకు కొన్నాళ్ళ కిందట " వీర్ ఎనర్జీ " షేర్ ను కొనమని చాలా మంది షేర్ సలహా దారులు సూచించారు.లక్షల మంది ఆ షేర్లను కొనుగోలు చేసి నష్ట పోయారు.షేర్ ధర పెరగక పోగా పూర్తిగా పతన మైంది.కొంత మంది స్వల్ప నష్టాలతో బయట పడగా, ఇంకొంత మంది ధర పెరుగుతుందని ఆశలు పెట్టుకొని నిండా మునిగి పోయారు.మార్కెట్ లో ఇలాంటి షేర్లు ఎన్నో వున్నాయి. అందుకే టిప్స్ ను కూడా పూర్తిగా నమ్మడానికి వీలు లేదు. టిప్స్ ను క్రాస్ చెక్ చేసుకోవడం అన్ని విధాల ఉత్తమం. అప్పుడే కష్టార్జితం సేఫ్ గా వుంటుంది.  అందరు సలహా దారులు అలా వుండరు. కొద్ది మంది మాత్రమే తప్పుడు సలహా లతో ఇన్వెస్టర్లను లను నష్టాల బాట పట్టిస్తుంటారు అలాంటి సలహా దారుల పట్ల కొంత అప్రమత్తం గా వుండాలి. టిప్స్ ఇచ్చే వాళ్ళ క్రెడిబిలిటీ ఏమిటో కూడా తెలుసుకుంటే మరీ మంచిది. ...
  • ఎప్పటి నుంచో ప్రయత్నాలు జరుగుతున్నప్పటికీ ఎస్ బీ ఐ  దాని అనుబంధ బ్యాంకుల  విలీనం ఇప్పటికి  సాధ్యమైంది . ఇది  భారత బ్యాంకింగ్‌ చరిత్రలోనే అతిపెద్ద విలీనం అని చెప్పుకోవాలి.వచ్చే ఏప్రిల్‌ 1 నుంచి స్టేట్‌ బ్యాంక్‌ ఆఫ్‌ ఇండియా (ఎస్‌బీఐ)లో అయిదు అనుబంధ బ్యాంకులు విలీనం  అవుతాయి . హైదరాబాద్‌ కేంద్రంగా కార్యకలాపాలు నిర్వహిస్తున్న స్టేట్‌ బ్యాంక్‌ ఆఫ్‌ హైదరాబాద్‌ (ఎస్‌బీహెచ్‌) , స్టేట్‌ బ్యాంక్‌ ఆఫ్‌ బికనేర్‌ అండ్‌ జైపూర్‌(ఎస్‌బీబీజే), స్టేట్‌ బ్యాంక్‌ ఆఫ్‌ మైసూర్‌(ఎస్‌బీఎమ్‌), స్టేట్‌ బ్యాంక్‌ ఆఫ్‌ ట్రావెన్‌కోర్‌(ఎస్‌బీటీ), స్టేట్‌ బ్యాంక్‌ ఆఫ్‌ పాటియాలా(ఎస్‌బీపీ)లు  ఎస్‌బీఐలోకలిసిపోతాయి . ఈ బ్యాంకుల ఆస్తులన్నీ ఏప్రిల్‌ 1, 2017 నుంచి ఎస్‌బీఐకి బదిలీ అవుతాయి . ఈ అయిదు అనుబంధ బ్యాంకుల విలీనంతో రూ.37 లక్షల కోట్లు లేదా 555 బిలియన్‌ డాలర్ల ఆస్తులు; 22,500 శాఖలు, 58,000 ఏటీఎమ్‌లు; 50 కోట్ల మందికి పైగా వినియోగదార్లతో  అంతర్జాతీయ దిగ్గజ బ్యాంకు గా ఎస్ బీ ఐ మారుతుంది.   అనుబంధ బ్యాంకుల్లో ఎస్‌బీబీజే, ఎస్‌బీఎమ్‌, ఎస్‌బీటీలు స్టాక్‌ ఎక్స్ఛేంజీల్లో లిస్ట్ అయి ఉన్నాయి . ఎస్‌బీబీజే వాటాదార్లకు ప్రతీ 10 షేర్లకు 28 ఎస్‌బీఐ షేర్లు; ఎస్‌బీఎమ్‌, ఎస్‌బీటీ వాటాదార్లకు ప్రతీ 10 షేర్లకు 22 ఎస్‌బీఐ షేర్ల చొప్పున కేటాయిస్తారు . తొలుత ఎస్‌బీఐలో స్టేట్‌ బ్యాంక్‌ ఆఫ్‌ సౌరాష్ట్ర విలీనం అయింది. రెండేళ్ల అనంతరం అంటే 2010లో స్టేట్‌ బ్యాంక్‌ ఆఫ్‌ ఇండోర్‌నూ ఎస్‌బీఐ లో  కలిసిపోయింది .ఇక తాజా విలీనం పూర్తయిన తర్వాత అనుబంధ బ్యాంకుల ప్రస్తుత వినియోగదార్లు ఎస్‌బీఐ అంతర్జాతీయ నెట్‌వర్క్‌ నుంచి ప్రయోజనాలు పొందనున్నారు. ఇక 200 ఏళ్ల చరిత్ర ఉన్న ఎస్‌బీఐ గురించి చెప్పాలంటే.. బ్యాంక్‌ ఆఫ్‌ కలకత్తాగా 1806లో ఇది ఏర్పాటైంది. ఆ తర్వాత బ్యాంక్‌ ఆఫ్‌ బెంగాల్‌గా  మారింది. 1921లో బ్యాంక్‌ ఆఫ్‌ మద్రాస్‌, బ్యాంక్‌ ఆఫ్‌ బాంబేలను విలీనం చేసుకుని ఇంపీరియల్‌ బ్యాంక్‌ ఆఫ్‌ ఇండియాగా పేరు మార్చుకుంది .1955లో ఇంపీరియల్‌ బ్యాంక్‌ ఆఫ్‌ ఇండియాలో మెజారిటీ వాటాను రిజర్వ్‌ బ్యాంక్‌ సొంతం చేసుకుని దాన్ని ఎస్‌బీఐగా పేరు మార్చింది. 2008లో ఆర్‌బీఐ వాటాను ప్రభుత్వం కొనుగోలు చేసింది....
