Latest News
నేటి క‌బుర్లు

అరుదైన సమస్య ఆ పాపకు శాపం !!

1st Image

ఈ ఫొటోలో కనిపించే పాపది ఫ్లోరిడా. వయసు ఎనిమిదేళ్లు ... పేరు  విర్సావియా బోరన్.
ఎంతో హుషారుగా ఉంటుంది. ఆటల్లో ,పాటల్లో ముందుంటుంది.  బొమ్మలు కూడా వేస్తుంది. 
అత్యంత అరుదైన సమస్యతో ఈ పాప బాధపడుతున్నది. విర్సావియా బోరన్ హృదయ స్పందనలు ఛాతి బయట జరుగుతున్నాయి. వైద్య పరిభాషలో ఈ సమస్యను ఫెంటాలొగీ ఆఫ్ కాంట్రెల్ అని పిలుస్తారు ..ప్రతీ 5.5 మిలియన్ల మందిలో ఒకరికి ఇటువంటి సమస్య వచ్చే అవకాశముంటుందని డాక్టర్లు చెబుతున్నారు.  
సాధారణంగా శరీరం లోపల జరగాల్సిన హార్ట్ బీటింగ్..విర్సావియా విషయంలో హృదయ స్పందనలు కొనసాగుతున్నంత సేపు గుండె ఛాతి బయటకు రావడం లోపలికి పోవడం జరుగుతుంది. (వీడియో చూడండి) 
మరోవైపు  తన కూతురుని  ఎలాగైనా బతికించుకోవాలని పాప  తల్లి ప్రపంచవ్యాప్తంగా పేరున్న ఆస్పత్రుల చుట్టూ తిరిగింది. విర్సావియాను పరీక్షించిన వైద్యులు పాప ఆరోగ్య పరిస్థితి  సున్నితమైందని, ఆమెకు ఆపరేషన్ చేస్తే ప్రాణానికే ప్రమాదముందని అంటున్నారు.  హైబీపీ వల్ల ప్రాణాలు పోయే అవకాశం ఉందట. దీంతో ఆ తల్లి  దేవుడి మీద భారం వేసి  ఎప్పటికైనా మంచి చికిత్స దొరక్కపోదా అని ఆశతో ఎదురుచూస్తోంది. 
  • వివాహ బంధం దంపతుల మధ్య ముళ్ల బంధంగా మారుతోంది . మూడు ముళ్ళు.... ఏడు అడుగులకు అర్ధాలే మారుతున్నాయి .   నూరేళ్ళు కలసి మెలసి పిల్లాపాపలతో జీవితాన్ని గడపాల్సిన దంపతులు కొంత కాలానికే పోలీసు స్టేషన్ల గుమ్మాలు తొక్కుతున్నారు. అనుమానంతో కొంతమంది, వివాహేతర సంబంధాలు, ఆర్థిక పరిస్థితులు సరిగ్గా లేక అదనపు కట్నాల వేధింపుల నేపథ్యంలో  భార్య భర్తలు రోడ్డెక్కుతున్నారు.  ప్రతీ చిన్నవిషయానికి ఘర్షణలు పడుతూ దూరమవుతున్నారు. తల్లిదండ్రులకు తీరని క్షోభను మిగులుస్తున్నారు. ఇటీవలి కాలంలో  పోలీసుస్టేషన్‌ల్లో భార్యాభర్తల మధ్య ఫిర్యాదులు పెరిగిపోతున్నాయి. భార్యాభర్తలతో పాటు ఇరువైపుల పెద్దలను పిలిపించి కౌన్సిలింగ్‌ ఇచ్చే పనిలో పోలీసులు నిమగ్నమయ్యారు.  ఏ పోలీస్టేషన్‌లో చూసినా భార్యాభర్తల మధ్య విభేదాలు , ఒకరిపై ఒకరు పెట్టుకుంటున్న కేసులే ఎక్కువయ్యాయి.  భార్య, భర్త లేదా అత్తమామలపై అనుమానిస్తున్నారని, కట్నం తేవాలని, మద్యం తాగి కొడుతున్నాడని ఇలా పలు రకాలుగా ఫిర్యాదులు చేస్తున్నారు .  పోలీసు స్టేషన్‌ల గుమ్మాలు ఎక్కిన కేసులు కొన్ని మాత్రమే. ఇవి కాక  గ్రామ పెద్దలు, కుటుంబ పెద్దల వద్ద నలిగే గొడవలు చాలా ఉంటాయి. భార్య, భర్తల మధ్య విభేదాలు, అనుమానాలతో కాపురాలు కూలిపోతున్నాయి.   అర్ధాంతరంగా ఎన్నో కుటుంబాలు రోడ్డున పడుతున్నాయి. ఇరువురు  పంతాలకు పోతుండటంతో  తల్లిదండ్రుల చాటున బతికిన వారి పిల్లల భవిష్యత్‌ ప్రశ్నార్థకంగా మారుతోంది. బాధిత భార్య,భర్తలు, ఇరు వర్గాల తల్లిదండ్రులు స్టేషన్‌ల చుట్టూ తిరగాల్సిన పరిస్థితి నెలకొంది. ఈ క్రమంలో చివరికి భార్యో, భర్తో ఎవరో ఒకరు అన్యాయం కాక తప్పడం లేదు.  