Latest News
సినిమా
  • హీరో నందమూరి బాలకృష్ణ  దివంగత నేత ఎన్టీఆర్ బయో పిక్  తీస్తానని  ప్రకటించిన నేపథ్యంలో బాలయ్య బావ  సీనియర్ పొలిటిషయన్    డాక్టర్. దగ్గుబాటి వెంకటేశ్వర రావు తో  ఒక ఛానల్ నిర్వహించిన  ఇంటర్వ్యూ ఇది.  "ఎన్టీఆర్ బయోపిక్  తీయడం అంత సులభమైన  విషయం కాదు .   ఎన్టీఆర్ మహానుభావుడు ... బయో పిక్ ఉండాల్సిందే.  నటనా ప్రస్థానం నుంచి రాజకీయ ప్రస్థానం వరకు మొత్తం తీయాల్సిందే .  రాజకీయ ప్రస్థానం లో ఉన్న అంశాలన్నీ పొందుపరిస్తే  కుటుంబ సభ్యులకు ,  ఏపీ సీఎం గా ఉన్న చంద్రబాబుకి ఇబ్బందే . మరి బాలయ్య అందరికి ఇబ్బంది కలిగిస్తాడా  ?  నాడు ఎన్టీఆర్ ను పదవి నుంచి దించిన ఘటనలో  తాను కూడా ఉన్నానని ...అలా జరిగి ఉండాల్సింది కాదు.  అలా జరిగినందుకు నేను పశ్చత్తాపం ప్రకటించాను.  " అన్నారు దగ్గుబాటి ...    ఇంకా డాక్టర్ గారు  ఏమన్నారో ...   వీడియో చూడండి.  vedeo courtesy.... tv 9 
  • 1954 ఏప్రిల్ 7 వ తేదీ. తల్లి , తండ్రీ కోరుకోని బిడ్డ అతను. అతను పుట్టీ పుట్టగానే కానుపు చేసిన డాక్టర్ కే 26 డాలర్లకి అమ్మేసేందుకు తల్లి సిద్ధమైంది. పేదరికం అతనికి అన్న. ఆకలి అతనికి తమ్ముడు. తిండిపెట్టలేని తల్లి ఏడేళ్ల వయసులో అతడిని ఎకాడమీ ఆఫ్ చైనీస్ ఒపేరా లో చేర్పించింది. అప్పట్లో అదొక భయంకర కూపం. హింసకి, శిక్షలకీ, క్రౌర్యానికి అది మారుపేరు. ఆ అబ్బాయి అక్కడ పదేళ్లు సంగీతం, నృత్యం, మార్షల్ ఆర్ట్స్ నేర్చుకున్నాడు. దెబ్బలు, అర్ధాకలితో పోరాడుతూనే వచ్చాడు. ఎకాడమీలో ఉదయం 5 గంటల నుంచి రాత్రి 12 గంటల వరకూ పనులు చేయించేవాళ్లు. ఆ కుర్రాడు అన్నిటినీ సహించి బతికాడు. పదిహేనేళ్ల వయసులో సినిమాల్లో స్టంట్ మాస్టర్ అయ్యాడు. గాయాలు, ప్రమాదాలతో సహజీవనం కొనసాగుతూనే వచ్చింది. కష్టం చాలా ఎక్కువ ఆదాయం చాలా తక్కువ ఈ పరంపర ఇలా కొనసాగుతూ ఉండగానే సుప్రసిద్ధ కుంగ్ఫు యోధుడు, ఎంటర్ ది డ్రాగన్ హీరో అయిన బ్రూస్ లీ హఠాత్తుగా చనిపోయాడు. దానితో చైనా సినీ ప్రొడ్యూసర్లు కొత్త మార్షల్ ఆర్ట్స్ హీరోల కోసం స్క్రీన్ టెస్టులు చేశారు. అందులో ఈ కుర్రాడు ఎంపికయ్యాడు. 