  • స్టాక్ మార్కెట్ లో లాభాలు అర్జించాలంటే ఒక వ్యూహం ప్రకారం అమ్మకాలు ,కొనుగోళ్ళు నిర్వహించాలి .అయితే కేవలం అమ్మకాలు , కొనుగోళ్ళు కాకుండా ఇతర విషయాలపైన అవగాహన పెంచుకోవాలి . ఆర్ధిక ఫలితాలు , బుక్ క్లోజర్, రికార్డ్ డేటు , బోనస్ , స్టాక్ స్ప్లిట్ తదితర అంశాలు గురించి తప్పని సరిగా తెలుసుకోవాలి . షేర్ల కు సంబంధించిన అన్ని అంశాల పైన అవగాహన పెంచుకుంటేనే మార్కెట్ లో లబ్ది పొందగలం .లేక పోతే చిక్కులు ఎదుర్కోవాల్సి వుంటుంది .ముఖ్యం గా ఆర్ధిక ఫలితాల గురించి ఇన్వెస్టర్లు తెల్సుకోవాలి.స్టాక్ మార్కెట్ లో లిస్టు అయిన ప్రతి కంపెనీ కూడా ప్రతి మూడు నెలల కోక మారు ఆర్ధిక ఫలితాలను ప్రకటించాలి .ఈ ఫలితాల ను బట్టే కంపెనీ ఎలా పనిచేస్తుందో మనకు తెలుస్తుంది .కంపెనీ అమ్మకాలు, ఆదాయం అలాగే నికర లాభం ,వడ్డీ ఇతర ఖర్చులు తెలుస్తాయి.ఆర్ధిక ఫలితాలను చూసేటపుడు కంపెనీ ఆదాయం అమ్మకాల పైనే వస్తోందా ?ఇతరత్రా  ఆస్తులను అమ్మి ఆదాయం గా చూపుతున్నారా ?అనే అంశాన్ని పరిశీలించాలి.ఫలితాలను ప్రకటించే టపుడు కొన్ని కంపెనీలు జిమ్మిక్కులు చేస్తుంటాయి  ఈ అంశాలన్నీ ఒకే సారి అర్ధం కావు .అనుభవం తో తెలుస్తుంటాయి .మనం కొనుగోలు చేసిన షేర్ల తాలుకు కంపెనీ ఎలా పని చేస్తుందో తెలిస్తేనే ఆ షేర్ ను ఉంచు కోవాలో అమ్ముకోవాలో మనం నిర్ణయించు కోవచ్చు. షేర్లను కొనుగోలు చేసి వాటి తాలుకు కంపెనీల పనితీరును పట్టించుకోక పోతే మన కష్టార్జితమంతా  బూడిదలో పోసిన పన్నీరు అవుతుంది .ఆర్ధిక ఫలితాలు బాగుంటే కొన్ని షేర్ల ధరలు  పెరుగుతుంటాయి .అలాంటి సందర్భం లో కూడా షేర్లను విక్రయించి లాభాలు పొందవచ్చు.ఆర్ధిక ఫలితాలు అన్ని దిన పత్రికల్లో ప్రచురిత మౌతాయి.అలాగే BSE , NSE వెబ్ సైట్ల లోను వుంటాయి .వాటిని చూసి తెలుసుకోవచ్చు. అలాగే వార్షిక ఫలితాలు ప్రకటించే సమయం లో కంపెనీలు వాటాదారులకు డివిడెండ్ కూడా ప్రకటిస్తాయి . దీర్ఘకాలం షేర్లను ఉంచుకునే ఇన్వెస్టర్లు వీటిని పొందే అవకాశం వుంటుంది .కాబట్టి వాటి గురించి కూడా మనం తెలుసుకోవాలి . ఒక వేళ మనం కొనుగోలు చేసిన షేర్ల తాలుకు కంపెనీ ఆర్ధిక ఫలితాలు ప్రకటించడం లేదంటే ఆ కంపెనీ ఉందా?మూత పడిందా? తెల్సుకునే ప్రయత్నం చేయాలి .స్టాక్ ఎక్స్చేంజ్ వెబ్ సైట్ లో దాని సమాచారం ఉందా??లేదా ??చూడాలి . షేర్లు ట్రేడ్ అవుతున్నాయా ?లేదా గమనించాలి .కంపెనీ నష్టాల్లో ఉన్నప్పటికీ  షేర్లు ట్రేడ్ అవుతాయి .అసలు షేర్లు కూడా ట్రేడ్ కావడం లేదంటే పూర్తిగా సందేహించాలి.ఒక్కో సారి కంపెనీలు పనిచేస్తున్నా షేర్లు ట్రేడ్ కావు. కాబట్టి వాస్తవాలు తెలుసుకొని నిపుణుల సలహా తీసుకోవాలి ....
  • పై ఫొటోలో కనబడే పెద్దాయన  5 వ  తరగతి  చదువుతూ మధ్యలో ఆపేశారు .  అయితేనేమి ఇపుడు  దేశంలో అత్యంత ఎక్కువ వేతనం పొందుతున్న సి.ఇ.ఓ. ఆయనే !!  నెలకు ఆయన వేతనం 21 కోట్ల రూపాయలు. అవును నిజమే .  ఆయన తీసుకునే  21 కోట్ల రూపాయలలో   90 శాతాన్ని ధార్మిక కార్యక్రమాలకు ఖర్చు చేస్తారు. ఆయన వయస్సు సుమారు ‘  తొంభై ఐదేళ్లు ’. అయినప్పటికీ ఎందులో తగ్గరు.   ఆయన నవ యువకుడి మాదిరిగా హుషారుగా పనిచేస్తారు. ఆయన పేరే  ధరమ్‌పాల్ .  తమ కంపెనీ ఉత్పత్తులలో నాణ్యతా ప్రమాణాలు ఏ మాత్రం తగ్గకుండా చూడటంతోపాటు, నిరంతరం మార్కెట్ పరిస్థితులను అధ్యయనం చేస్తూ ధరమ్‌ పాల్  డీలర్లను  కలుసుకొంటారు.  ఆయనకు ఆదివారం, సోమవారం అనే భేదం లేదు. సెలవులతో సంబంధం లేదు.  తొమ్మిది పదులు వయస్సు దాటినప్పటికీ, పనిచేయడంలో ఆయన ఎప్పుడూ ఉత్సాహంగా, ఉల్లాసంగా కనిపిస్తారు.. ప్రముఖ మసాల పొడుల తయారీ కంపెనీ మహాషియాన్ డి హట్టి (ఎం.డి.హెచ్) వారిదే .   అందరూ ఆయనను గౌరవంగా ‘దాదాజీ’, ‘మహాశయజీ’ అని పిలుస్తారు.  దేశంలో అత్యంత ఎక్కువ వేతనం పొందుతున్న సి.ఇ.ఓ.కూడా ఆయనే కావడం విశేషం.  ఐటీసీ , హిందుస్థాన్ యూనీలీవర్   మేనేజింగ్ డైరెక్టర్ల కంటే  ఎక్కువే.  నెలకు ఆయన వేతనం 21 కోట్ల రూపాయలు. ఆయన తన వేతనంలో 90 శాతాన్ని ధార్మిక కార్యక్రమాలకు ఖర్చు చేస్తారు. చేస్తున్న పని పట్ల నిబద్ధత, అకుంఠిత దీక్ష ఉంటే జీవితంలో ఉన్నత స్థాయికి ఎదగవచ్చనడానికి దాదాజీని ప్రత్యక్ష ఉదాహరణగా చెప్పుకోవచ్చు. ఎంతో కష్ట పడి  ధరమ్‌పాల్  ఈ స్థాయికి  ఎదిగారు.   ‘మహాషియాన్ డి హట్టి’ని ధరమ్‌పాల్ తండ్రి చునిలాల్ 1919లో పాకిస్థాన్‌లోని సియోల్ కోఠ్‌లో ప్రారంభించారు.  దేశ విభజన అనంతరం ధరమ్‌పాల్ కుటుంబం భారతదేశానికి తరలి వచ్చింది. ధరమ్‌పాల్ దిల్లీలోని కరోల్‌బాగ్‌లో వ్యాపారం ప్రారంభించారు. పట్టుదలతో కృషిచేసి ఎం.డి.హెచ్. మసాలాలకు ప్రజాదరణ లభించింది . అప్పటినుంచి ఆయన వెనుతిరిగి చూడలేదు .  ప్రస్తుతం ఎం.డి.హెచ్. కంపెనీ 60 రకాల మసాలా పౌడర్లను తయారుచేసి విస్తృతంగా మార్కెటింగ్ చేస్తున్నది. ఈ కంపెనీకి చెందిన 15 ఫ్యాక్టరీలలో ఇవి తయారవుతున్నాయి.  ఈ కంపెనీకి  దేశ వ్యాప్తంగా వెయ్యి మంది డీలర్లు ఉన్నారు. ఇప్పటికీ ప్రతిరోజూ ధరమ్‌పాల్ ఫ్యాక్టరీలను  స్వయంగా వెళ్లి  పరిశీలిస్తుంటారు . ప్రతి రోజు డీలర్లను కలుస్తుంటారు.  ప్రస్తుతం కంపెనీ వార్షిక టర్నోవర్ 15వేల కోట్ల రూపాయలు. దుబాయ్, లండన్‌లలో కంపెనీ కార్యాలయాలు ఉన్నాయి. ఎం.డి.హెచ్. ఉత్పత్తులు వంద దేశాలకు ఎగుమతి అవుతున్నాయి. నాణ్యమైన సరుకును అందరికి అందుబాటులో ఉండే ధరకు అందించడమే తమ కంపెనీ విజయ రహస్యం అని చెబుతారు ధరమ్‌పాల్. కార్మికుల కోసం ఒక వైద్యశాల, 20 పాఠశాలలను తన కంపెనీ తరఫున ధరమ్‌పాల్  నిర్వహిస్తున్నారు.  ఈ తరం యువకులు , వ్యాపార వేత్తలు ఆయనను చూసి నేర్చుకోవాల్సింది  ఎంతో ఉంది. ...