ఇదివరలో  భర్త నుండి కానీ, భర్త వైపు వారినుండి కాని ఎటువంటి ఇబ్బందులు వచ్చినా భరిస్తూ కాపురం చేసేవారు, ఒకవేళ తల్లి తండ్రులకు చెప్పినా ఏదోవిధంగా సర్దుకుపొమ్మని సలహా ఇచ్చేవారు లేదా ఏదో రకంగా ఇరువురికి ఇబ్బంది కలుగ కుండా, పరువు రోడ్డున పడకుండా పరిష్కారం చేసేవారు. అప్పటి సామాజిక పరిస్థితుల్లో విడాకులు, భార్య భర్తలు విడి విడిగా ఉండటం అంటే ఎంతో అవమానకరంగా, పరువు తక్కువగా భావించేవారు. తల్లి తండ్రులు, మధ్యవర్తులు  ఏదో రకంగా సర్ది చెప్పి విడాకుల వరకు వెళ్ళకుండా   పరిష్కరించే వారు. స్త్రీ ఆర్ధికంగా బలహీనురాలు కావటం, సమాజంలో విడాకులు తీసుకున్న స్త్రీ పట్ల చిన్న చూపు ఉండటం వలన కూడా ఎన్ని కష్టాలు, ఇబ్బందులు పడినా ఒక రకంగా స్త్రీలే సర్దుకు పోయేవారు. అయితే కాలక్రమేణా సమాజంలో వచ్చిన మార్పులకు అనుగుణంగా స్త్రీలకు రాజ్యాంగంలో కొన్ని ప్రత్యెక హక్కులు, అధికారాలు కల్పించబడ్డాయి. తండ్రి ఆస్తిలో పురుషులతో సమానంగా స్త్రీలకు ఆస్తి హక్కు కల్పించారు, ఇదే సమయంలో 'ఉమ్మడి కుటుంబ' వ్యవస్థ విచ్చిన్నమై  వేరు కాపురాల వ్యవస్థ ఏర్పడింది. కొత్త పెళ్ళైన భార్యా భర్తలకు మంచి చెడు చెప్పే వారు, చిన్న చిన్న తగాదాలు తీర్చే వారే కరువయ్యారు. ఉద్యోగ రీత్యా తమ తల్లి తండ్రులకు దూరంగా ఉండే కుటుంబాలకు ఈ సమస్య మరీ ఎక్కువగా ఉంది.  ఈ మధ్య కాలంలో పురుషులలో 'పురుషాధిక్య' ధోరణి తగ్గి ఉద్యోగం, వ్యాపకాల మీద, కెరీర్ మీద ఎక్కువగా దృష్టి పెడ్తున్నారు, కానీ ఉద్యోగం చేసే కొంత మంది స్త్రీలలో 'స్త్రీవాద'ధోరణి ఎక్కువైంది. అలాగని ఉద్యోగం చేయని వాళ్ళేమీ తక్కువ తినలేదు, కొంతమంది స్త్రీలు తమ కోరికలు తీర్చుకోవటానికి భర్తలను రాచి రంపాన పెడుతున్నారు.  గతంలో కాపురాల్లో వచ్చే గొడవల్లో ఎక్కువగా స్త్రీలే భాదితులుగా ఉండేవారు,ఇపుడు  'భార్యా భాదితులే' కూడా ఉన్నారు.  దంపతుల మధ్య ఏర్పడిన చిన్న చిన్న కలహాలు కూడా విడాకుల వరకు దారి తీస్తున్నాయి. పురుషులు శారీరకంగా బలవంతులైనా కాని స్త్రీలు మానసికంగా పురుషుల కంటే ఎంతో బలవంతులు. చాలా సందర్భాల్లో భర్తలే సర్దుకుపోటానికి సిద్ధపడుతున్నా భార్యలు మాత్రం అందుకు ససేమిరా ఒప్పుకోవటం లేదు, వాళ్ళ కోరికలు నెరవేర్చుకొనే వరకు, పంతం తీర్చుకోటానికి ఎంతవరకైనా వెళ్తున్నారు.  దంపతులు  పంతం, పగ, ప్రతీకారం తీర్చుకోటానికి  ఎంతకైనా తెగిస్తున్నారు, కాపురాలను నాశనం చేసుకుంటున్నారు.  రెండు చేతులు కలిస్తేనే చప్పట్లు, కాపురంలో ఏర్పడే కలహాల్లో భార్య, భర్తల ఇద్దరి పాత్ర ఉంటుంది, కాకపొతే ఒకరిది ఎక్కువ, ఇంకొకరిది తక్కువ. తప్పెవరిదైనా భార్య, భర్తలిద్దరూ సర్దుకుపోతే చాలా మంచిది, లేదా ఒకరు సర్దుకున్నా కాని సమస్య జటిలం కాకుండా ఉంటుంది. భార్య, భర్తల మధ్య సమస్య పరిష్కారం కానప్పుడు మొదటగా ఇరువురి తల్లి తండ్రుల సమక్షంలో తీర్చుకోవటం మంచిది. అలా కాకుండా పోలీస్ స్టేషన్స్ కు వెళుతున్నారు. కేసులు పెట్టుకుని కోర్టులు చుట్టూ తిరుగుతున్నారు. ఇంకొందరు ఉన్మాదంలో హత్యలకు కూడా దిగుతున్నారు.  కుటుంబ న్యాయస్థానం, ఫ్యామిలీ కౌన్సిలర్స్ పరిశీలన ప్రకారం  అహం , పంతాలు, పట్టింపుల వంటి చిన్న చిన్న కారణాల వల్లనే ఎక్కువమంది విడాకులు తీసుకుంటున్నారు. పిల్లున్న వారి కేసుల్లో తప్పు ఎవరిదైనా చివరకు పిల్లల భవితవ్యం బలి అవుతోంది. 