1978 లో స్నేక్ ఇన్ ఈగిల్స్ షాడో అన్న సినిమాలో నటించాడు. పూర్తిగా బ్రూస్ లీ నే అనుకరించాడు. ఆ సినిమా విడుదలయ్యాక ఆ కుర్రాడు ఒక నిర్ణయం తీసుకున్నాడు. ఇకపై తాను బ్రూస్ లీ లా నటించకూడదు. తను తనలాగానే ఉండాలి. తానే ఒక కొత్త శైలికి శ్రీకారం చుట్టాలి. అచిరకాలంలోనే అతని నటనా శైలి, మార్షల్ ఆర్ట్స్ నేపుణ్యం ప్రపంచవ్యాప్తంగా గుర్తింపు పొందాయి. అతని నటనకు ప్రపంచం దాసోహం అంది. చైనా సినిమాల నుంచి హాలీవుడ్ దాకా ఎదిగాడు. ఈ రోజు అతను ఏడాదికి యాభై మిలియన్ డాలర్లు సంపాదిస్తాడు. ఒక రోజున 26 డాలర్లకు అమ్మకానికి నిలుచున్న ఆ వ్యక్తి ఈ రోజు అయిదు వేల మిలియన్ల డాలర్ల ఆస్తికి యజమాని. తన లోదుస్తులు తానే ఉతుక్కునే అతి సామాన్యుడు. సంపాదించిన మొత్తం లో అత్యదికబాగం ఛారిటీ లకి ఇచ్చిన వాడు. మనిషిగా కూడా శిఖరాగ్రం చేరినవాడు. అతడు .. ప్రపంచానికి సుపరిచితుడు .. 62 ఏళ్ల జాకీ చాన్. ....  susri
  • సినిమా తీయాలన్న కమిట్‌మెంట్ ఉంటే చాలు. డబ్బులు ఎప్పుడూ సమస్య కాదు." ఈ మాటలన్నది ఎవరో కాదు. ప్రపంచ ప్రఖ్యాత దర్శకుడు సత్యజిత్ రే! ఎలా కాదనగలం? సత్యజిత్ రే "పథేర్ పాంచాలి" అలాగే తీశాడు. ఉద్యోగం చేస్తూ, జీతం వచ్చినపుడల్లా ఆ డబ్బుతో షూటింగ్ ప్లాన్ చేస్తూ, మరికొంతమంది మిత్రుల ద్వారా కూడా అవసరమయిన డబ్బు ఎప్పటికప్పుడు సమకూర్చుకుంటూ, అంచెలంచెలుగా తీశారు. అలాంటి అనుభవంతో చెప్పిన మాట అది. ఆ సినిమానే ఆయనకు అంత పేరు తెచ్చిపెట్టింది. ఆ తర్వాత సత్యజిత్ రే ఇంకెన్నో పిక్చర్లు తీశారు. ఆయన అనుకున్న సినిమాలే తీశారు. విషయం ఇక్కడ ఆర్ట్ సినిమాలా, కమర్షియల్ సినిమాలా అన్నది కాదు. అనుకున్న సినిమాని ఒక కమిట్‌మెంట్ తో చేయగలగటం! అసలు సినిమాలా ఇంకొకటా అన్నది కూడా సమస్య కాదు. చేయాలనుకున్నపని మీద ఒక క్లారిటీ, ఒక కమిట్‌మెంట్ ఉండి, ఏది ఎలా ఉన్నా ఆ ఒక్క పనిమీదే దృష్టి పెట్టగలిగినప్పుడు, ఆ పనిని పూర్తిచెయ్యడం అంత కష్టమేంకాదు. బట్ .. అలాంటి ఏకాగ్రత పెట్టగల ఫినాన్షియల్ అండ్ పర్సనల్ ఫ్రీడమ్‌ను ముందు మనం సంపాదించుకోగలగాలి. ఆ తర్వాత అవకాశాలూ, విజయాలూ అన్నీ వాటికవే మనల్ని వెతుక్కుంటూ వస్తాయి. రప్పించుకోగలుగుతాం. కట్ టూ మా కంపెనీ -  నిజంగా సినిమా తీయాలనుకుంటే ఇప్పుడు డబ్బు సమస్య కాదు. అంత తక్కువ బడ్జెట్ లో ఈ రోజుల్లో సినిమా తీయొచ్చు. అంతా కొత్తవాళ్లతో, నేచురల్ లొకేషన్లలో సినిమా తీస్తే - దాదాపు అది "నో బడ్జెట్" సినిమానే! ఇటీవలి కాలంలో వచ్చిన