Latest News
నేటి క‌బుర్లు

జగన్ , శ్రీకాంత్ లపై విరుచుకుపడ్డ జేసీ !!

1st Image

ప్రతిపక్ష నేత  జగన్ , ఎమ్మెల్యే  శ్రీకాంత్ రెడ్డిలపై  ఎంపీ జేసీ దివాకర్ రెడ్డి  విరుచుకుపడ్డారు.  బుధవారం వైస్సార్ జిల్లాలోని పైడిపాలెం ఎత్తిపోతల ప్రాజెక్టును ఏపీ ముఖ్యమంత్రి చంద్రబాబు ప్రారంభించారు. ఈ సందర్భంగా ఏర్పాటు చేసిన సభలో జేసీ ప్రసంగించారు. ప్రతిపక్ష నేత జగన్‌కు అన్ని తాత రాజారెడ్డి గుణాలు వచ్చాయని విమర్శించారు. 
వయసులో చిన్నవాడు అనే ఉద్దేశంతో తాను  ‘వాడు’ అని జగన్‌ను సంభోధించాను తప్ప పొగరుతో కాదన్నారు. తాను అలా పిలవడాన్ని నిరసిస్తూ ఆయన పార్టీ నేతలు ధర్నాలు, దిష్టిబొమ్మలను దహనం  చేశారని  జేసీ ఎద్దేవా చేశారు .  ఇకనుంచి జగన్‌ను ‘వాడు’ అని సంబోధించనని, ‘శ్రీమాన్ జగన్మోహన్ రెడ్డి గారు’ అని సంబోధిస్తానని జేసీ వ్యంగ్యంగా అన్నారు. 
జగన్ సీమకు ఎన్నిరకాలుగా అన్యాయం జరగాలో అన్ని రకాలు ప్రయత్నాలు చేస్తున్నాడని నిప్పులు చెరిగారు. 
బుద్ధి ఉన్నవారెవరైనా సీమకు ఉపయోగపడే పట్టిసీమను వద్దంటారా? అని జేసీ ప్రశ్నించారు. 
ఇక ఎమ్మెల్యే  శ్రీకాంత్ రెడ్డిపై తీవ్ర స్థాయిలో మండిపడ్డారు.  తాను బూట్లు నాకేవాడిని అయితే ఎప్పుడూ మంత్రిగానే ఉండేవాడినని అన్నారు. ‘శ్రీకాంత్ రెడ్డి నన్ను జానీవాకర్‌ అంటావా? నాకు తాగే అలవాటు లేదు.. సారా మా ఇంట వంట లేదు... తాగే అలవాటు వాళ్లకే ఉంది. నా నాలుక చీలుస్తావా? అంత మగాడివా?’ మీ వూరు వస్తా రా ... నన్ను ముట్టుకో ... నీ కథ  తెలుస్తుంది' అని జేసీ విమర్శలు గుప్పించారు . 2019 లో పులివెందులలో  టీడీపీ అభ్యర్థి ని గెలిపించాలన్నారు. బాబు ను మళ్ళీ సీఎం చేయాలన్నారు. 
 జేసీ ఇంకా ఏమన్నారో వీడియో చూడండి.