  • స్టాక్ మార్కెట్ల పతనం కొనసాగే సూచనలు కనిపిస్తున్నాయి . గత సోమవారం నుంచి శుక్రవారం వరకు సెన్సెక్స్  1249.04 పాయింట్లు(3.28%) కోల్పోయింది. నిఫ్టీ కూడా 372.10 పాయింట్లు నష్టపోయింది.   రాబోయే రోజుల్లో కూడా మార్కెట్ సెంటిమెంట్ బలపడే సూచనలు లేవు. మార్కెట్ మరో 1000 పాయింట్లు తగ్గే అవకాశం ఉండనే విశ్లేషణలు కూడా వినబడుతున్నాయి. గత కొద్దీ రోజులుగా సూచీలు నష్టాల పాలైన  కారణంగా ఇన్వెస్టర్ల సంపద  రూ.8 లక్షల కోట్ల మేరకు ఆవిరైంది.  అమెరికా–చైనాల మధ్య వాణిజ్య యుద్ధం తాలూకూ  భయాలు , రూపాయి విలువ క్షీణత, ముడి చమురు ధరల  పెరుగుదల , ఐఎల్‌ అండ్‌ ఎఫ్‌ ఎస్‌ కంపెనీ ఖాతా దారులకు  బకాయిల ఎగవేత  వంటి అంశాలు  సెంటిమెంట్ ను దెబ్బ తీశాయి. దీంతో అమ్మకాలు వెల్లువెత్తాయి.  స్టాక్‌ మార్కెట్లో బలహీనతల కారణంగా కరెక్షన్‌ మరికొంత కాలం తప్పదని నిపుణులు చెబుతున్నారు . . విదేశీ ఇన్వెస్టర్ల  మద్దతు తగ్గుతున్న క్రమంలో పతనం ఎందాకా సాగుతుందో అంచనా వేయలేని స్థితి. ఈ సమయం లో ఇన్వెస్టర్లు కొంత అప్రమత్తంగా వుండటం మంచిది.  క్రూడ్ ధరల పెరుగుదల  ప్రపంచ మార్కెట్లపై కూడా ప్రభావం చూపుతోంది . ఆ కారణంగా కూడా భారత్ మార్కెట్లలో  అమ్మకాలు వెల్లువెత్తుతున్నాయి.  మార్కెట్లను ప్రస్తుతం ఉత్తేజపరిచే అంశాలు ఏమి లేవు. సెప్టెంబర్ వచ్చింది కాబట్టి కంపెనీల రెండో త్రైమాసిక ఫలితాలు వెలువడుతాయి. మార్కెట్ కి ఊపునిచ్చేవిధంగా ఫలితాలు వెలువడితే కరెక్షన్ తాత్కాలికంగా ఆగవచ్చు. ప్రపంచ  దేశాలనుంచి  ఇంకేదైనా శుభవార్త వచ్చినా మార్కెట్ రికవరీ బాటలో పడవచ్చు. ప్రస్తుతానికైతే  కరెక్షన్ ప్రమాదం ఇంకా వుంది అనే చెప్పుకోవాలి. ఈ ఏడాది ఆగస్టు వరకు దేశీయ , విదేశీ ఇనిస్టర్లు  భారీ ఎత్తున మార్కెట్లో మదుపు చేసారు. ఫలితం గా మార్కెట్ శరవేగం తో దూసుకు పోయింది. ర్యాలీలు మార్కెట్ కి ఊపు నిచ్చాయి . మార్కెట్ కొత్త రికార్డులను నమోదు చేసింది. ఈ క్రమంలోనే మార్కెట్  ఓవర్ బాట్ పొజిషన్ కి చేరుకుంది. షేర్ల వాల్యుయేషన్ పెరిగిపోయింది. ఇలాంటి పరిస్థితుల్లో విదేశీ ఇన్వెస్టర్లు నికర అమ్మకందారులుగా మారటం సహజం. పైగా సెంటిమెంట్ కూడా దెబ్బతింది .ఇదే అదనుగా దేశీయ సంస్థలు .. పెద్ద ట్రేడర్లు  అమ్మకాలకు తెరతీశారు.  కాగా కరెక్షన్ మార్కెట్ కి కొత్తేమి కాదు .గతం లో ఎన్నో సార్లు మార్కెట్ దిద్దుబాటు కి గురైంది . అనంతరం మళ్ళీ పుంజుకొని  ఇన్వెస్టర్లకు లాభాలను అందించింది .  పెరుగుట విరుగట కొరకే అన్నట్టు విరుగుట  పెరుగట కొరకే  అని చెప్పుకోవాలి  కరెక్షన్  నిజం గా ఇన్వెస్టర్లకు  మంచి అవకాశం.  కరెక్షన్ కారణం గా పెరిగిన షేర్ల ధరలు తగ్గి  ఇన్వెస్టర్లకు అందుబాటు లో వస్తున్నాయి .  కాబట్టి మార్కెట్ పడిపోతుందని  కంగారు పడొద్దు.  ఈ సమయం లో మార్కెట్ కదలికలను  పరిశీలిస్తూ  మంచి షేర్లను  ఇన్వెస్టర్లు ఎంపిక చేసుకోవాలి. ఫండమెంటల్స్ బలంగా ఉండి , మంచి వృద్ధిని సాధిస్తున్న షేర్లను ఎంపిక చేసుకొని మార్కెట్ స్థిరపడ్డాక మదుపు చేయాలి  ......  కె. ఎన్. మూర్తి