ఎన్నో యూత్ ఫుల్ కమర్షియల్ సినిమాలు ఈ విషయాన్ని నిరూపించాయి. పుష్కలంగా డబ్బుల వర్షం కురిపించాయి. మొన్నటి నా స్విమ్మింగ్‌పూల్ చిత్రం ద్వారా నేను ఈమధ్యే పరిచయం చేసిన నా కో-చీఫ్ టెక్నీషియన్‌ ఒకరితో కలిసి, దాదాపు అంతా కొత్త వాళ్లతో, ఇప్పుడు నేను మా సొంత బ్యానర్‌లో ప్లాన్ చేస్తున్న మైక్రో బడ్జెట్ సినిమాలూ ఇలాంటివే. యూత్ ఫుల్ కమర్షియల్ ఎంటర్ టైనర్స్. కేవలం బడ్జెట్ దృష్టితో చూస్తే, వీటిని కమర్షియల్ ఆర్ట్ సినిమాలనవచ్చేమో! ఏ కొంచెం హిట్ టాక్ వచ్చినా, ఈ చిన్న బడ్జెట్ సినిమాల కలెక్షన్ ఇంచుమించు పెద్ద సినిమాలకు పోటీగా ఉంటుంది. సినిమా ఆడకపోయినా, ఈ రేంజ్ బడ్జెట్ లో అసలు రిస్క్ అనేదే ఉండదు. ఇంకేం కావాలి? ఒక్క హిట్! అది జీవితాన్నే మార్చేస్తుంది. ....  Chimmani Manohar FILM DIRECTOR, 'Nandi Award' Winning Writer and Blogger    
  • ఆంధ్రప్రదేశ్ కు ప్రత్యేక హోదా కావాలని కోరుతూ  యువత చేపడుతున్న మౌన దీక్షకు  తెలుగు చిత్ర పరిశ్రమకు సంబంధించిన పెద్ద  హీరోలు ఎవరూ మద్దతు ప్రకటించలేదు. సోషల్ మీడియాలో వీరందరిపై  విమర్శలు వచ్చినప్పటికీ  వ్యూహాత్మక మౌనం పాటిస్తున్నారు.  ఏమి జరుగుతుందో చూద్దాం అన్న రీతిలోనే  ఉన్నారు.  ఇక దర్శకుడు రాజమౌళి, హీరో రానా సహా  ఈ దీక్షకు మద్దతు ప్రకటించారు. ‘హింస కన్నా మౌన ప్రదర్శన మేలు’ అనే పోస్టర్‌ను రాజమౌళి, రానా ట్విటర్‌ అకౌంట్లలో పోస్ట్‌ చేశారు. అలాగే.. యువహీరోలు సందీప్‌ కిషన్‌, సాయిధరమ్‌ తేజ్‌, తనీష్‌, సంపూర్ణేష్‌ బాబు కూడా తమ మద్దతు ప్రకటించారు. సంపూర్ణేష్‌ బాబు  విశాఖ కూడా వెళ్లి అరెస్ట్ అయ్యారు. కాగా మరో హీరో మంచు విష్ణు వివాదాస్పద వ్యాఖ్యలు  చేసి వార్తల్లో కెక్కారు. ‘‘జల్లికట్టు పోరాటం స్ఫూర్తిగా ప్రత్యేకహోదా కోసం పోరాడాలి. దక్షిణాది ప్రజలు నిర్ణయిస్తేనే ఢిల్లీలో ప్రభుత్వాలు ఏర్పడుతున్నాయి. దక్షిణాది వారికి  ఉత్తరాది నుంచి సరైన గుర్తింపు రావట్లేదు. అలాంటప్పుడు కలిసి ఉంటే ఏం లాభం? దక్షిణాది, ఉత్తరాది ప్రాంతాలను వేర్వేరు దేశాలుగా విడగొట్టేస్తే బాగుంటుంది’ అంటూ  విష్ణు వ్యాఖ్యలు చేశారు .  ఇవి దేశ సమగ్రతని భంగపరిచే వ్యాఖ్యలని  హైదరాబాద్‌లోని నేరేడ్‌మెట్‌కు చెందిన ఆర్‌.మణిరత్నం అనే వ్యక్తి పోలీసులకు ఫిర్యాదు చేశారు. 