vedeo courtesy ... abn andhrajyothi  
Site Logo
  • ఏపీ అసెంబ్లీ లో అగ్రిగోల్డ్ అంశంపై చర్చ జరుగుతుండగా అనూహ్యంగా మహిళా పార్లమెంట్‌ సదస్సు సందర్భంగా స్పీకర్‌ ప్రెస్‌మీట్‌ లో చెప్పిన మాటలను సాక్షి ఛానల్ వక్రీకరించి చూపిందనే అంశం తెరపైకి వచ్చింది.. తాను మహిళలను కించపరిచేలా మాట్లాడినట్లు టీవీ చానెళ్లలో వచ్చిన వార్తల పట్ల  స్పీకర్ కోడెల స్పందించారు.  అసెంబ్లీలో ఆయన మాట్లాడుతూ.. మహిళలపై నా వ్యాఖ్యలను వక్రీకరించారని ఆవేదన వ్యక్తం చేశారు. ‘నేను అనని మాటలు అన్నట్టు చూపించడం బాధ కలిగించిందన్నారు’. ‘నా కుమారుడు, కోడలి గురించి సోషల్‌ మీడియాలోపోస్టులు  పెట్టడం అన్యాయం, అక్రమం, అనైతికమని’ స్పీకర్ కోడెల సభాముఖంగా తెలిపారు.  సభాపతి చేసిన వ్యాఖ్యలను తప్పుగా చూపిన సాక్షి పై చర్యలు తీసుకోవాలని మంత్రి యనమల రామకృష్ణుడు డిమాండ్ చేశారు. ప్రతిపక్ష నేత జగన్ సభలో ఉన్నపుడు  ఈ దృశ్యాలు మరొక్కసారి చూపించాలని ఆయన అన్నారు. స్పీకర్‌ను అగౌరవపరిచినవారిని సభకు పిలిపించాలని, చర్యలు తీసుకోవాలని  తెలుగు దేశం,బీజేపీ సభ్యులు  యనమల మాటలను సమర్ధించారు.  ఇదే అంశంపై సభ వెలుపల  ప్రతిపక్ష నేత  జగన్ మాట్లాడుతూ  అగ్రిగోల్డ్‌ బాధితుల అంశాన్ని అధికార పక్షం సభలో పక్కదోవ పట్టించిందని ఆరోపించారు. ‘దానితో సంబంధం లేని మహిళా పార్లమెంటు సదస్సు అంశాన్ని  చర్చకు తీసుకొచ్చారు. ఆ సదస్సు సందర్భంగా మీడియా సమావేశంలో స్పీకర్‌ కోడెల శివప్రసాదరావు చేసిన వ్యాఖ్యలను తెలుగు చానళ్లతో పాటు.. జాతీయ మీడియా కూడా ప్రసారం చేసింది. చంద్రబాబు డైరెక్షన్‌, కాల్వ శ్రీనివాసులు యాక్షన్‌, స్పీకర్‌ రియాక్షన్‌.. అన్నీ కలిసొచ్చి అగ్రిగోల్డ్‌ అంశం పక్కకు పోయి.. 45 రోజుల కింద మహిళా పార్లమెంటు సదస్సు సందర్భంగా స్పీకర్‌ చేసిన వ్యాఖ్యలు చర్చకు వచ్చాయి. వాటిని తెలుగు, జాతీయ చానళ్లూ ప్రసారం చేసినా.. ఒక్క మా చానల్‌, పత్రిక మాత్రమే ప్రసారం చేసినట్లు, ప్రచురించినట్లుగా.. చివరకు దాన్ని ప్లే చేయడానికి సభను వాయిదా వేశారు. ఆనాడు స్పీకర్‌ మీడియా సమావేశం సభకు సంబంధంలేని అంశం. సభలో జరగని అంశం. దానినెలా చర్చకు తీసుకొస్తారు’ అని జగన్‌ ఆశ్చర్యం వ్యక్తం చేశారు.  అనంతరం ప్రెస్ మీట్ లో  ‘మా పార్టీకి చెందిన 21 మంది శాసనసభ్యులు టీడీపీలో చేరినా.. వారిని అనర్హులుగా ప్రకటించకుండా కాపాడుతున్నందుకు నిరసనగా స్పీకర్ పై  అవిశ్వాస తీర్మానాన్ని ప్రవేశపెడుతున్నాం. అగ్రిగోల్డ్‌ బాధితుల అంశాన్ని సభలో ప్రస్తావిస్తే.. దానిని పక్కదోవ పట్టించి మా మీడియాపై చర్యలు తీసుకునేందుకు సిద్ధమయ్యారు. ఇలాంటి విధానాలను నిరసిస్తూ.. స్పీకర్‌పై అవిశ్వాస తీర్మానం ప్రవేశ పెడుతున్నాం’ అని చెప్పారు.  మొత్తం మీద అసలు విషయం  పక్కకు పోయి కొత్త అంశం  తెరపై  కొచ్చింది. ఇక్కడ ఒక విషయం  చెప్పుకోవాలి ...  ఆ రోజు స్పీకర్ మాట్లాడిన అంశాలను చాలా టీవీలు  చూపాయి . మరి వాటి విషయం లో ఏ చర్యలు తీసుకుంటారు ? అసలు సభ వెలుపల జరిగిన అంశాన్ని, సభకు సంబంధం లేని అంశాన్ని సభలో చర్చించ వచ్చా ? నిజంగా సాక్షి  తప్పు చేసి ఉంటె  చర్యలు ఎవరు తీసుకోవాలి ? ఇవన్నీ సీఎం ,యనమల, స్పీకర్ కు తెలియని అంశాలా ?   చూద్దాం శుక్రవారం ఏమి జరుగుతుందో ? 