  • అసలే మార్కెట్ సెంటిమెంట్ అంతంత మాత్రంగా ఉన్న నేపథ్యంలో ఐఎల్‌ అండ్‌ ఎఫ్‌ ఎస్‌ కంపెనీ సెన్సెక్స్ కుప్పకూలడానికి కారణమైంది. ఐఎల్‌ అండ్‌ ఎఫ్‌ ఎస్‌ కంపెనీ  మౌలిక రంగ ప్రాజెక్టులకు పెద్ద ఎత్తున రుణాలు అందిస్తోన్నసంస్థ.  పెద్ద గ్రూప్ గా ఎదిగింది. అనుబంధ కంపెనీలు చాలానే ఉన్నాయి. కంపెనీ ని సెంట్రల్ బ్యాంక్ అఫ్ ఇండియా , హెచ్ డీ  ఏ ఎఫ్ డీ , యూనిట్ ట్రస్ట్ అఫ్ ఇండియాలు ప్రమోట్ చేశాయి. తర్వాత కాలంలో వాటి భాగస్వామ్యం తగ్గింది .  25  యేళ్ళుగ్గా అంచెలంచెలుగా ఎదిగి దేశ విదేశాల్లో పలు ప్రాజెక్టులకు  రుణాలు ఇస్తోంది . పబ్లిక్ ప్రయివేట్ భాగస్వామ్యంలో కొన్ని ప్రాజెక్టులను నిర్వహిస్తోంది. పబ్లిక్ ప్రయివేట్ భాగస్వామ్యం లో  ప్రాజెక్టుల నిర్మాణాన్ని చేపట్టిన సంస్థల్లో ఇది తొలి  సంస్థ. అంత మార్కెట్ ఇమేజ్ ఉన్న ఆ కంపెనీ యే పీక ల్లోతు కష్టాల్లో కూరుకుపోయింది. కారణాలు బయటకు రాలేదు కానీ కొంతకాలంగా కంపెనీ ఆర్థిక కష్టాల్లో చిక్కుకుంది.  డిఫాల్టర్ గా మారింది. దీంతో కష్టాలు మొదలైనాయి.  కంపెనీ బాండ్స్ కొనుగోలుదారులకు మార్చి , సెప్టెంబర్ మాసాల్లో చెల్లించాల్సిన వడ్డీ ని కూడా చెల్లించలేకపోయింది. కంపెనీ అనుబంధ సంస్థల తాలూకూ డిబెంచర్ల పేమెంట్ కూడా నిలిచిపోయింది.  ఐడీబీఐ బ్యాంకు నుంచి తీసుకున్న రుణాలకు సంబంధించి  చెల్లింపులు కూడా నిలిచి పోయాయి. బిర్లా ఫైనాన్స్ కి కూడా బకాయి పడింది. ఆ కంపెనీ కోర్టు కి వెళ్లగా డిసెంబర్  7 నాటికి విచారణను వాయిదా వేస్తూ ,ఆస్తుల బదలాయింపు జరగకూడదని ఆదేశాలు జారీ  చేసింది.  ఇలా కంపెనీ వరుస కష్టాల్లో చిక్కుకుంది. కాగా లిక్విడిటీ సమస్యలు ఎదురు కావడంతో రుణ చెల్లింపులు ఇక ఇబ్బందిగా పరిణమిస్తాయి. ఇప్పటికే 10. 5 లక్షల కోట్ల రుణభారంతో కంపెనీ సమస్యలు ఎదుర్కొంటోంది.  కంపెనీ 2017 మార్చ్ నాటికి  23465 మిలియన్ రూపాయల రెవెన్యూ పై 2088 మిలియన్ రూపాయల  నికర లాభాన్ని ఆర్జించింది. కంపెనీ నెట్ వర్త్ 24071 మిలియన్ రూపాయలు. అదే సమయంలో రేటింగ్ కంపెనీలు ఐఎల్‌ అండ్‌ ఎఫ్‌ ఎస్‌  అనుబంధ సంస్థల రేటింగ్ ను డౌన్ గ్రేడ్ చేశాయి .  ఇవన్నీ బయటకు పొక్కడంతో ఇన్వెస్టర్లు భయానికి లోనయ్యారు. రుణదాతలకు చెల్లించాల్సిన రూ.250 కోట్ల రుణాన్ని చెల్లించలేకపోతున్నామని  ఐఎల్‌అండ్‌ఎఫ్‌ఎస్‌ ప్రకటించిన కొన్ని గంటల్లోనే ఐఎల్‌అండ్‌ఎఫ్‌ఎస్‌ ఫైనాన్షియల్‌ సర్వీసెస్‌ ఎండీ,నలుగురు డైరెక్టర్లు, ఒక నాన్‌-ఎగ్జిక్యూటివ్‌ డైరెక్టర్‌ తమ పదవులకు రాజీనామా చేశారు. ఈ పరిణామం దావాలనాన్ని రగిలించింది. దీంతో  హౌసింగ్‌ ఫైనాన్స్‌ కంపెనీల షేర్లు కుప్పకూలాయి. ఇన్వెస్టర్లలో ఆందోళన చోటుచేసుకుంది. దీనికి తోడు వడ్డీ రేట్లు పెరుగుతున్నందున ఈ రంగానికి చెందిన కంపెనీల నిధుల వ్యయం పెరుగుతుందని, ఆ మేరకు లాభాలు క్షీణిస్తాయని భావించి ఇన్వెస్టర్లు  అమ్మకాలకు దిగారు.  