Latest News
ప‌ర్యాట‌కం
  •  (Vasireddy Venugopal)   శబరిమలలో అయ్యప్ప ఆలయాన్ని క్రీస్తు శకం 6-7 శతాబ్దాలలో పందళ(పాండ్య) రాజులు నిర్మించారు. అంతకంటే ముందుగా అక్కడ బౌద్ధారామం వుండేదని చెబుతుంటారు.అయ్యప్ప ఆలయాన్ని నిర్మించింది పందళ రాజులే అయినప్పటికీ, పందళ రాజు ఆలయాన్ని దర్శించరు. ప్రతి సంవత్సరం మకర సంక్రాంతి రోజున అయ్యప్పను అలంకరించే సర్వాభరణాలు నేటికీ పందళ రాజప్రాసాదంనుంచే వస్తాయి. ఆ ఆభరణాలు ఊరేగింపుగా తీసుకొస్తారు. లక్షలాది భక్తులు ఆసక్తిగా ఎదురుచూస్తుంటారు ఆ ఊరేగింపుకోసం. వేడుక ముగిసిన అనంతరం ఆభరణాలను మళ్లీ పందళ రాజప్రాసాదానికి తీసుకువెళతారు. కుటుంబంలో అనేక శతాబ్దాల క్రితం జరిగిన ఒక దుర్ఘటన నేపథ్యంలో పందళరాజు.. వంశీకుడైన రాజు.. ఆలయ ప్రవేశానికి దూరంగా వుంటుంటాడు. అయితే.. రాజు కోసమే అయ్యప్ప జ్యోతి రూపంలో దర్శనమిస్తాడు. పందళ రాజు కాకుండా, మిగతా రాజవంశీకులు.. అంటే రాజు తమ్ముడు, భార్య ఇత్యాదులందరూ ఆలయ దర్శనం చేసుకోవచ్చు. అయితే ఇక్కడ కూడా రాజవంశీక మహిళలకు ఇతర మహిళలకు వున్నట్టే ప్రవేశ నిబంధనలు వర్తిస్తాయి. ఈ నియమ నిబంధనలు ఉల్లంఘించడానికి పందళ రాజవంశీక మహిళలకు కూడా అర్హత లేదు.శాశ్వత ధర్మకర్తలైన పందళ రాజుది.. శబరిమల ఆలయ నిర్వహణలో తుది మాటగా వుండడం ఆనవాయితీ. కేరళ ప్రభుత్వ దేవాదాయ సంస్థ అయిన ట్రావెంకోర్ దేవస్థాన బోర్డు పరిధిలో శబరిమల ఆలయం వున్నప్పటికీ పందళ రాజుదే తుదిమాటగా వుంటూ వచ్చింది.సుప్రీంకోర్టు తీర్పు నేపథ్యంలో ప్రస్తుతం దేవస్థాన బోర్డులో చాలా ఘర్షణ వాతావరణం నెలకొని వున్నది.   ఇక శబరిమల ఆలయంలోకి నిర్దిష్ట వయసు మహిళలకు ప్రవేశ హక్కు నిషేధంపై టీవీ చానళ్లలో చర్చలు చూశాను.  ఈ చర్చల నేపథ్యంలో కొన్ని విషయాలు. 1. నిర్దిష్ట వయసు మహిళలకు ప్రవేశాన్ని నిరాకరిస్తున్నది అయ్యప్ప ఆలయంలోకి మాత్రమే అని కొందరు భ్రమపడుతున్నట్టుగా వుంది. ఎందుకంటే ఈ చర్చల్లో పాల్గొంటున్న వారెవరికీ ఆ ఆలయంపట్ల సరైన అవగాహన లేకపోవడం. మొత్తంగా ఆ పర్వత ప్రాంగణంలోకి మహిళలకు ప్రవేశ అర్హత లేదు. మహిళలు కేవలం పంపానది ఒడ్డువరకు మాత్రమే చేరుకోవచ్చు. 2. అంత నిష్టగా, నియమంగా నలభై రోజుల దీక్షలు చేసిన పురుషులకు శబరిమలలో మహిళలు కనిపించగానే మతి చలిస్తుందా? మనసు చెంచలమవుతుందా? అందువల్లనే ఈ ఆంక్షలు పెట్టారా? అంత నిష్ట లేని వాళ్లు దీక్ష చేయడం ఎందుకు? అది దొంగ దీక్ష కాదా?.. ఇలాంటి ఎటకారపు ప్రశ్నలను కొందరు అభ్యుదయవాదులు వేయడం చూశాను. అయ్యప్ప దీక్ష సమయంలో ఇంటివద్ద లేదా సన్నిధానంలో జరిగే అన్ని పూజాదికాల్లో అన్ని వయసుల మహిళలు నిరభ్యంతరంగా పాల్గొనవచ్చు. ఇరుముడి పూజా కార్యక్రమాల్లో, అయ్యప్పలను ప్రయాణానికి సాగనంపే అన్ని కార్యక్రమాల్లో కూడా మహిళలు పాల్గొంటారు. అంతెందుకు.. బస్సులోనో, రైల్లోనో.. అయ్యప్పలతోపాటు నిరభ్యంతరంగా ప్రయాణం చేయవచ్చు.. పంపానది ఒడ్డు వరకూ. మరి.. మహిళలను చూడగానే మనసు చలిస్తుందా? నిష్ట కోల్పోతారా? లాంటి వెకిలి ప్రశ్నలకు అర్ధం ఏముంది?  