  • విదేశాల్లో కౌగిలింతలు  ఇపుడు వ్యాపారం గా మారాయి . "కడ్డలిస్ట్ .కామ్ " అనే వెబ్సైట్ ఇందుకోసం ఆన్ లైన్ శిక్షణ కూడా ఇస్తోంది. చాలా మంది మహిళలు , పురుషులు  ఈ కౌగిలింతల ప్రక్రియలో శిక్షణ పొంది  అవసరమైన వారికి కౌగిలింతల సేవలు ఇస్తూ తద్వారా ఆర్ధికంగా లాభం పొందుతున్నారు.  అమెరికా  చెందిన జనెత్‌ ట్రెవీనో (37) కౌగిలింతల  వ్యాపారం  చేస్తోంది .   40 నుంచి 70 ఏళ్ల పురుషులను గంటకు 80 డాలర్లు (దాదాపు రూ.5,500) ఫీజు తీసుకొని కౌగిలించుకుంటుంది. ఇలా కౌగిలించుకుంటూ వారానికి 1600 డాలర్లు (దాదాపు 10,9000) సంపాదిస్తోంది. జెనెత్‌ భర్త కార్లోస్‌ కూడా ఇందుకు పూర్తిగా సహకరిస్తున్నాడట  ‘‘ప్రజలకు నమ్మకాన్ని, ధైర్యాన్ని కలిగించడం అవసరం. వారిని హృదయానికి దగ్గరగా తీసుకొని వారిలో నమ్మకాన్ని పెంచేలా చేస్తే వారిలో మంచి మార్పులు వస్తాయి. అందుకే నేను కౌగిలింత సేవలను అందిస్తున్నాను. మొదట్లో పార్ట్‌ టైంగా ప్రారంభించిన ఈ కౌగిలింతల వ్యాపారానికి డిమాండ్‌ పెరగడంతో దానిని ఫుల్‌ టైంగా మార్చుకున్నాను.'  అంటోంది  జనెత్‌ ట్రెవీనో . ఇదే తరహాలో కొంతమంది మగాళ్లు కూడా ఈ వ్యాపారం చేస్తున్నారు. ఒంటరి మహిళలు వీరి సేవలను  ఉపయోగించుకుంటున్నారు .  కాగా కొందరు  ఉచితంగా కూడా ఈ సేవలు అందిస్తున్నారు.   ఇక "కడ్డలిస్ట్ .కామ్ "  ఓనర్  ఆడమ్ లిపిన్  మాట్లాడుతూ   ఈ కౌగిలింతల ప్రక్రియ లో సెక్స్ కి  తావు  లేదంటున్నారు . వారానికి రెండువందల  రిక్వెస్ట్లు  అందుతున్నాయని చెప్పుకొచ్చారు.  రెండు గంటల పాటు సాగే ఈ సెషన్  160 డాలర్లు మాత్రమే నట.  ఇప్పటి వరకు  విదేశాలకు మాత్రమే పరిమితమైన  ఈ  వ్యాపారం  ఇండియాకు  కూడా వస్తుందేమో !! చూడాలి మరి. ...
  • *కేంద్ర ఆర్థిక మంత్రి అరుణ్‌ జైట్లీ బుధవారం పార్లమెంట్‌లో ప్రవేశపెడుతూ ఆంధ్రప్రదేశ్‌ రాజధాని ప్రాంతం రైతులకు సంబంధించి కీలక ప్రకటన చేశారు. రాజధాని కోసం భూములు ఇచ్చిన రైతులకు పన్ను మినహాయింపు ఇస్తున్నట్లు  చెప్పారు . అంతేకాదు, మూలధన పన్ను లాభాల నుంచి కూడా మినహాయింపు ఇచ్చారు. కాగా, ల్యాండ్‌ పూలింగ్‌లో ఉన్నవారికి మాత్రమే పన్ను రద్దు వర్తిస్తుందని పేర్కొన్నారు.  ఈ మినహాయింపులు రాష్ట్రం ఏర్పడిన తేదీ అంటే 2014, జూన్‌ 2 తర్వాతి నుంచి చోటుచేసుకున్న క్రయవిక్రయాలన్నింటికీ వర్తిస్తుందని జైట్లీ పేర్కొన్నారు. *నిజాయతీపరులపై భారం తగ్గించేందుకు పన్ను భారాన్ని తగ్గిస్తున్నట్లు అరుణ్ జైట్లీ ప్రకటించారు. రూ.2.5 లక్షల నుంచి రూ.5 లక్షల మధ్య ఆదాయం గల వ్యక్తులకు ప్రస్తుతం ఉన్న 10 శాతం పన్నును 5 శాతానికి తగ్గిస్తున్నట్లు ప్రకటించారు. ఇది సామాన్యుడికి గొప్ప ఊరట అని విశ్లేషకులు చెప్తున్నారు. అత్యధిక సంపన్నులకు 15 శాతం పన్ను విధిస్తున్నట్లు ప్రకటించారు. ఇతర కేటగిరీల అసెసీలకు పన్నులో రూ.12,500 రిబేటు ఇవ్వనున్నట్లు తెలిపారు. దీంతో రూ.3 లక్షల వరకు వ్యక్తిగత ఆదాయం ఉన్నవారిపై పన్ను భారం పడదు. * రాజకీయ పార్టీలు స్వీకరించే విరాళాలపై పరిమితులు విధించారు. పార్టీలు కేవలం 2000 రూపాయల వరకు మాత్రమే నగదు రూపేణా విరాళాలు స్వీకరించడానికి వీలుంటుందని జైట్లీ చెప్పారు. అంతకు మించి మొత్తాలను  ఖచ్చితంగా చెక్కులు లేదా ఆన్‌లైన్ లేదా డిజిటల్ రూపంలో మాత్రమే తీసుకోవాలని, దాతల పేర్లు కూడా వెల్లడించి తీరాలన్నారు. ఇన్‌కం ట్యాక్స్‌ రిటర్న్స్‌ ఖచ్చితంగా దాఖలు చేయాలని స్పష్టం చేశారు. దీంతో రాజకీయ పార్టీలకు వచ్చే అజ్ఞాత విరాళాలు గణనీయంగా తగ్గే అవకాశం ఉంటుంది. దానివల్ల ఎన్నికల వ్యయం కూడా తగ్గే అవకాశం ఉంటుందని భావిస్తున్నారు. గతంలో ఇది రూ. 20వేల వరకు ఉండేది. ... చారిటబుల్ ట్రస్టులకు ధన రూపేణా అందించే విరాళం కూడా రూ. 2వేలకు మించరాదని అరుణ్ జైట్లీ స్పష్టం చేశారు....