ఫలితంగా  హౌసింగ్‌ ఫైనాన్స్‌ కంపెనీల షేర్ల ధరలు భారీగా పతనం అయ్యాయి. దివాన్‌ హౌసింగ్‌ ఫైనాన్స్‌ లిమిటెడ్  షేర్‌ అయితే అనూహ్యంగా క్షీణించింది. ఒక్కరోజులోనే ఈ షేర్‌ రూ.259 (42.43%) మేరకు పతనం అయింది.  ఈ కంపెనీ  బాండ్లపై గడువు తీరిన తర్వాత లభించే ప్రతిఫలం అధికంగా ఉందని, ఆ సంస్థ నిధుల కొరతను ఎదుర్కొంటూ ఉండటం దీనికి కారణం కావచ్చని మార్కెట్‌ వర్గాల్లో పుకార్లు వ్యాపించాయి. దీంతో ఇన్వెస్టర్లు ఒత్తిడికి  గురై స్టాక్‌ మార్కెట్లో  షేర్లను పెద్ద ఎత్తున అమ్మేశారు.  ఈ సెగ ఇతర హౌసింగ్‌ ఫైనాన్స్‌ సంస్థల షేర్లకూ తాకింది. ఇండియాబుల్స్‌ హౌసింగ్‌ ఫైనాన్స్‌, కెన్‌ఫిన్‌ హోమ్స్‌, ఎల్‌ఐసీ హౌసింగ్‌ ఫైనాన్స్‌ ,గృహ్‌ ఫైనాన్స్‌, పీఎన్‌బీ హౌసింగ్‌ ఫైనాన్స్‌ తదితర సంస్థల షేర్లకూ అమ్మకాల ఒత్తిడి ఎదురైంది. ఇవి కూడా నష్టపోయాయి.  తమాషా ఏమిటంటే దివాన్‌ హౌసింగ్‌ ఫైనాన్స్‌  డీఫాల్ట్‌’ అయ్యిందీ లేదు, ఇప్పటికిప్పుడు చెల్లించాల్సిన బకాయిలు కూడా లేవట. కేవలం  పుకార్లు ఆ కంపెనీ ని దెబ్బతీశాయి. మొత్తం మీద ఐఎల్‌ అండ్‌ ఎఫ్‌ ఎస్‌ కంపెనీ ప్రభావం అన్నింటి పై పడింది . ఇప్పట్లో ఈ కంపెనీలు కోలుకోవడం కష్టమే. హోసింగ్ ఫైనాన్స్ కంపెనీలలో మదుపు చేసిన ఇన్వెస్టర్లు చాలామంది నష్టపోయారు. సోమవారం నుంచి శుక్రవారం వరకు సెన్సెక్స్  1249.04 పాయింట్లు(3.28%) కోల్పోయింది. నిఫ్టీ కూడా 372.10 పాయింట్లు నష్టపోయింది.   రాబోయే రోజుల్లో కూడా మార్కెట్ సెంటిమెంట్ బలపడే సూచనలు లేవు. మార్కెట్ మరో 1000 పాయింట్లు తగ్గే అవకాశం ఉండనే విశ్లేషణలు కూడా వినబడుతున్నాయి. మార్కెట్ స్థిరపడే దాకా కొనుగోళ్లు చేయడం మంచిది కాదు.  .....  కె . ఎన్. మూర్తి 
  • స్టాక్ మార్కెట్ కు సెప్టెంబర్ నెల అచ్చిరాదా ? అంటే ..ఈ మాట కొంత మేరకు  నిజమే అని చెప్పుకోవచ్చు. విశ్లేషకులు  కూడా అదే చెబుతున్నారు.   సెప్టెంబర్ మాసం లో బేర్స్ మార్కెట్ పై పట్టు బిగించే ప్రయత్నాలు చేస్తాయి. అన్ని సార్లు కాకపోయినా కొన్ని సార్లు సక్సెస్ అవుతాయి. దాంతో అమ్మకాలు జోరు పెరిగి మార్కెట్లు  డౌన్ ట్రెండ్ లో పడతాయి. ఈ విషయాలు ఏదో ఆషామాషీగా చెప్పడం లేదు. సెప్టెంబర్ మాసాల్లోనే మార్కెట్ పతనమైన  చారిత్రిక ఉదాహరణలు కూడా ఉన్నాయి. గత పదేళ్ల కాలంలో అంటే 2008 నుంచి 2018 వరకు 5 సార్లు మార్కెట్ సెప్టెంబర్ గండాన్ని ఎదుర్కొంది. సూచీలు అదోముఖంగా పయనించాయి. తొలి సారిగా సెన్సెక్స్ 2008 సెప్టెంబర్ లో 11 శాతం మేరకు పతనమైంది. మార్కెట్లు తీవ్రమైన ఒత్తిడికి గురైనాయి. షేర్లు ఢమాలన్నాయి.  ఇన్వెస్టర్లు  పెద్ద ఎత్తున నష్టపోయారు. అదేసమయంలో విదేశీ ఇన్వెస్టర్లు తమ హోల్డింగ్స్ ను అమ్మేసుకుని  లాభాలు ఆర్జించారు.  