కొండమీద అడవి మార్గంలో వెళుతున్నప్పుడు మాళిగా పురోత్తమ లోకమాత ఆలయం వస్తుంది. అయ్యప్పతో సమానంగా పూజలు అందుకుంటుంది ఈ మాత.ఈ ఆలయంలో ఆచారం ఏమిటంటే.. కొబ్బరికాయను కొట్టరు. కొట్టకూడదు. గుడిచుట్టూ దొర్లించుకుని వెళ్లాలి. అంతే.కావాలంటే ఎవరైనా సుప్రీంకోర్టు స్టే ఆర్డరు తెచ్చుకుని కొబ్బరికాయ కొట్టుకోవచ్చు .  ...
  • మనకు తెలిసి రామాయణం లో రాముడు హీరో.. రావణుడు విలన్‌..! ఏ పురాణమైనా ఇదే విషయం చెబుతోంది. రాముడు మంచికి.. రావణుడు చెడుకు ప్రతీకలని భావిస్తారు. అందుకే ప్రజల్లో రాముడంటే భక్తి.. రావణుడంటే విరక్తి. పైగా సీతను అపహరించిన రావణుడు.. పరమ దుష్టుడన్న భావన ప్రజల్లో ఉంది. కానీ శ్రీకాకుళం జిల్లా... మశాఖపురం ప్రజల దృష్టిలో మాత్రం రావణుడు.. మహనీయుడు.. పూజనీయుడు. ఇచ్చాపురం మండలం మశఖాపురం.. ఆధ్యాత్మికతకు నిలయంగా పేరు తెచ్చుకుంది. హిందూ దేవతలకు, పురాణాలకు గ్రామస్థులు ఎంతో విలువిస్తారు. అందుకే శివాలయ సమీపంలో.. రావణుడి విగ్రహాన్ని ఏర్పాటు చేశారు. సీతను ఎత్తుకెళుతున్న దృశ్యాన్ని కళ్లకు కట్టేలా ఈ విగ్రహాన్ని రూపొందించారు. శివరాత్రి, దీపావళి, పర్వదినాలతో పాటు.. కార్తీక మాసమంతటా.. రావణుడి విగ్రహానికి పూజలు నిర్వహిస్తారు.  రావణుడి విగ్రహానికి అటూ ఇటూగా ఉన్న గోడలపై.. రామాయణ కథలోని ముఖ్య ఘట్టాలను కూడా చిత్రించారు. వానర సైన్యాన్ని ప్రతిబింబించే విగ్రహాలతో పాటు.. ఆంజనేయుడి  భారీ విగ్రహాన్నీ నెలకొల్పారు. ఓవైపు ఆంజనేయుడిని పూజిస్తూనే.. మరోవైపు రావణుడినీ ఆరాధించడానికి కారణం ఏమిటంటే మశాఖపురంలో అత్యధికులు శివభక్తులేఅట. రావణుడి అచంచల శివభక్తి  వీరిని బాగా నచ్చిందట . దాంతో ఆయనను పూజ్యుడిగా భావిస్తున్నారు. పైగా రావణుడు లేనిదే రామాయణం లేదన్నది మశాఖపురం ప్రజల  నమ్మకం. అందుకే.. రావణుడిని అసురుడిగా కాక.. సురుడిగానే గుర్తించి పూజిస్తున్నారు. నిత్యపూజలతో పాటు.. ప్రతీ గురువారం రావణబ్రహ్మకు విశిష్ట పూజలూ నిర్వహిస్తున్నారు. మొత్తానికి మశాఖపురం వాసులు తమ విభిన్న ఆధ్యాత్మిక లక్షణంతో.. జిల్లా వాసులనే కాదు.. ఇరుగు పొరుగు ప్రాంతాల వారినీ అమితంగా ఆకట్టుకుంటున్నారు.   అలాగే  ఆంధ్ర ప్రదేశ్ లోని కాకినాడలో కూడా రావణాసురుడి ఆలయం ఉన్నది. ఇక్కడ కూడా  రావణాసురుణ్ణి పూజిస్తారు. బీచ్ కు చేరువలో ఉండటంతో, సాయంత్రం వేళ ప్రజలు , యాత్రికులు వస్తుంటారు. ఆలయంలో రావణ విగ్రహాలు, మహా శివుని విగ్రహం ఉన్నాయి.  