  • ఏటా వార్షిక  బడ్జెట్ ను ప్రవేశపెట్టడం  157 ఏళ్ళ నుంచి ఒక  సాంప్రదాయంగా  వస్తోంది .  జేమ్స్ విల్సన్ తొలిసారి భారత్ బడ్జెట్ను 1860 ఏప్రిల్లో ప్రవేశపెట్టారు. అప్పుడు విల్సన్ ఇండియన్ కౌన్సిల్కు ఆర్థికమంత్రిగా పనిచేసేవారు. బడ్జెట్ ప్రవేశపెట్టిన కొన్నిరోజులకే ఆయన కన్నుమూశారు.  దేశానికి స్వాతంత్ర్యం వచ్చిన దరిమిలా  ఆర్కే షణ్ముఖం శెట్టి మొట్టమొదటి బడ్జెట్ను సభలో ప్రవేశ పెట్టారు.  1947 నవంబర్లో ఆయన  దేశ  తొలి ఆర్థికమంత్రి. 1947 ఆగస్టు 15 నుంచి 1948 మార్చి 31 వరకు సరిపడేలా బడ్జెట్ పెట్టారు . ఆ తర్వాత మధ్యంతర బడ్జెట్ను ప్రవేశపెట్టారు. ఇక అత్యధికంగా బడ్జెట్ ప్రవేశ పెట్టిన ఖ్యాతి మురార్జీ దేశాయి దే . ఆర్థికమంత్రి నుంచి ప్రధానమంత్రిగా పదవి బాధ్యతలు స్వీకరించిన మోరార్జీ దేశాయ్ ఎక్కువ సార్లు బడ్జెట్ను పార్లమెంట్ ముందుకు తీసుకొచ్చారు. గరిష్టంగా 10 సార్లు ఆయన బడ్జెట్ను ప్రవేశపెట్టారు. 1964, 1968 సంవత్సరాల్లో రెండుసార్లు ఆయన బర్త్డే రోజే బడ్జెట్ను తీసుకురావడం విశేషం. ఫిబ్రవరి 29న మోరార్జీ దేశాయ్ బర్త్డే అన్న సంగతి తెలిసిందే. కాగా  అసలు బడ్జెట్ ప్రసంగం చేయని ఆర్ధిక మంత్రిగా చరిత్రకెక్కిన వారు జాన్ మతాయి.. షణ్ముఖం శెట్టి  తర్వాత  1949-50లో జాన్ మతాయి ప్రవేశపెట్టిన బడ్జెట్ అత్యంత సాదాసీదా బడ్జెట్గా పేరుగాంచింది. బడ్జెట్ను చదవకూడదని నిర్ణయించిన ఆయన, అన్ని వివరాలను వైట్ పేపర్లలో పంపిణీ  చేయించారు. ఇక  8 రెగ్యులర్ బడ్జెట్ల ను ప్రవేశ పెట్టిన  క్రెడిట్  చిదంబరం దే అవుతుంది.  ...
  • హమ్మయ్య.. పెద్ద నోట్ల రద్దు తర్వాత  ఇంత కాలానికి  భారతీయ రిజర్వు బ్యాంకు(ఆర్బీఐ) ప్రజల నగదు కష్టాలకు పుల్‌స్టాప్ పెడుతూ కీలక నిర్ణయం తీసుకుంది. కరెంట్, క్యాష్ క్రెడిట్, ఓవర్ డ్రాఫ్ట్ ఖాతాదారులకు ఏటీఎంల నుంచి నగదు ఉపసంహరణలపై ఉన్న ఆంక్షలను పూర్తిగా ఎత్తివేసింది. సేవింగ్స్ ఖాతాలపై ఉన్న ఆంక్షలు మాత్రం మరికొన్ని రోజులు కొనసాగుతాయని ఆర్బీఐ ప్రకటించింది. తాజా నిర్ణయం బుధవారం ( ఫిబ్రవరి 1 )నుంచి అమల్లోకి వస్తుందని పేర్కొంది. ఏటీ ఏంలు , బ్యాంకుల నుండి నగదు విత్‌డ్రాయల్ పరిమితిపై ఆంక్షలను పాక్షికంగా సడలించారు.... సేవింగ్స్ ఖాతాలపై ఉన్న వారానికి 24 వేల రూపాయల పరిమితిపై ఎలాంటి మార్పు చేయకుండా ఒక రోజుకి ఇంత మాత్రమే అని ఉన్నపరిమితిని పూర్తిగా ఎత్తి వేశారు. ఏటీఎం నుంచి నగదు ఉపసంహరణపై ఉన్న ఆంక్షలను ఇటీవల ఎత్తివేసిన ఆర్బీఐ ఏటీఎం నుంచి రోజుకు రూ.10 వేలు డ్రా చేసుకునే వెసులుబాటు కల్పించిన సంగతి తెలిసిందే. అయితే వారానికి మాత్రం రూ.24 వేలకు పరిమితం చేసింది. కరెంట్ అకౌంట్ వినియోగదారులు మాత్రం రూ. లక్ష వరకు విత్ డ్రా చేసుకోవచ్చు. సేవింగ్స్ ఖాతాలపై పరిమితులు కూడా పూర్తిగా ఎత్తి వేస్తె బాగుండేదని అభిప్రాయం వ్యక్తమౌతోంది.   ...