కేవలం మ్యూచువల్ ఫండ్స్ మాత్రమే మార్కెట్ కి అండగా నిలిచాయి. సెంటిమెంట్  కుదేలు అయిన  క్రమంలో బేర్స్ చెలరేగిపోయారు.  ఇదే పరిస్థితి మరల 2011 సెప్టెంబర్ నెలకొంది. అపుడు మార్కెట్ 2.1 శాతం మేరకు పతనమైంది. బుల్స్ వెనుకడుగు వేయగా బేర్స్ దే  పైచేయి అయింది. ఆ తర్వాత 2014 సెప్టెంబర్ కూడా మార్కెట్ కి  కలసి రాలేదు. మళ్ళీ ఒడిదుడుకులకు లోనైంది. అయితే పతనం  0. 88 శాతం మేరకే పరిమితమైంది. గుడ్డిలో మెల్ల లాగా అది కొంత ఉపశమనం. అలాగే  2016 ,2017 సంవత్సరాల్లోని సెప్టెంబర్ మాసాల్లో  కూడా వరుసగా  1.96 ,1. 91 శాతం మేరకు సెన్సెక్స్ పడిపోయింది. ఇక 2009,2010 సంవత్సరాలలో మార్కెట్ ను నియంత్రించేందుకు బుల్ ఆపరేటర్లు గట్టి ప్రయత్నాలు చేశారు. ఆ రెండు  ఏళ్ళల్లో మార్కెట్ ఏటా 10  శాతం మేరకు పెరిగేందుకు కృషి చేశారు. దీంతో 8 శాతం  వృద్ధితో మార్కెట్లో ర్యాలీ వచ్చింది. 2013 లో కూడా మార్కెట్ 2.13 శాతం వృద్ధిని సాధించింది. ఇక ప్రస్తుతానికి వస్తే  ఆగస్టు లో  సెన్సెక్స్ 1000 పాయింట్లు పెరిగింది . 29 వ  గరిష్ట స్థాయి 38990 పాయింట్లకు చేరుకొని రికార్డు సృష్టించింది.  2018లో ఇప్పటివరకు మార్కెట్ 14 శాతం వృద్ధితో దాదాపు 5000 పాయింట్ల మేరకు సెన్సెక్స్ పెరిగింది. మంచి ఊపులో ఉన్న క్రమంలో ఒక్కసారిగా  ట్రెండ్ మారింది.  వరుసగా ఆరు రోజులు మార్కెట్ పడిపోయింది. మరల కొంత పెరిగింది. ముందు ముందు  ఏవిధంగా ట్రెండ్ కొనసాగుతుందో చెప్పలేము. ఎన్నో  షేర్ల ధరలు  52 వారాల కనిష్టానికి పడిపోయాయి.  ఈ పరిణామాలు ఇన్వెస్టర్లలో ఒత్తిడిని పెంచుతున్నాయి.మరింత  ఒత్తిడికి గురైతే మటుకు మార్కెట్ డౌన్ ట్రెండ్ లోకి వెళ్లడం ఖాయమని చెప్పుకోవచ్చు.ఇక డాలర్‌తో రూపాయి మారకపు విలువ తగ్గడం ,ముడి చమురు ధరలు పెరుగుతున్న తీరు , చైనాపై అమెరికా ట్రేడ్ వార్ వంటి అంశాలలో ఎలాంటి మార్పులు లేకపోవడం కూడా మార్కెట్ పై ప్రతికూల ప్రభావాన్ని చూపుతున్నాయి.  వీటిని బట్టి చూస్తుంటే  సెప్టెంబర్ నెల మార్కెట్ కి అంతగా అచ్చి రాలేదేమో అనుకోక తప్పదేమో. మరికొద్ది రోజులు పోతే గానీ ఆవిషయం స్పష్టం కాదు.  అయితే ఇక్కడ ఒక మాట చెప్పుకోవాలి . మార్కెట్ పతనం  చిన్న ఇన్వెస్టర్లకు  అరుదుగా దొరికే అవకాశం.  మంచి షేర్లు కూడా తక్కువ ధరల్లో దొరుకుతాయి. కాబట్టి ఆ అవకాశాన్ని అందిపుచ్చుకోవాలి.  52 వారాల కనిష్ట స్థాయి కి పడిపోయిన వాటిలో మంచి షేర్లను ఎంచుకోవచ్చు.  .........   కె.ఎన్.. మూర్తి 