  • అన్నాడీఎంకే  ‘రెండు ఆకుల’ ఎన్నికల గుర్తును ఈసీ ( ఎన్నికల సంఘం ) స్థంభింప జేసింది.  అందుకు బదులుగా శశికళ వర్గానికి టోపీ  గుర్తు , పన్నీర్ సెల్వం వర్గానికి ఎలక్ట్రిక్ పోల్‌ గుర్తును కేటాయిస్తూ ఈసీ తన నిర్ణయాన్ని ప్రకటించింది. ఈ పరిణామంతో  రెండు వర్గాలు షాక్ తిన్నాయి . ఈ గుర్తులను జనంలోకి తీసుకెళ్లే విషయంపై ఇరు వర్గాలు దృష్టి పెట్టాయి. జయలలిత అకాల మరణంతో ఆమె పట్ల  ఉన్న సానుభూతిని సొమ్ము చేసుకోవాలని భావించిన ఇరువర్గాలకు ఈ సి నిర్ణయం మింగుడు పడలేదు.  కొత్త గుర్తులు కేటాయించడంతో కొత్త చిక్కులు ఎదురై  విజయావకాశాలు దెబ్బతింటాయేమో అని  మల్లగుల్లాలు పడుతున్నాయి.  దీంతో 37 ఏళ్ళ తరువాత అన్నాడీఎంకే రెండాకుల చిహ్నం లేకుండానే  ఆర్కేనగర్ ఎన్నికల బరిలోకి దిగనుంది.  అభ్యర్థి ఎవరైనా రెండాకుల గుర్తును చూడగానే ఓటేసే వారు ఎంతోమంది వున్నారు. అందుకే ఈ చిహ్నం కోసం రెండు వర్గాలు పోటీ పడ్డాయి . బుధవారం ఉదయం నుంచి సాయంత్రం వరకు ఇరువర్గాల వారు ఢిల్లీలోని కేంద్ర ఎన్నికల కమిషన్  ముందు వాదనలు వినిపించారు. అయినప్పటికీ ప్రయోజనం లేకపోయింది .  ఇదిలా ఉంటే  ఆర్కేనగర్ లో బహుముఖ పోటీ జరగనుంది.  శశి వర్గం తరపున  దినకరన్  పన్నీర్  వర్గం తరపున  మధుసూదన్ , జయ మేనకోడలు దీపా జయకుమార్ ,  డీఎంకే అభ్యర్ధీ , బీజేపీ తరఫున గంగై అమరన్ మరికొందరు బరిలోకి దిగనున్నారు. ఏప్రిల్ 12 న ఉప ఎన్నిక జరగనుంది. 