  • మీ సేవింగ్స్ బ్యాంక్ ఖాతాల‌లో డ‌బ్బులు వేసుకోమ‌ని ఎవ‌రైనా అడుగుతున్నారా? అయితే జాగ్ర‌త్త‌గా ఉండండి. క‌నీసం రెండుల‌క్ష‌లు లేని ఖాతాల‌పై ప్ర‌స్తుతం ఆదాయ ప‌న్ను శాఖ క‌న్నేసింది. ఇలాంటి ఖాతాల‌లో అధిక‌మొత్తంలో న‌గ‌దు జ‌మ‌యితే ఇబ్బందులే. రిజ‌ర్వ్ బ్యాంక్ ఆఫ్ ఇండియా ఈ ఖాతాల‌ను చాలా సునిశితంగా ప‌రిశీలిస్తోంది. ఏ ఖాతాలోనైనా ఒకేసారి ఎక్కువ మొత్తం జ‌మ‌యితే వెంట‌నే ఆ విష‌యాన్ని ఆదాయ‌ప‌న్ను శాఖ దృష్టికి తీసుకెడుతుంది. అనుమానిత లావాదేవీల కింద ప‌రిగ‌ణించి వీటిపై ద‌ర్యాప్తు చేప‌డ‌తారు. న‌ల్ల ధ‌న వ్య‌తిరేక కార్య‌క్ర‌మంలో ప్ర‌భుత్వం చేప‌ట్ట‌నున్న త‌దుప‌రి చ‌ర్య ఇదే. అనుమానిత ఖాతాల‌పై స‌మాచారాన్ని ఎప్ప‌టిక‌ప్పుడు త‌మ‌కు అందించి, బ్యాంకింగ్ వ్య‌వ‌స్థ దుర్వినియోగం కాకుండా చూడాల‌ని ఆర్బీఐ బ్యాంకుల‌కు సూచించింది. పెద్ద నోట్ల ర‌ద్దు నిర్ణ‌యం నేప‌థ్యంలో న‌ల్ల ధ‌నానికి బ్యాంకుల‌కు స్థావ‌రం కాకూడ‌ద‌ని అభిప్రాయ‌ప‌డింది. తాజా అడుగు విచార‌ణ మార్గాల‌ను త‌గ్గించింది. రెండున్న‌ర ల‌క్ష‌లు అంత‌కు మించి జ‌మ‌చేసే ఖాతాల స‌మాచారం మాత్ర‌మే ఆర్థిక నిఘా విభాగానికి అందించాల‌నేది ఇంత‌వ‌ర‌కూ ఉన్న ఆదేశాలు. ఉన్న‌ట్టుండి పెద్ద మొత్తంలో ధ‌నం జ‌మ‌యిన ఖాతాల వివ‌రాలు ఇవ్వాల‌ని ప్ర‌త్యేకంగా కొన్ని బ్యాంకు శాఖ‌ల‌కు ఇంటెలిజెన్స్ రెగ్యులేట‌ర్ లేఖ‌లు రాశారు. వినియోగంలో లేని, బినామీ ఖాతాల‌లో పెద్ద మొత్తంలో న‌గ‌దు జ‌మ‌వుతుంద‌నేది కేంద్రం అనుమానం. 15 కోట్ల 40 ల‌క్ష‌ల కోట్ల మేర ఉన్న 500, వెయ్యి రూపాయ‌ల నోట్ల‌కు ఇంత‌వ‌ర‌కూ 80శాతం అంటే 12కోట్ల 44ల‌క్ష‌ల కోట్లు మాత్ర‌మే బ్యాంకుల‌లో జ‌మ‌య్యాయి.  vedeo courtesy.... nyusu digital media ...
  • స్టేట్ బ్యాంకు అఫ్ ఇండియా 63 మంది డిఫాల్టర్లకు చెందిన మొండి బకాయిలను రైటాఫ్ చేసినట్లు కథనాలు ప్రచారంలో ఉన్నాయి. దాదాపు రూ.7,016 విలువ చేసే నిరర్థక ఆస్తులను ఇలా చేసినట్లు ఎస్‌బీఐ ప్రకటించినట్లు ప్రచారం జరుగుతోంది . ఈ మేరకు డైలీ న్యూస్ & అనాలిసిస్, మరికొన్ని వెబ్సైట్లు కథనాలు ప్రచురించాయి.  ఇదే నిజమైతే ప్రధాని మోడీ కొంత ఇరుకున పడతారు. కార్పొరేట్ల పట్ల మోడీ మెతకవైఖరి అవలంబిస్తున్నారని విపక్షాలు విమర్శించే అవకాశాలు ఉన్నాయి. ఇప్పటికే మోడీ పై ఆ విమర్శలు లేకపోలేదు. ఇక వాటి జోరు పెరుగుతుంది. ప్రస్తుతం పెద్ద నోట్ల రద్దు వ్యవహారం తో ప్రజలు ఇబ్బందులు పడుతున్న నేపథ్యంలో ఈ రైటాఫ్ వ్యవహారం పెద్ద సంచలనమే అవుతుంది. పూర్తిగా మొండి బకాయిలను రద్దు చేశారా ? లేక ప్రత్యేకమైన అకౌంట్ కి తరలించారా ? బాకీలు వసూలు చేస్తారా ? చేయరా ? అనేది స్టేట్ బ్యాంక్ అధికారులు చెప్పాలి. ఇలా రైటాఫ్ చేసిన రుణాలలో... విజయ్ మాల్యాకు చెందిన కింగ్ ఫియర్ ఎయిర్ లైన్స్ బకాయిలు రూ 1,201 కోట్లు కూడా ఉన్నాయి. మొండి బకాయిల జాబితాలో కింగ్ ఫిషర్ ఎయిర్ లైన్స్ అగ్రస్థానంలో ఉంది.తర్వాత కేఎస్ ఆయిల్స్ 596 కోట్లు ,సూర్య ఫార్మా 526 కోట్లు , జీ ఈ టీ ఇంజనీరింగ్ 400 కోట్లు ,సాయి ఇన్ఫో 376 కోట్లు , వీఎంసీ సిస్టం 370 కోట్లు ,అగ్నీటే ఎడ్యుకేషన్ 315 కోట్లు శ్రీ గణేష్ జ్యూవెలరీ 313 కోట్లు అపెక్స్ యెంకాన్ 266 కోట్లు యురొ సిరమిక్స్ 266 కోట్లు మేరకు బ్యాంకుకు చెల్లించాల్సిఉంది. అలాగే ఆంధ్రప్రదేశ్ నుంచి విక్టరీ ఎలక్ట్రికల్స్ లిమిటెడ్ రూ.93.91 కోట్లు, విక్టరీ ట్రాన్స్ అండ్ స్విచ్ గేర్స్ లిమిటెడ్ రూ. 66.57 కోట్లు, కె ఆర్ ఆర్ ఇన్‌ఫ్రా ప్రాజెక్టు రూ. 86.73 కోట్లు ఘన్ శ్యాం దాస్ జెమ్స్ అండ్ జ్యువెల్లర్స్ రూ.61.72 కోట్లు మేరకు బకాయిలు చెల్లించాలి. కాగా తెలంగాణా నుంచి తోటమ్ ఇన్ఫ్రా లిమిటెడ్ రూ. 93.68కోట్లు, ఎస్ఎస్‌బీజీ ఇంజనీరింగ్ ప్రాజెక్ట్స్ రూ.65.24 కోట్లు చెల్లించాల్సిఉంది. వీటితో ఇతర రాష్ట్రాలకు చెందిన మరికొన్ని కంపెనీలు కూడా ఈ జాబితాలో ఉన్నాయి.  ఈ మొండి బకాయిలు భారీగా ఉండటంతో వీటిని వేరే ఖాతాలోకి మళ్లించి... తన బ్యాలెన్సు షీటులో మొండి బకాయిల భారం లేకుండా స్టేట్ బ్యాంక్ చూసుకుంది అంటున్నారు. ఇందుకోసం రిజర్వు బ్యాంకు అనుమతించిన 'అడ్వాన్స్‌ అండర్ కలెక్షన్ అకౌంట్స్ (ఆకా)' అనే పద్ధతిని అవలంబించినట్టు చెబుతున్నారు. ఈ పద్ధతి ప్రకారం మొండి బకాయిలు లేదా నిరర్ధక ఆస్తులను ఒక ప్రత్యేకమైన అకౌంటులోకి బదిలీ చేస్తారు. తద్వారా ముందుగా అవి బ్యాంకు బ్యాలెన్సు షీటులో కనిపించవు. దీనివల్ల బ్యాంకు పనితీరు మెరుగుపడినట్లు కనపడుతుంది. కానీ, అంతమాత్రాన వాటిని పూర్తిగా మాఫీ చేసినట్లు కాదు. వన్‌టైమ్ సెటిల్మెంట్లు తప్ప మిగిలిన బకాయిలన్నింటినీ సాంకేతికంగా రైటాఫ్ చేసినట్లు చూపించినా, వాటిని 'ఆకా'లో యథాతథంగా ఉంచుతారు. అంటే, చిట్టచివరి రూపాయి వసూలయ్యే వరకు వాటి రికవరీ విధానం కొనసాగుతూనే ఉంటుందని అంటున్నారు. మొత్తానికి ఎస్ బీ ఐ వివరణ ఇస్తే గానీ ఏమి జరిగిందో తెలియదు....