  • వేంక‌టేశ్వ‌రుని భ‌క్తుడు బాబా హాథీరాం జీ జీవిత చరిత్ర ఆధారంగా  సినిమా తీసి, దానికి ఓం న‌మో వెంక‌టేశాయ అని పేరుపెట్ట‌డ‌మేమిట‌ని బంజారా సామాజిక‌వ‌ర్గం చిత్ర నిర్మాత‌ల‌ను నిల‌దీస్తోంది. హాథీరాం పేరుతోనే చిత్ర‌ముండాల‌ని వారు డిమాండ్ చేస్తున్నారు. శ్రీ‌వారి మెట్ల మార్గంలో అలిపిరి వ‌ద్ద వారు ఇందుకు సంబంధించిన బ్యాన‌ర్ల‌ను ప్ర‌ద‌ర్శిస్తూ నిర‌స‌న‌కు దిగారు. చిత్రాన్ని ఫిబ్ర‌వ‌రి 10న విడుద‌ల చేయ‌నున్న‌ట్లు శ‌నివారం ఉద‌యం తిరుమ‌ల‌లో ద‌ర్శ‌కుడు రాఘ‌వేంద్ర‌రావు, హీరో నాగార్జున ప్ర‌క‌టించిన కొద్ది గంట‌ల‌కే ఈ నిర‌స‌న గ‌ళం వినిపించింది. హాథీరాం బంజారా సామాజిక వ‌ర్గానికి చెందిన వాడ‌ని చెబుతూ, అన్న‌మయ్య సినిమాకు అదే పేరు పెట్టిన‌ప్పుడు ఈ చిత్రానికి హాధీరాం పేరెందుకు పెట్ట‌ర‌ని ప్ర‌శ్నిస్తున్నారు. ఈ చిత్రం షూటింగ్ ప్రారంభంలోనే అభ్యంత‌రక‌ర స‌న్నివేశాలుంటే స‌హించేది లేద‌ని హాధీరాం ట్ర‌స్టు హెచ్చ‌రించింది. తాజాగా ఏర్ప‌డిన వివాదాన్ని ఎలా దాటుకొస్తోందో చూడాల్సిందే.   చూడండి వీడియో .. vedeo courtesy .... nyusu digital media
  • అవును పోసాని కృష్ణ మురళీ కి ఏమైంది ? ఎందుకలా అన్నాడు .ఏదైనా తప్పు చేసి ఇరుక్కున్నాడా ?  లేక పోతే  ఆ పరిస్థితి ఎందుకు వచ్చింది ? ఇదేదో  సీరియస్ ఇష్యూ  లాగానే ఉంది  చూస్తుంటే . ....  ఏమగాడైనా  ఊరకనే  తప్పునాదే ... కాళ్ళు పట్టుకుంటా  అంటాడా ?   ఏదో ఏదో ఉంది . ఈ వీడియో ఇపుడు   హల్చల్ చేస్తోంది.  గృహ హింస ఎలా ఉంటుందో ?  మీరు  చూడండి.  సూపర్ గా ఉంది .  మీకు నచ్చుతుంది. 