కాన్పూర్‌లోని రావణాసురుడి ఆలయం ఉంది.  1868లో ఆ ఆలయాన్ని నిర్మించారట. విజయదశమి రోజున ఆ ఆలయంలో రావణాసురుడి పేరు మీద ప్రత్యేక పూజలు కూడా జరుపుతారట. రావణాసురుడు గొప్ప శివభక్తుడని, శివ తాండవ స్తోత్రాన్ని స్వయంగా రచించి పాడాడని.. అలాంటి భక్తాగ్రేసరుడికి ఆలయం కట్టడం తప్పుకాదని స్థానికులు అంటున్నారు.  ఇలాంటి ఆలయమే రాజస్థాన్‌లోని జోధ్‌పూర్‌లో కూడా ఉంది. జోధ్‌పూర్‌లోనే రావణుడి అర్థాంగి మండోదరి జన్మించిందట.  ఈ ఆలయంలో రావణుడితో పాటు శివుడికి కూడా ప్రత్యేకంగా భక్తులు పూజలు చేస్తున్నారు. అదేవిధంగా మధ్యప్రదేశ్‌లోని విదిశ అనే ప్రాంతంలో కూడా ఓ చిన్న రావణాసురుడి గుడి ఉంది . ఆ గుడి ఉన్న ప్రదేశం పేరు ‘రావణ గ్రామ్’. 9వ శతాబ్దంలో ఆ గుడి  కట్టారట. ఇక  ఛత్తీస్‌ఘడ్‌లోని గోండులు ‌ కూడా రావణుడిని పూజిస్తారట.  మొత్తం మీద దేశంలో రావణాసురుడికి చాలాచోట్ల  ఆలయాలు ఉండటం విశేషమే....
  • టిబెట్ ....    ఈ పేరు వినగానే హిమాలయాలకు దగ్గర్లో ఉన్న టిబెట్ గుర్తుకొస్తుంది.  అయితే  ఆంధ్రా సరిహద్దుల్లో కూడా ఒక టిబెట్ ఉంది. దాని గురించి చాలామందికి అంతగా తెలియదు.  బౌద్ధమతానికి సంబంధించిన సంస్కృతిని , జీవన శైలిని టిబెట్ వాళ్ళే ఇప్పటికీ కాపాడుతున్నారనడంలో సందేహం లేదు.   శ్రీకాకుళం జిల్లా చంద్రగిరి వెళ్తే చాలు అక్కడ మనకు ఒక టిబెట్, బౌద్ధ ఆలయం కనబడతాయి.  ఆంధ్రా, ఒరిస్సా సరిహద్దుల్లో టిబెట్ ను తలపించే ప్రాంతం ఇదే. ఈ  చంద్రగిరిలో పద్మ సంభవ మహా విహార పేరుతో టిబెటెన్లు గౌతమ బుద్ధుడి పేరుతో నిర్మించిన ఆలయం ఉంది.  ఒక యూనివర్సిటీ ని వారు ఏర్పాటు చేశారు . ఇక్కడికి 1960 ప్రాంతాల్లో ఓ 20 మంది బౌద్ధ బిక్షువులు వలస వచ్చారు. ఓ చిన్నపాటి గుడిని, నివాసాల్ని ఏర్పాటు చేసుకున్నారు. అప్పటినుండి వీరంతా ఇక్కడే నివాసం ఉంటున్నారు. వీళ్ళు వచ్చి 50 ఏళ్ళకు పైనే అయింది. అయినా, ఇప్పటికీ టిబెటిన్ అలవాట్లనే కొనసాగిస్తారు. ఆహారం , విద్య ఇతర అలవాట్లు కూడా టిబెటన్ల లాగానే ఉంటాయి. మొత్తం వంద ఎకరాల విస్తీర్ణంలో ఉన్న ఈ బుద్ధ ఆలయం ప్రాంగణంలో ప్రస్తుతం ఓ యూనివర్శిటీ, హైస్కూల్ కూడా ఉన్నాయి. ఇక్కడి కళాఖండాలు టూరిస్టులను విపరీతంగా ఆకట్టుకుంటున్నాయి.  2003లో ప్రారంభమయిన  ఇక్కడి  ఆలయ నిర్మాణం 2010లో పూర్తయ్యింది. 21 అడుగుల భారీ బుద్ధ విగ్రహం ఉన్న ఈ ఆలయాన్ని దలైలామా  ప్రారంభించారు.  ఇందులో ఒకేసారి 200మంది ప్రార్ధనలు చేసుకోవడానికి వీలుగా ఉంటుంది.   ఆలయ నిర్మాణం మొత్తం టిబెట్‌లోని ఆలయాలను తలపించే విధంగా ఉంటుంది. ప్రతి రోజూ ప్రార్ధనలు జరుగుతాయి. అంతేకాకుండా బౌద్ద మతానికి సంబంధించిన అన్ని ఉత్సవాలు ఇక్కడ వైభవోపేతంగా జరుగుతాయి.    వీడియో చూడండి. ...