  • India Shining… ఓ పుష్కర కాలం వెనక్కి వెళ్లి చూస్తే.. ఈ నినాదం మారుమోగిపోయిన రోజులు గుర్తుకొస్తాయి. అవి.. వాజపేయి ప్రధానమంత్రిగా వున్న రోజులు. శ్రీనగర్ లాల్ చౌక్ లో వాజపేయి చరిత్రాత్మక, ఆవేశపూరిత ప్రసంగాన్ని ఇంకా మర్చిపోకుండా ఆయనను దేశప్రజలు అభిమానిస్తున్న రోజులు. ఏ రామమందిర నిర్మాణానికైతే ఎల్.కె.అద్వానీ భారతదేశాన్ని నిప్పుల కొలిమిలోకి నెట్టారో.. ఆ మందిర నిర్మాణ ఫైలును మడతపెట్టి చెత్తబుట్టలో పారేసిన రోజులు. ఇండియా ఒక మార్పుకోసం ఎదురుచూస్తున్న రోజులు. ఇండియన్లు నూతన అవకాశాలకోసం ఆబగా ఎదురుచూస్తున్న రోజులు. మధ్యతరగతి ఆదాయాలు అమాంతం పెరగడంతో.. ఇండియన్లు కసిగా వున్న రోజులు. ప్రభుత్వ రంగ సంస్థలను కసాయి వాళ్లలాగా కారుచౌకగా విక్రయిస్తున్న రోజులు. ఆ కసాయి పనికోసం బుద్ధిజీవిగా పేరుపడ్డ అరుణ్ శౌరీని కేబినెట్ మంత్రిగా చేసిన రోజులవి. హిందుస్తాన్ పెట్రోలియం, భారత్ పెట్రోలియం సంస్థలను కూడా అయినకాడికి అమ్మడానికి బరితెగించిన రోజులవి. ఆ రోజు.. భారతదేశాన్ని దేశభక్తులు కాపాడుకున్నారు. పార్లమెంటు కాపాడింది. సుప్రీంకోర్టు కాపాడింది. ఎవరికన్నా బాగా గుర్తుందా? ఆ ఇండియా షైనింగ్ రోజుల్లో బ్యాంకుల గడపతొక్కిన ప్రతి మధ్యతరగతి జీవికి తప్పనిసరిగా గుర్తుండే వుంటుంది. హౌసింగ్ లోన్లు, పర్సనల్ లోన్లు, ఫుట్ పాత్ ల మీద క్రెడిట్ కార్డు వితరణలు జోరుగా సాగుతున్న రోజులు. బ్యాంకుల దగ్గర కుప్పలు తెప్పలుగా నిధులు వున్న రోజులు. ఫ్లోటింగ్ రుణాల కాన్సెప్ట్ వచ్చిన రోజులు. అప్పట్లో హౌసింగ్ లోన్ కోసం బ్యాంకుల గడప తొక్కిన వాళ్ల చెవిలో సిబ్బంది జోరీగలాగా ఒకటే చెప్పేవారు. ఫ్లోటింగ్ రేట్ ఎంచుకోండి అని. వద్దులెండి ఫిక్స్డ్ రేట్ వడ్డీ రుణానికే వెళతాను అని కస్టమర్లు అన్నా మేనేజర్లు ఊరుకునేవారు కాదు. పైగా అప్పట్లో ఫ్లోటింగ్ రేట్ వడ్డీకన్నా ఫిక్స్డ్ రేట్ వడ్డీ ఎక్కువ వుండేది. ఉదాహరణకు ఫ్లోటింగ్ రేట్ వడ్డీ 7శాతం వుంటే, ఫిక్స్డ్ రేట్ వడ్డీ 9శాతం వుండేది. బ్యాంకింగ్ సిబ్బందిది ఒకటే రొదగా వుండేది.. ఇండియా షైనింగ్ అండీ.. వడ్డీ రేట్లు ఇంకా దారుణంగా, మరీ దారుణంగా పడిపోబోతున్నాయి. జపాన్ లో లాగా, అమెరికాలో లాగా మూడున్నర, నాలుగు శాతానికి తగ్గిపోయే సుదినం మరెంతో దూరంలో లేదు అని ఊదరగొట్టేవారు. నిజమే కామోసు అని కస్టమర్లు అందరూ ఫ్లోటింగ్ వడ్డీ రేట్లనే ఎంచుకున్నారు. అంతగా పడిపోయే ఆస్కారం వున్న వడ్డీ స్కీమును ఎందుకు ప్రపోజ్ చేస్తున్నారు? ఇచ్చిన అప్పుపై వడ్డీ రేటు పడిపోతే బ్యాంకులకే నష్టం కదా! నాలుగు శాతానికి పడిపోయే ఫ్లోటింగ్ వడ్డీకంటే.. 9శాతం వుండే ఫిక్స్డ్ వడ్డీ రేటువల్లనే బ్యాంకులకు, సిబ్బందికి లాభం కదా? అని పెద్దగా ఎవరూ ఆలోచించలేదు. అదొక మాయా ప్రచారం. అందరూ ఆ ఊబిలోకి బాగానే చిక్కుకుపోయారు. నిజానికి ఆ తర్వాత వడ్డీ రేట్లు తగ్గలేదు సరికదా.. తీసుకున్నప్పటికంటే చాలా ఎక్కువ పెరిగిపోయాయి. దాంతో మిడిల్ క్లాస్ ఫైనాన్షియల్ ప్లానింగ్ ఘోరంగా దెబ్బతిన్నది. ముఖ్యంగా 2009 ఆర్థిక సంక్షోభం తర్వాత దీనాతిదీనమైంది. బ్యాంకులకంటే కాబూలీవాలాలు నయం. వీళ్లను ఎప్పటికీ విడిచిపెట్టవు. అనేక చట్టాలు తెచ్చుకున్నాయి.. వీళ్లను జీవిత పర్యంతం వేధించడానికి. అందులో సిబిల్  (credit information bureau of india ltd) ఒకటి  అన్నట్టు.... ప్రస్తుతం నడుస్తున్న తమాషా గురించి ఒక మాట. పెద్ద నోట్ల రద్దు వల్ల కొంత నల్లధనం కూడా బ్యాంకింగ్ వ్యవస్థ ద్వారా చెలామణిలోకి వస్తుంది. నల్లధనం అని పేరు పెట్టలేకపోయినా.. లెక్కల్లో చూపని మరికొంత నగదు కూడా చెలామణిలోకి వస్తుంది. మొత్తం 20లక్షల కోట్లు వుందని, అందులో 15లక్షల కోట్లు చెలామణిలోకి వస్తుందని కొన్ని కాకి లెక్కలు వున్నాయి. కానీ నా అంచనా ప్రకారం 3నుంచి 4 లక్షల కోట్ల రూపాయలు బ్యాంకింగ్ వ్యవస్థలోకి కొత్తగా చెలామణిలోకి వస్తుంది. ఇది నిజంగా బ్యాంకులకు పండగే. అకౌంట్లను క్లీన్ చేసుకుంటాయి. లెక్కలు సరిచూసుకోవడానికి వేల సంఖ్యలో సిబ్బందిని నియామకం చేసుకోవాల్సిన పరిస్థితి ఏర్పడుతుంది. నిరుద్యోగులకు శుభవార్తే. ఐటీ... ఆ ఐటీ కాదండీ.. ఇన్ కంటాక్స్ డిపార్ట్ మెంట్ కీ చాలా సిబ్బంది అవసరం అవుతుంది. ఏమైనా.. కాయ్ రాజా కాయ్... బ్యాంక్ స్టాఫ్ మళ్లీ ఫుట్ పాత్ ల మీద మనను పలకరించి... రావుగారూ.. ఓ లక్ష అప్పు ఇస్తాం తీసుకోకూడదూ అని... మనను దేబిరించి, ఫుట్ పాత్ మీదనే మన సంతకాలు తీసుకుని..... మరీ అంత కాకపోయినా అలాంటి India Shining రోజులకు అవకాశం వుందని నా ఎడమకన్ను అదురుతూ చెబుతోంది.   ----- VASIREDDY  VENUGOPAL ...