  •  (మనోహర్ చిమ్మని )............................. ఈ సెటప్‌లో .. పాతవాళ్లయినా, కొత్తవాళ్లయినా - ఆర్టిస్టులు, టెక్నీషియన్లకు ఒక్క రూపాయి రెమ్యూనరేషన్ కూడా ముందు ఇవ్వటం అనేది ఉండదు.  సినిమా పూర్తయ్యి, రిలీజయ్యి, లాభాలు వచ్చాకే ఆ లెక్కలు!  దీనికి ఒప్పుకున్నవాళ్లే మా సినిమాలో పనిచేస్తారు. మా సినిమా బడ్జెట్ 50 లక్షలు కావచ్చు, కోటి కావచ్చు, రెండు కోట్లు కావొచ్చు.  సో .. ఉన్న ఆ కొద్ది బడ్జెట్‌ను మేకింగ్‌కు, ప్రమోషన్‌కు మాత్రమే వాడతామన్నమాట! ఇదేం కొత్త కాన్సెప్ట్ కాదు. ఆర్ జి వి ఆల్రెడీ ఈ కాన్సెప్ట్‌తో సినిమాలు చేశాడు.  చాలా మంచి కాన్‌సెప్ట్ ఇది.  ముఖ్యంగా చిన్న బడ్జెట్ సినిమాలకు సంబంధించి మాత్రం ఇదే చాలా చాలా కరెక్టు. సినిమాలకు "టాక్" వచ్చేదాకా మంచి ఓపెనింగ్స్ ఉండవు కాబట్టి, ప్రమోషన్ పరంగా ఎన్నో జిమ్మిక్కులు చేయాల్సి ఉంటుంది. అయినా హిట్టో, ఫట్టో ముందే ఎవరూ చెప్పలేరు. ఇలాంటి పరిస్థితుల్లో ముందు ప్రొడ్యూసర్‌ను కొంతయినా బ్రతికించుకోవాలంటే ఇదే మంచి పధ్ధతి. టీమ్ వర్క్. కంటెంట్. ప్రమోషన్. ఈ తరహా సినిమాలు తీయాలంటే ఈ మూడే చాలా ముఖ్యమైనవి. కట్ టూ మనోహర్ చిమ్మని - ఫిలిం ప్రొడక్షన్‌కు సంబంధించి దాదాపు ఇదే కాన్సెప్ట్‌తో అతి త్వరలో నేను, ఈ మధ్యే నేను పరిచయం చేసిన నా కో-చీఫ్ టెక్నీషియన్‌ ప్రదీప్‌చంద్రతో కలిసి, మా సొంత బ్యానర్‌లో, కొన్ని నాన్-రొటీన్ అండ్ వెరీ ట్రెండీ కమర్షియల్ సినిమాలు ప్లాన్ చేస్తున్నాను. ఆసక్తి, అనుభవం ఉన్న కొత్త/పాత/అప్‌కమింగ్ హీరోలు, హీరోయిన్లు, సపోర్టింగ్ ఆర్టిస్టులు, టెక్నీషియన్లు ఫేస్‌బుక్/ట్విట్టర్ మెసేజ్ ద్వారా నన్ను నేరుగా కాంటాక్ట్ చేయవచ్చు. మా కోపరేటివ్ ఫిలిం మేకింగ్ టీమ్‌తో కలిసి ఓ పిక్‌నిక్‌లా హాయిగా ఎంజాయ్ చేస్తూ పనిచేయవచ్చు. చిన్నమొత్తంలోనయినా సరే పెట్టుబడి పెడుతూ, ఫీల్డులోకి రావాలనుకొనే ప్యాషనేట్ ఇన్వెస్టర్‌లకు, ఇన్వెస్టర్-హీరోలకు కూడా ఇదే నా ఆహ్వానం.   నో కాల్ షీట్స్. నో టైమింగ్స్. అంతా రెనగేడ్ ఫిల్మ్ మేకింగ్. గెరిల్లా ఫిల్మ్ మేకింగ్. "కలిసి పనిచేద్దాం. కలిసి ఎదుగుదాం." ఇదే మా కాన్సెప్ట్.      ఆసక్తి గలవారు సంప్రదించండి. Chimmani Manohar  FILM DIRECTOR, 'Nandi Award' Winning Writer and Blogger  mobile: 99895 78125  email: mchimmani@gmail.com