  • జయలలిత మృతిపై నిజాలను నిగ్గు తేల్చేందుకు ప్రభుత్వం ఏర్పాటు చేసిన జస్టిస్ అర్ముగస్వామి కమిషన్ దర్యాప్తులో వేగం పెంచింది. ‘అమ్మ’కు వైద్యం చేసిన ముగ్గురు ఎయిమ్స్ వైద్యులకు సమన్లు జారీ చేసింది. ఈనెల 23, 24 తేదీల్లో తమ ఎదుట హాజరుకావాల్సిందిగా ఆదేశించింది. అపోలో ఆసుపత్రిలో మాజీ ముఖ్యమంత్రికి వైద్యం అందించిన ఎయిమ్స్ వైద్యుడు డాక్టర్ జీసీ ఖిల్నాని(పల్మనాలజీ), అంజన్ త్రిఖా (అనస్థీషియా ప్రొఫెసర్), నితీశ్ నాయక్ (కార్డియాలజీ విభాగ ప్రొఫెసర్)లకు కమిషన్ ఈ సమన్లు జారీ చేసింది. 22 సెప్టెంబరు 2016 నుంచి 5 డిసెంబరు 2016 వరకు అపోలో ఆసుపత్రిలో ఉన్న జయలలితకు వీరు చికిత్స అందించారు. వైద్యులకు ఇప్పటికే సమన్లు అందగా, జస్టిస్ అర్ముగస్వామి ఎదుట హాజరయ్యేందుకు వారు అంగీకరించినట్టు తెలుస్తోంది.  ఇక ఫ్లాష్ బ్యాక్  లోకి వెళితే స్వల్ప అనారోగ్యం కారణాలతో గత ఏడాది సెప్టెంబర్ 22వ తేదీన అర్దరాత్రి చెన్నైలోని అపోలో ఆసుపత్రిలో చేరిన జయలలిత అదే ఏడాది డిసెంబర్ 5వ తేదీన మృతురాలిగా బయటకు వచ్చారు. అమ్మ కోలుకుంటున్నారని, చికిత్సకు సహకరిస్తున్నారని అన్నాడీఎంకే నాయకులు అప్పట్లో ప్రజలకు చెప్పారు. అన్నాడీఎంకే పార్టీ నాయకులు చెప్పింది ఒకటి, చివరికి జరిగింది ఒకటి. జయలలిత మృతి చెందారని తెలుసుకున్న తమిళనాడు ప్రజలు ఆర్తనాదాలు చేశారు. జయలలిత కోలుకుంటున్నారని చెప్పిన నాయకులు అమ్మ చికిత్స పొందుతున్న సమయంలో ఒక్క ఫోటో తీసి ఎందుకు విడుదల చెయ్యలేదు అని ప్రజలు ఇప్పటికీ ప్రశ్నిస్తున్నారు. అమ్మ చికిత్స విఫలమై మరణించారా ? లేక తీవ్ర అనారోగ్యంతో ఉన్న సమయంలో ఆమెను ఆసుపత్రిలో చేర్పించారా ? అని తమిళనాడు ప్రజలు ఇప్పటికీ చర్చించుకుంటున్నారు. మొత్తం మీద అమ్మ మరణం  ఒక  మిస్టరీయే. దానిపైనే ఇపుడు విచారణ జరుగుతోంది.  జయ మృతిపై విచారణ కమిషన్‌ సమక్షంలోఇదివరలో  ప్రభుత్వ వైద్యుల బృందం ఇచ్చిన సమాధానాలు కలకలం రేపాయి. ఆస్పత్రిలో జయలలితను చూడడానికి తమను అనుమతించలేదని, ఆస్పత్రిలోని ఓ గదిలో తాము కూర్చునే వారమని చెప్పారు.  దీంతో వైద్యుల బృందాన్ని అడ్డుకున్నది ఎవరు.. ఎందుకు..? అనే కోణంలో పూర్తిస్థాయిలో దర్యాప్తు చేపట్టాలని విచారణ కమిషన్‌ నిర్ణయించింది. ప్రభుత్వ వైద్యుల బృందం ఇచ్చిన సమాధానం మేరకు ఆరోగ్యశాఖ అధికారులు, అపోలో ఆస్పత్రి వైద్యులకు సమన్లు పంపాలని కమిషన్‌ నిర్ణయించింది. ఇందులో ఇచ్చే వివరణ ఆధారంగా మరింత లోతుగా మరికొందరిని విచారించే అవకాశాలు ఉన్నట్లు  సమాచారం.  జయలలిత మరణంపై అప్పట్లో నెలకొన్న అనుమానాలపై రామసీత అనే మహిళ చేసిన వ్యాఖ్యలు దుమారం రేపాయి. తాను అపోలో ఆస్పత్రిలో వైద్యురాలిగా పనిచేస్తున్నానని, జయలలితను చికిత్స కోసం అపోలో ఆస్పత్రికి తీసుకొచ్చినప్పుడు ఆమె అపస్మారక స్థితిలో ఉన్నారని అప్పట్లో రామసీత వివరించారు. అదే సమయంలో జయలలిత మృతిపై అనుమానం ఉందంటూ చెప్పారు.  ఈ  క్రమంలో  ఆమెను కూడా విచారించాలని ఓ సామాజిక కార్యకర్త విచారణ కమిషన్‌కు ఫిర్యాదు లేఖ పంపారు. దాని ఆధారంగా రామసీతను కూడా విచారించడానికి కమిషన్‌ నిర్ణయించింది.  