  • "Sabse sasta din"-Yes,Elephant Can Dance-It Happened In India లోకేష్ చెప్పినట్లు పాలు,కూరగాయలు అమ్మి కొట్లు సంపాదించారో లేదో కాని,పాలు కూరగాయలు అమ్మే Heritage groupను అమ్మి 295 కొట్లు సంపాదించబోతున్నారు. ఇప్పుడు అనేక shopping malls,branded& designer wears దొరుకుతున్నాయి కాని 90ల మొదటి వరకు branded dressల కోసం మొహమెత్తే పరిస్థితి, డబ్బువున్న మార్కెట్లో availability తక్కువ. కుమార్ షర్ట్స్ అని 100 రూపాయలకు 3 ఇచ్చేవారు...వాళ్ళకు outlets వుండేవి కావు,ఊర్లలో groundsలో టెంట్లు వేసి డిసెంబర్ చివరి వారంలో అమ్మేవాళ్ళు. గంటా,రెండు గంటలకే మొత్తం సరుకు అమ్ముడుపోయి లాఠిచార్జి కూడ జరిగిన సంధర్భాలు ఎన్నో! చిరంజీవి గ్యాంగ్ లీడర్ షర్ట్స్ 35 రూపాయల ధరకు వివరీతంగా అమ్ముడుపోయాయి ,ఆ షర్ట్స్ brand ఏమిటో తెలియదు. 1991 ఆర్ధిక సంస్కరణల కన్నా ముందు నుంచే చాలా కుటుంబాలు Wholesale వ్యపారాలు చేశాయి.చెన్నైతో పరిచయం లేనివారికి కూడ "శరవణా స్టోర్స్" గురించి తెలుస్తుంది.శరవణా భవన్ హోటల్ వీరిది కాదు. చెన్నైతో పరిచయం వున్నవారికి ఇసుకవేస్తే రాలనంత జనం ప్రతిరోజు తిరిగే "రంగనాథన్ స్ట్రీట్" గురించి తెలుస్తుంది.  రంగనాథన్ స్ట్రీట్లో IT Jobs కోసం చెన్నైలో దిగే నిరుద్యోగులకు కల్పతరువులాంటి PVT Mansion,కొన్ని వేల కుటుంబాలకు ఉపాధిని కల్పిస్తున్న "శరవణా స్టోర్స్" వున్నాయి.ఈ Streetలో 24/7 activity వుంటుంది. 1961లో బొంబాయిలో ఒక మధ్యస్థాయి వ్యాపార కుటుంబంలో పుట్టి,ఒక మోస్తరుగా చదువుకున్న "కిషోర్ బియాని" అనే యువకుడు సాంప్రదాయ వ్యాపార పద్దతిలోకాకుండ కొత్తగా వ్యాపారం చెయ్యాలని అనేక ప్రయత్నాలు చేశాడు.30 years నిండక ముందే సొంతంగా సొంతంగా supply, WBB-(White Brown and Blue) పేరుతో Stonewashed fabric brandను ప్రారంభించారు.1987లో అంటే 26 సంవత్సరాల వయస్సులొ "Manz Wear Private Limited" పేరుతో garment manufacturing companyని ప్రారంభించాడు,ఆ "Manz Wear" తరువాత Pantaloons అయ్యింది. ఇదంత కిషోర్ బియాని తొలిదశ వ్యాపారం ,ఇదేమి బియానికి పెద్ద గుర్తింపును కాని ఆదాయాన్ని కాని అందించలేదు.బియాని అసలు వ్యాపార జీవితం 2001లొ Big Bazaarతో మొదలైంది.Big Bazaar hyper marketకూడ తొలి 3,4 సంవత్సరాలలొ పెద్దగా successకాలేదు. కిషోర్ బియానికి తనదైన సొంత business Philosophy వుంది. బియాని మాటల్లొ "Retailing is not just about selling products, it’s about selling an idea"---ఇలాంటి ఆలోచనా విధానమే 2006 జనవరి 26న కిశొర్ బియాని & భారతదేశ retail రంగం దశ & దిశను మార్చింది. "సబ్సే సస్త దిన్" అన్న ప్రచారంతో 25-Jan-2006 రాత్రి నుంచి పుట్టలు పగిలిన చీమలలాగ customers Big Bazaar outlets ముందు బారులు తీరారు.దించినవి దించినట్లుగానే లారీల కొద్ది సమానులు అమ్ముడుపోయాయి. బెంగుళూరులోని కోరమంగళలో customersను అదుపుచెయ్యటానికి లాఠిచార్జి చేశారు.మొత్తంగా ఒక్క రోజులో 43 Big Bazaar outletsలో 125 కోట్ల అమ్మకాలు జరిగాయి.ఇన్ని అమ్మకాలు అంతకు ముందు చరిత్ర ఎరగదు. అప్పటి నుంచి వరుసగా 6,7 సంవత్సరాలపాటు "Sambse sata 3 din" పేరుతో జనవరి 24,25,26 మూడురోజుల పాటు జరిపిన అమ్మకాలు Big Bazaarను తిరుగులేని సంస్థగా నిలబెట్టాయి. ఎందుకో కాని Indian Media Big Bazaar "Sabse sata din" అమ్మకాలను అమెరికాలో నవంబర్ చివరి శుక్రవారం అమ్మకాలు Black Fridayతో పోల్చలేదు. కిశోర్ బియాని Walmart conceptను copyకొట్టి Big Bazaar పెట్టారని ఆరోపణలున్నాయి.కాని బియాని స్వయంగా శరవణా Stores inspirationతోనే Big Bazaarను ఏర్పాటు చేశానని చెప్పారు. Big Bazaar మాతృ సంస్థ Future Groupలొ ఇప్పుడు పదుల కొద్ది సంస్థలు వున్నాయి.రీటైల్ రంగంలోనే కాకుండ Financial Servicesలొ Capital Holdings,Life & General Insurance, Venturesకూడ big players.మొత్తంగా Future Groupsలొ దాదాపు 40,000 మంది employees వున్నారు. TATA Group తరువాత ఎక్కువ Companies వున్నది బహుశా Future Groupలోనే కావొచ్చు. కిశోర్ బియాని మీదనో మరో corporate group మీదనే నాకు admirationలేదు.  కిశోర్ బియాని అన్నట్లు "Most businessmen make the mistake of creating an environment only where they win,they see life and business as a competitive arena not a cooperative one." ---may be a good cooperative system between rural,small scale industries and corporate companies could have been built a better system. 2006-2008 మధ్య Bangalore WIPROలొ పనిచేసే రోజుల్లో Team Leadగా Team Members birthdayలకు ఒక T-Shirts+ఒక book present చేసేవాళ్ళం.అలా giftగా ఇచ్చిన పుస్తకాలలో కిశోర్ బియాని రాసిన It happened in India,Go Kiss the World,The Go-Giver ముఖ్యమైనవి. నిన్న Future Group Heritageని take over చేస్తుందన్న వార్త చూసి బియాని success story గుర్తొచ్ఛి  ఇది  రాశాను.ఇప్పటికి వున్న వార్తల ప్రకారం Future Retail Groupలో Heritage groupకు 295 కోట్ల విలువైన 3.5% వాట ఇస్తుందంట.గత ఏడు దాదాపు ఇదే సమయంలొ Future Group రాందేవ్ "పతాంజలి" సంస్థతో ఒక ఒప్పందం చేసుకున్నారు.మొత్తంగా Future Groupబాగా విస్తరిస్తుంది... కిశోర్ బియాని రాసిన It Happened In India కన్నా నేను Subroto Bagchi రాసిన "Go Kiss The World" bookను recommend చేస్తాను.Subroto Bagchi WIPROకు పునాది వేసినవారిలో ముఖ్యులు.WIPRO తరుపున USAలొ Office open చేసిన వ్యక్తి.తరువాత WIPROను వదిలి Mind Treeని ఇతరులతో కలిసి ఏర్పాటు చేశారు. The best of Kishore Biyani "An organisation needs a Creator, preserver and destroyer to keep pace with the changing reality."    ----------  SIVA RACHARLA...
  • అచ్చం తండ్రి పోలికలో కనిపించే ఈ అమ్మాయే అంబానీ వ్యాపార సామ్రాజ్య వారసురాలు. దేశంలో అత్యంత ధనవంతుడైన ముకేష్ అంబానీ కుమార్తె ఇషా అంబానీ. ముకేశ్ అంబానీ తన కూతురుకి,,కుమారుడికి వ్యాపార నిర్వహణలో శిక్షణ ఇస్తున్నారు. ఇషా కూడా తండ్రి మాదిరిగానే సూక్ష్మగ్రాహి. అల్లుకు పోయే తత్వం గల పిల్ల.  రిలయన్స్ వ్యాపార సామ్రాజ్యంపై తనదైన ముద్ర వేసేందుకు మెల్ల మెల్లగా ఆమె సిద్ధమవుతున్నారు.  ఇషా వయసు 24  ఏళ్లు. ఇషా అమెరికాలోని యాలె యూనివర్సిటీలో సైకాలజీ, సౌత్ ఏషియన్ స్టడీస్ ప్రధాన సబ్జెక్టులుగా గ్రాడ్యుయేషన్ పూర్తి చేశారు. అలాగే  అమెరికాలోని ప్రముఖ కన్సల్టెన్సీ సంస్థ మెకిన్సేలో వ్యాపారంలో మెళకువలు నేర్చుకునే కోర్స్ చేశారు . వినియోగదారులతో ప్రత్య క్ష సంబంధాలుండే వ్యాపారాలన్నింటినీ ఆమెకు అప్పగించాలని ముఖేష్  ఆకాంక్ష. ఇప్పటికే  రిలయన్స్ జియో ఇన్ఫోకామ్ , రిలయన్స్ వెంచర్స్ లో ఇషా డైరెక్టర్ గా చేస్తున్నారు. ఆసియా లో పవర్ ఫుల్ బిజినెస్ అప్ కమింగ్ వుమన్ గా  ఇషా గుర్తించబడ్డారు.  ప్రపంచంలోనే రెండో అత్యంత ధనవంతుల కుటుంబ వారసురాలిగా ఫోర్బ్స్ అమెను గుర్తించింది. అన్నట్టు ఇషా, ఆకాశ్‌లు కవల పిల్లలు.ఆకాశ్ కూడా  జియో లో  డైరెక్టర్ గా చేస్తున్నారు . వీరి తమ్ముడు అనంత్ అమెరికాలో ఉన్నత చదువులు అభ్యసిస్తున్నారు. పియానో వాయించడంలో ఇషా నిష్ణాతురాలు. 16 ఏళ్ల వయసులోనే ఇషా ప్రపంచవ్యాప్తంగా పాపులర్ అయ్యారు.  ఇక  మరో విషయం ఏమిటంటే .....  ఇన్ని ప్రత్యేకతలున్న ఇషా అంబానీ వివాహ ముహూర్తం ఖరారైనట్లు  మీడియా లో కొన్ని రోజుల క్రితం వార్తలు వెల్లువెత్తాయి . నవంబర్‌లో ఇషా అంబానీ పెండ్లీ అంగరంగవైభవంగా జరగ బోతున్నట్టు  మీడియా ఊదర గొట్టింది.  ఈ వేడుకలో బాలీవుడ్ సూపర్‌స్టార్ షారుక్‌ఖాన్ ప్రత్యేక నృత్య ప్రదర్శన ఇవ్వనున్నట్లు కూడా  రాసేసాయి. అయితే అవన్నీ పుకార్లే అని ముఖేష్ దగ్గరి బంధువు ఒకరు ప్రకటించారు.  అయితే ముకేశ్ ఇంట పెళ్లి మాత్రం జరగబోతోంది  అది ఎవరిది అంటే ఆయన మేనకోడలది  అట.  ...