  •  సెగట్రీ! సూరీడు నెత్తుటి గడ్డలా లేడూ! ఆకాశం లో ఎదో మర్డరు జరిగినట్టు లేదూ....  ఎప్పుడూ యదవ బిగినెస్సేనా. మడిసన్నాక కుసంత కలాపోస నుండాల. తిని తొంగుంటే మడిసికీ గొడ్డుకూ తేడా ఏముంటది?  ఈ డైలాగు వినగానే  గుర్తుకొచ్చేది  విలక్షణ నటుడు  స్వర్గీయ  రావుగోపాలరావే.   ఆయన నట జీవితం ముత్యాల ముగ్గు చిత్రంలోని కొంపలు కూల్చే కంట్రాక్టర్ వేషంతో గొప్ప మలుపు తిరిగింది. అప్పట్లో ఆ చిత్రంలో ఆయన డైలాగులు  మారుమోగిపోయాయి. ఆడియో క్యాసెట్స్, రికార్డుల అమ్మకాలలో రికార్డులు సృష్టించాయి.  తెలుగు సినిమా విలనీలోనే కొత్తదనానికి రావుగోపాలరావు కొత్త రూపునిచ్చారు. వీటిలో ఆయన డైలాగ్ మాడ్యులేషన్ వలనే అనేది ప్రత్యేకంగా చెప్పవలసినది. వేటగాడు చిత్రంలో ప్రాస  కూడిన పెద్ద పెద్ద డైలాగ్స్ తో రావుగోపాలరావు జనం హృదయాలని   కొల్లగొట్టారు . గోపాలరావుగారి అమ్మాయి చిత్రంలో వయసు మళ్ళినా వయసులో వున్నట్లు కనిపించే పాత్రలో, అలాగే మావూళ్ళో మహాశివుడు, స్టేషన్ మాస్టర్, వింత దొంగలు, రావుగోపాలరావు, మనవూరి పాండవులు, ఈనాడు లాంటి చిత్రాలలో ఆయన నట విశ్వరూపం కనిపిస్తుంది. రంగస్థల నటుడుగా భమిడిపాటి రాధాకృష్ణ రచించిన 'కీర్తిశేషులు' నాటకంలోని పాత్రతో  పేరు సంపాదించిన  రావు గోపాలరావు కాకినాడలో కొంతకాలం అసోసియేటెడ్‌ అమెచ్యూర్‌ డ్రామా కంపెనీ నెలకొల్పి పలు నాటకాలు ప్రదర్శించారు. రావు గోపాలరావు అభినయానికి నాటకరంగంలో ఎన్నెన్నో ఒన్స్ మోర్ లు ... వెండితెరపై సైతం ఆయన నటనావిన్యాసాలకు  ప్రేక్షకుల చేత చప్పట్లు కొట్టించాయి... ఏ పాత్రలోకైనా ఇట్టే పరకాయప్రవేశం చేసి ఆకట్టుకోవడం ఆయన శైలి... వాచకంతోనే ఆకట్టుకుంటూ వందలాది పాత్రలకు జీవం పోసి మెప్పించారు రావు గోపాలరావు... రావు గోపాలరావు అభినయానికి ముఖ్యంగా ఆయన వాచకానికి జనం జేజేలు పలికారు... అయితే అదే వాయిస్ ఆయనకు ఆరంభంలో శాపమయింది... కొన్ని చిత్రాల్లో రావు గోపాలరావు గొంతు బాగుండదని ఇతరుల చేత డబ్బింగ్ చెప్పించిన సందర్భాలూ ఉన్నాయి... బాపు-రమణ ఆయన వాచకంలోని విలక్షణాన్ని గ్రహించి ఎన్నో వైవిధ్యమైన పాత్రల్లో రావు గోపాలరావును నటింప చేశారు... రావు గోపాలరావు సాంఘికాల్లోనే కాదు పౌరాణిక, జానపద, చారిత్రకాల్లోనూ తనదైన బాణీ పలికించారు... తెరపై ఎన్నో ప్రతినాయక పాత్రలకు ప్రాణప్రతిష్ఠ చేసిన రావు గోపాలరావు నిజజీవితంలో ఎంతో సౌమ్యులు... రావు గోపాలరావు రాజ్యసభ సభ్యునిగానూ ఉన్నారు... ఎన్నో మరపురాని పాత్రలు పోషించిన రావు గోపాలరావు నటవారసునిగా రావు రమేశ్ ఈ తరం వారిని తనదైన నటనతో అలరిస్తున్నారు... తెలుగు ప్రతినాయకుల్లో నటవిరాట్ గా జనం మదిలో నిలచిపోయారు రావు గోపాలరావు... ఆయన స్థానం వేరెవ్వరూ భర్తీ చేయలేనిది అనడం అతిశయోక్తి కాదు... ఈరోజు ఆ విలక్షణ నటుడు  జన్మదినం సందర్భంగా వారికి స్మృత్యంజలి.  కాకినాడ సమీపంలోని గంగనపల్లి లో జనవరి 14, 1937లో జన్మించారు. -----  Nageswararao Kesiraju   vedeo courtesy... telugu one 
  • (విజయ శేఖర్ బుర్రా) ...........................   మన చుట్టూ ఎన్నో సామాజిక సంఘటనలు, మరెన్నో రోజువారీ బతుకు (జీవన) పోరాటాలు జరిగిపోతుంటే- అవన్నీ సినిమా వాళ్లకు ఎందుకుపట్టవు. రైతాంగ సమస్యలు, వారి ఆత్మహత్యలు  1996 నుంచి  నిత్యకృత్యంగా మారాయి.తూతూ మంత్రంగానో , మొక్కుబడిగానే ప్రతిపక్షాలలో వామపక్షాల్లో కొంత హడావిడిచేస్తూనే ఉన్నాయి. ప్రభుత్వాలు ఏదో కాయకల్ప చికిత్స తప్ప శాశ్వత  పరిస్కారాలు చూపింది లేదు. ఇరవై ఏళ్లుగా ప్రత్యేకించి గ్రామీణ ప్రాంతాన్ని పీడిస్తున్న  ఈ సమస్య మన సినిమా వాళ్లకు తెలియదా ? ఇన్నేళ్ళలో సుమారుగా రెండువేలకు పైగా తెలుగు సినిమాలు వచ్చాయి. కనీసం ఒక్క సినిమా కూడా ఈ అంశాన్ని చూపలేకపోయింది. అలాగే గ్రామీణ ప్రజలు ఎదుర్కొంటున్న తాగునీటి సమస్య కానీ నిరుద్యోగ సమస్యగానీ, శ్రామికుల, బాలకార్మికుల సమస్యలు గానీ భూమి సమస్యలు, ఆదివాసీల సమస్యలు, కరువులు, వలసలు ఇత్యాది సమస్యలు మన సినిమాల్లో కథాంశాలు కాలేదు. ఎర్రకూలీలు పేరుతో జరిగే ఆటవికదోపిడి, బాక్సయిట్ తవ్వకాల పేరుతో జరిగే విధ్వంసం, ప్రాజెక్టులు రహదారులు తదితర అభివృద్ధి పేరిట భూమికి భుక్తికి కడకు గూడుకు దూరమైన దిక్కులేని జనఘోషలు మన సినిమాల్లో కనపడవేమి ? ఇవన్నీ ఎక్కడివో కావు మన చుట్టూ మన తెలుగు సమాజంలోనివే ! సినిమాలు తీసేవాళ్ళు, చూసేవాళ్లు ....