  • స్థానిక ఎమ్మెల్సీ ఎన్నికల్లో వైసీపీ  కంచుకోటను బద్దలు కొట్టామని  సంబరపడిన తెలుగు తమ్ముళ్లు  24 గంటలు గడవక  ముందే  డీలా పడ్డారు. ఉపాధ్యాయ, పట్టభద్రుల ఎమ్మెల్సీ ఎన్నికల్లో దారుణ పరాజయం  టీడీపీ అధినేత  చంద్రబాబు కు మింగుడు పడలేదు .  చంద్రబాబు ప్రభుత్వం ప్రతిష్టాత్మకంగా తీసుకున్న ఈ ఎన్నికల్లో పోటీ జరిగిన అయిదు స్థానాలకు గాను నాలుగింటిలో ఓడిపోవడంతో అధికార పార్టీ నివ్వెర పోయింది.  పరోక్ష ఎన్నికల్లో సత్తా చూపిన  పార్టీ  ప్రత్యక్ష ఎన్నికల్లో ఘోర పరాజయం ఎదురు కావడంతో ఎన్నికలు జరగని, మున్సిపాలిటీలు, కార్పొరేషన్లలో కూడా ఎన్నికలు వాయిదా వేయడానికి ప్రయత్నాలు  చేస్తున్నట్టు తెలుస్తోంది.   స్థానిక సంస్థల ఎన్నికల్లో మాదిరిగానే ఈ ఎన్నికల్లోనూ గెలుపు గ్యారంటీ అని నమ్మిన అదికార పార్టీకి ఊహించని పలితాలు శరాఘాతంలా తగిలాయి. 2 ఉపాధ్యాయ, 3 పట్టభద్రుల శాసన మండలి స్థానాలకు జరిగిన ఎన్నికల్లో నాలుగింటిలో అధికార పార్టీని ప్రజలు తిరస్కరించారంటే టీడీపీ  పట్ల  వ్యతిరేకత  ఏ స్థాయిలో  ఉందొ ఇట్టే తెలిసి పోతోంది. అసెంబ్లీ లాబీల్లో ఎమ్మెల్యేలు, మంత్రుల మధ్య ఎమ్మెల్సీ ఎన్నికల వ్యవహారం పై చర్చలు జరుగుతున్నాయి  స్థానిక సంస్థల ఎమ్మెల్సీ ఎన్నికల్లో ఎలాగోలా మేనేజ్ చేసి గెలిచినప్పటికీ, విద్యావంతులైన పట్టభద్రులు, ఉపాధ్యాయుల ఎన్నికల్లో టీడీపీ ఓడిపోవడం ప్రజల్లో పార్టీ పట్ల వెల్లువెత్తుతున్న వ్యతిరేకతకు నిదర్శనమని స్వయంగా మంత్రులే అంగీకరిస్తున్నారు. కడప ఎమ్మెల్సీ గెలుచుకోగానే  జగన్ కి సవాళ్లు విసిరిన  మంత్రులు , టీడీపీ నేతలు ఇపుడు సైలెంట్ అయి పోయారు . ఫలితాలపై మాట్లాడేందుకు ముందుకు రావడం  లేదు. ఏతా వాతా తేలిందేమంటే ఈ ఎన్నికల  ఫలితాలు  అధికార పార్టీ కి  ఒక హెచ్చరిక చేశాయి అని చెప్పుకోవచ్చు.  ఇప్పటికైనా  అధికారపార్టీ ప్రజల విశ్వాసాన్ని పొందే ప్రయత్నం చేయాలి. పాలనా శైలిని మార్చుకోవాలి . లేకుంటే  భవిష్యత్తులో మూల్యం చెల్లించుకోక  తప్పదని  రాజకీయ పరిశీలకులు స్ఫష్టం చేస్తున్నారు.