అలాగే  అపోలో ఆస్పత్రిలో చేరడానికి కొద్దిరోజుల ముందు అధికంగా స్టెరాయిడ్స్‌ ఇవ్వడంతో  జయలలిత అనారోగ్యం పాలయ్యారని విచారణ కమిషన్‌ ఎదుట ఆక్యుపంచర్‌ డాక్టర్‌ శంకర్‌ వాంగ్మూలం ఇచ్చారు. శంకర్‌ తన వద్ద ఉన్న ఆధారాలను సమర్పించారు. అప్పట్లో జయ ఆరోగ్య పరిస్థితి తదితర అంశాలపై శంకర్‌ వివరణ ఇచ్చారు. అపోలో ఆస్పత్రిలో చేరడానికి కొద్దిరోజుల ముందు జయకు స్టెరాయిడ్స్‌ వాడారని, వాటిని అధిక మోతాదులో ఇవ్వడంవల్లే ఆరోగ్యం క్షీణించిందని చెప్పారు.  వీటిని బట్టి చూస్తే  జయ  ఆరోగ్యం క్షీణించడానికి  ఒక పధకం ప్రకారం కుట్ర జరిగిందా అనే అనుమానం కూడా ఎవరికైన  ఇట్టే  కలుగుతుంది.  ఏకసభ్య కమిషన్ ఇప్పటి వరకు 75 మంది సాక్ష్యులను, ఏడుగురు ఇతరులను ప్రశ్నించింది. వీరిలో 30 మందిని వీకే శశికళ న్యాయవాదులు క్రాస్ ఎగ్జామినేషన్ చేశారు. ఇప్పటి వరకు ప్రశ్నించిన వారిలో ప్రభుత్వ, అపోలో ఆసుపత్రికి చెందిన 12 మందికి పైగా వైద్యులు, రిటైర్డ్, ప్రభుత్వ ఉద్యోగులు, పోలీసు అధికారులు ఉన్నారు.
  • పవన్ , జగన్ కలుస్తారేమో ! పవన్ ,బిజెపి కలుస్తారేమో ! పవన్ ,బిజెపి ,జగన్ కలుస్తారేమో ! మోడి గారు పవన్ ,జగన్ ని కలుపుతారేమో ! కేసీయార్ వెళ్లి నరసింహన్ ను కలిస్తే కుట్ర  నరసింహన్ వెళ్లి మోడీని కలిస్తే కుట్ర  విజయసాయిరెడ్డి వెళ్లి మోడీని కలిస్తే కుట్ర  బుగ్గన వెళ్లి ఆకులను కలిస్తే కుట్ర  విజయసాయిరెడ్డి మోడీ ఆఫీసు కు వెళ్తే కుట్ర  పవన్ వెళ్లి జగన్ తో మాట్లాడితే కుట్ర  జగన్ వెళ్లి కోవింద్ ను కలిస్తే కుట్ర  వైకాపా ఎమ్మెల్యేలను రామ్ మాధవ్ కలిస్తే కుట్ర  మోత్కుపల్లిని విజయసాయిరెడ్డి కలిస్తే కుట్ర  అసలు ఎవరైనా ఢిల్లీ విమానం ఎక్కితేనే కుట్ర  వైసిపి బీజేపీ కలిస్తే అది కుమ్మక్కు కుట్ర చంద్రబాబు తప్ప వేరెవరూ మరొకరిని కలవకూడదు  ప్రధానిని, రాష్ట్రపతిని, కేంద్రమంత్రులను ఒక్క చంద్రబాబు మాత్రమే కలవాలి  చంద్రబాబు నరసింహన్ ను కలిస్తే కుట్ర కాదు  కేసులను త్వరగా ముందుకు తీసుకెళ్లి జగన్ ను జైలులో పడెయ్యమని మోడీని చంద్రబాబు వేడుకుంటే అది కుట్ర కాదు  నాలుగేళ్ళక్రితమే కడప ఉక్కు కర్మాగారం సాధ్యం కాదని కేంద్రం చెప్పిన విషయాన్నీ దాచిపెడితే అది కుట్ర కాదు ఆకు కదిలినా, కొమ్మ ఊగినా, గాలి వీచినా, చినుకు రాలినా ఎందుకు ఉలికి పడుతున్నారు ?  ఎందుకు  కంగారు పడుతున్నారు ?  ప్రజలను రక్షణ వలయం గా నిలబడమంటున్నారు ?  ప్రతిరోజూ ఎందరో ఎందరినో కలుస్తుంటారు  కేసీయార్ ఎప్పుడైనా ఇలా భయపడ్డారా? మమతాబెనర్జీ ఎప్పుడైనా ఉలిక్కిపడటం చూశామా?  గత నాలుగేళ్లలో చంద్రబాబు అనేకసార్లు మోడీని కలిశారు నామీద కుట్రలు చెయ్యడానికి కలుస్తున్నారని ఎవరైనా ఆరోపించారా?  కేసులు ఎదుర్కొంటున్న జగన్ కూడా చంద్రబాబుపై అలాంటి ఆరోపణలు చెయ్యలేదు. బద్ధ శత్రువులు సైతం తమ ప్రత్యర్ధులు తమ మీద కుట్రలు చేస్తున్నారని ఆరోపించడం ఇంతకుముందు విన్నామా? హతవిధీ...నలభై ఏళ్ల అనుభవానికి ఏమిటీ దుర్గతి !! -----   మహేష్ రెడ్డి గొంటు