ఆహా , ఓహో అని రాసేవాళ్ళు మన తెలుగువాళ్లే ఇదే విచిత్రం. సామాజిక బాధ్యత నుంచి తప్పుకోవడాన్ని క్షమించ వచ్చేమో గానీ సమస్యను పక్కదారి పట్టించడం, సమస్యను మరుగుపరుస్తూ దాన్ని విస్మరించడం ఒక రకంగా జాతిద్రోహం. మన జీవన్మరణ సమస్యలను మన బతుకుపోరును పట్టించుకోకపోవడం కూడా ' కుట్ర' కాదంటారా ? తెలుగు  భాషలో కంటే  ఇతర భాషల్లో సామాన్యులు, పేదవర్గాలు, మహిళలు ఎదుర్కొంటున్న అనేక సమస్యలపై స్పందించి ఎందరో దర్శకులు గొప్పగొప్ప సినిమాలు తీశారు.  సత్యజిత్ రే  తీసిన పథేర్ పాంచాలి ఇతర చిత్రాల్లో ఎన్నో సమస్యలను హృద్యం గా చూపారు.  బిమల్ రాయ్ ఎన్నో సామాజిక కథాంశాలను తెరకెక్కించారు. అలాగే  కేతన్ మెహతా, శ్యాం బెనగల్, దీపా మెహతా ఎన్నో చిత్రాలను తీశారు. తమిళ్ లో, మలయాళంలో  అదూర్ గోపాల కృష్ణన్., బాలచందర్ , బాలుమహేంద్ర , మురుగుదాస్ మరెందరో  ఎన్నో సమస్యలపై  సినిమాలను తీసారు . తెలుగులో ఆ పోకడ తక్కువే. ఉమా మహేశ్వరరావు ,నారాయణమూర్తి  మరికొందరు కొన్ని సినిమాలు తీశారు. అయితే తెలుగు సినిమా పూర్తి కమర్షియలై జ్  కావడం తో పాటు నిర్మాణ వ్యయం బాగా పెరిగిపోవడం,తో  ఆ తరహా చిత్రాలు తీయడానికి  ఎవరూ ముందుకు రావడం లేదు.  
  • ప్రముఖ రచయిత యండమూరి వీరేంద్రనాథ్   యువ హీరో  రామచరణ్ తేజ , సంగీత దర్శకుడు దేవిశ్రీ ప్రసాద్ లగురించి   ఏమన్నారు ? ఏం  చెప్పారు ?    ఆ మాటలకే  నటుడు నాగబాబు  యండమూరి పై విరుచుక పడిన విషయం  తెలిసిందే.   యండమూరి  వీరేంద్ర నాథ్ వ్యక్తిత్వ వికాస శిక్షణా కార్యక్రమం లో  అసలు ఏమి అన్నారో ? వీడియో చూడండి.  vedeo courtesy .. hashtag telugu
  • ప్రముఖ నటుడు చిరంజీవి  సోదరుడు నాగ బాబు  రచయిత యండమూరి వీరేంద్ర నాథ్ ,దర్శకుడు  రాంగోపాల్ వర్మల  గురించి  చేసిన కామెంట్స్  సంచలనం సృష్టించిన  విషయం  తెలిసిందే.  ఆ కామెంట్స్ కి  రాంగోపాల్ వర్మ  ట్విట్టర్ ద్వారా స్పందించారు.   ఇక రచయిత  యండమూరి ఏవిధంగా స్పందించాడో చూడండి.   vedeo courtesy ...tv 9  
Site Logo