  • వైసీపీ అధినేత జగన్ జాతకాన్ని పూర్తి స్థాయిలో పరాంకుశం  వేణు స్వామి విశ్లేషించారు.    జగన్ ది   మిధున రాశి ...తులా లగ్నం ...   ఆరుద్ర  నక్షత్రం 2 వ పాదం.  2009 నుంచి జగన్ కి బాడ్ టైం నడుస్తోంది . సమస్యలు పేస్ చేస్తున్నారు.  తండ్రి వైస్ రాజశేఖర రెడ్డి మరణం తో సమస్యలు మొదలైనాయి.  అష్టమశని కష్టాల పాల్జేస్తాడు. అందుకే జైలుకి వెళ్లి వచ్చాడు.   జగన్ ది ఎవరి మాట వినని మనస్తత్వం ..  అయన ఏం చేసినా మరొకరికి తెలియదు.  వ్యాపారంలో ఆయనకు బాగా అనుకూల అవకాశాలు ఉన్నాయి. ఆయన జీవితంలో రాజసం ఉంటుంది.  ఇక రాజకీయంగా  జగన్ కి ......   వేణు స్వామి ఇంకా ఏమి  చెప్పారో   ఇతర వివరాలకు  చూడండి వీడియో.. vedeo courtesy... astroguru
  • సౌతిండియా సూపర్ స్టార్ రజనీకాంత్ బీజేపీ వైపు మొగ్గు చూపుతున్న సూచనలు కనిపిస్తున్నాయి.  ఆర్కే నగర్ నియోజకవర్గం నుంచి  బీజేపీ అభ్యర్థిగా పోటీ చేస్తున్న  మ్యూజిక్ డైరెక్టర్  గంగై అమరన్ కు  రజనీ తన మద్దతు ప్రకటించాడు. ఎన్నికల్లో తన పూర్తి సహాయసహకారాలు ఉంటాయని హామీ కూడా ఇచ్చారట.  ఈ  గంగై అమరన్ ఎవరో కాదు  సంగీత దర్శకుడు  ఇళయరాజా సోదరుడు.  మంగళవారం  ఉదయం పోయెస్ గార్డెన్స్‌లోని రజనీ ఇంటికి వెళ్లినపుడు ఎన్నికల్లో విజయం సాధించాలని మనసారా ఆకాంక్షిస్తున్నట్టు రజనీకాంత్  చెప్పారట.ఈ సందర్భంగా ఇద్దరూ ఫోటోలు కూడా దిగారు.   69 ఏళ్ల గంగై అమరన్  సంగీత దర్శకుడే కాక, గేయరచయిత, గాయకుడు, దర్శకుడుగా కూడా పేరు తెచ్చుకున్నారు. 50కి పైగా చిత్రాలకు సంగీత దర్శకత్వం వహించారు. పలు చిత్రాలకు స్క్రీన్‌ప్లే అందించారు. గంగై అమరన్ 2014 డిసెంబర్‌ 20న చెన్నైలో జరిగిన ఓ బహిరంగ సభలో అమిత్‌షా సమక్షంలో బీజేపీలో చేరారు.  కాగా ఏప్రిల్ 12న జరుగుతున్న ఉప ఎన్నికల్లో రజనీ మద్దతు  కీలకం గా మారవచ్చని  భావిస్తున్నారు. ఇక రజనీ కాంత్ 2014 లోక్ సభ సాధారణ ఎన్నికలపుడు నరేంద్ర మోడీని తన ఇంటికి ఆహ్వానించాడు. ఎప్పటి నుంచో రజనీ రాజకీయాల్లోకి రావాలని అభిమానులు, కోలివుడ్ ప్రముఖులు, రాజకీయ .పార్టీల నేతలు కోరుతున్నారు. ముఖ్యంగా ఎన్నికల సమయంలో  రజనీ  రాజకీయాల్లోకి వస్తారనే ఊహాగానాలు గుప్పుమంటాయి. కానీ ఎప్పటికప్పుడు రజనీ కాంత్ తన రాజకీయ రంగప్రవేశాన్ని వాయిదా వేస్తూ వస్తున్నారు. ఈ నేపథ్యంలో తమిళనాడు పాగా వేసేందుకు శాయశక్తులా కృషి చేస్తున్న బీజేపీకి రజనీ  మద్దతు  ప్లస్ కావచ్చు అనుకుంటున్నారు .   మొత్తం  మీద జయలలిత కోటలో పాగా వేసేందుకు ఆర్కే నగర్ నియోజకవర్గం ఉప ఎన్నికను ప్రధాన పార్టీలన్నీ ప్రతిష్ఠాత్మకంగా తీసుకున్నాయి. ఇక్కడ బహుముఖ పోటీ జరగనుంది . 
  • ఉత్తరప్రదేశ్ ఎన్నికల్లో కాంగ్రెస్ ఘోర పరాజయం పాలైన నేపథ్యంలో ఆ బాధ్యత ఎన్నికల వ్యూహకర్త ప్రశాంత కిషోర్ దే అని కాంగ్రెస్ పార్టీ నేత రాజేష్ సింగ్ బహిరంగంగానే విమర్శిస్తున్నారు. ఉత్తరప్రదేశ్ ఎన్నికల సమయంలో ప్రశాంత్ చేసిన హడావుడి అంతా ఇంతా కాదని, తీరా ఫలితాలు వచ్చే సరికి మాత్రం పత్తా లేకుండా పోయాడని రాజేష్ సింగ్ మండిపడుతున్నారు . అంతటితో ఆగకుండా ప్రశాంత్ కిషోర్ ను పట్టిస్తే రూ.5 లక్షల నజరానా ఇస్తానంటూ ప్రకటించాడు. లక్నోలోని కాంగ్రెస్ పార్టీ కార్యాలయం ముందే ఈ ప్రకటనకు సంబంధించిన పోస్టర్ను ఏర్పాటు చేశాడు. అయితే, ఈ పోస్టర్ ను చూసిన కాంగ్రెస్ పార్టీ అధ్యక్షుడు రాజ్ బబ్బర్ వెంటనే స్పందించారు. వెంటనే దానిని తొలగించమని  కార్యకర్తలను ఆదేశించారు. కాగా ఇందుకు  కారణమైన రాజేష్ సింగ్ ను పార్టీ నుంచి సస్పెండ్ చేసినట్టు తెలుస్తోంది.  అదలావుంటే ప్రధాని మోడీ, బీజేపీ జాతీయ అధ్యక్షుడు అమిత్ షా రాజకీయ వ్యూహాల ముందు ప్రశాంత్ కిషోర్ ఐడియాలు  ఏవీ  పని చేయలేదు.  ప్రశాంత్‌ కిషోర్ భారత రాజకీయ ప్రచార రంగంలో విప్లవాత్మక మార్పులు తీసుకువచ్చిన విషయం తెలిసిందే. 2014 పార్లమెంట్ ఎన్నికల్లో నరేంద్ర మోడీ ని, బిహార్ అసెంబ్లీ ఎన్నికల్లో నితీష్ కుమార్‌ను విజయపథాన నడిపించడంతో ప్రశాంత్ కిషోర్ పేరు దేశవ్యాప్తంగా మార్మోగిపోయింది. అయితే యూపీ లో  ప్రశాంత్‌  ప్రచార ఎత్తుగడలు  వర్కవుట్ కాలేదు. కాగా  యూపీ అసెంబ్లీ ఎన్నికలకు ముందే కాంగ్రెస్ పార్టీ నాయకత్వానికి, ప్రశాంత్ కి  విభేదాలు వచ్చాయి.  ప్రశాంత్  చెప్పిన సలహాల్లో 90 శాతం కాంగ్రెస్  నేతలు ఆచరించలేదు. ఎన్నికలు సమీపిస్తుండగా కాంగ్రెస్  సమాజ్‌వాదీతో  పొత్తు కుదుర్చుకుంది. అయినా పార్టీ పట్టుమని పది స్థానాలను కూడా గెలవలేకపోయింది. కేవలం ఏడు స్థానాలతో సరిపెట్టుకుంది. అలాగే హస్తం పార్టీ కంచుకోటలైన అమేథీ, రాయ్‌బరేలీల్లో కూడా కాంగ్రెస్‌కు ఆధిక్యం రాలేదు. ఆ రెండు నియోజకవర్గాల్లో ప్రియాంకాగాంధీ స్వయంగా ప్రచారం చేసినా కూడా హస్తం అభ్యర్థులు గెలవలేకపోయారు. రాహుల్ , ప్రియాంక లు రంగంలోకి దిగితేనే  దిక్కుమొక్కు లేకపోతే ఇక పాపం ప్రశాంత్ కిషోర్ మటుకు ఏం చేస్తాడు.  గత ఏడాది ఈ ప్రశాంత్ కిషోర్  సేవల కోసం  చంద్రబాబు ... జగన్  పోటీ పడ్డారు .  జగన్ తరపున ప్రశాంత్ ఏపీ లో పని చేసానని హామీ ఇచ్చినట్టు వార్తలు కూడా వచ్చాయి . పరిస్థితులు మారిన క్రమం లో జగన్ ఏం చేస్తాడో చూడాలి.  .