  • (అరవింద్ ఆర్య పకిడె) కాలుడు అంటే యముడు. ఆయన పేరు వింటేనే లోకమంతా భయపడుతుంది. అలాంటి యముడిని సైతం భయపెట్టే మహిమ గల స్వామిగా శ్రీ కాలభైరవుడికి పేరు. సంసార బాధలతో సతమతమయ్యేవారు, అనారోగ్యాల బారిన పడ్డవారు, క్షుద్రశక్తుల విజృంభణతో నలిగిపోతున్న వారు కాలభైరవస్వామిని వేడుకుంటే సకల బాధలను హరింపజేసి భక్తులను రక్షిస్తాడని నమ్మకం. అలాంటి విశిష్టత కలిగిన దేవాలయమే సిద్ధ భైరవాలయం.  ఎక్కడ ఉంది ? హనుమకొండ బస్ స్టేషన్ నుంచి పద్మాక్షి గుట్ట వెళ్లే దారిలో ఎడమ వైపు ఒక 200 మీటర్లు ప్రయాణిస్తే సిద్ధేశ్వర ఆలయం వస్తుంది. ఆ ఆలయం పక్కన ఉన్న గుట్టే ఈ సిద్ధులగుట్ట. పేరు ఎలా వచ్చింది ?  పూర్వం సిద్ధులు ఈ గుట్టమీద తపస్సు చేసుకునేవారట. శివ పూజే పరమావధిగా జీవించేవారట. వాళ్ల కోరిక మేరకు స్వామి సిద్ధ భైరవుడుగా వెలసాడంటారు. వారు నివసించిన ఆ గుట్ట సిద్ధుల గుట్టగా పేరు పొందింది. సిద్ధులు తపమాచరించిన కారణంగా ఈ గుట్టకు సిద్ధులగుట్ట అనే పేరు వచ్చింది. సిద్ధులు పూజించిన కారణంగా ఇక్కడి స్వామిని సిద్ధి భైరవ స్వామిగా కొలుస్తుంటారు. దిగంబరునిగా: ఆలయంలో భైరవస్వామి మూల విగ్రహం దిగంబరంగా ఉంటుంది. స్వామివారి మూలవిగ్రహం ఎప్పుడు వెలిసిందో కచ్చితంగా చెప్పే ఆధారాలు లేవు. జైనమతం ప్రాచుర్యంలో ఉన్న సమయంలో ఆలయం నిర్మించడం వల్ల స్వామి దిగంబరునిగా దర్శనమిస్తాడని అంటారు. కానీ పురాణాతిహాసాల్లోనూ శ్రీ కాలభైరవుడిని దిగంబరుడిగానే పేర్కొనడం జరుగుతుంది. చారిత్రక ఆధారాల ప్రకారం ఈ ఆలయం 9వ శతాబ్దానికి చెందినదని చెప్తున్నారు. గతంలో ఇక్కడ అనేక మంది తపస్సు చేసుకున్నారడానికి వీలుగా ఇక్కడ చాలా గుహలు ఉన్నాయి. ఎక్కడ చూసినా శిలారూపాలే కనిపిస్తుంటాయి. ముఖ్యంగా ఓ కొండలోనే ఎనిమిది భైరవ విగ్రహాలు చెక్కిన వైనం ఎంతో అపురూపంగా అనిపిస్తుంటుంది. కాకతీయుల కాలంలో ఈ గుట్ట మీది నుంచి భద్రకాళి ఆలయానికి సొరంగ మార్గం ద్వారా ప్రయాణించేవారట. ఇప్పటికీ ఆ సొరంగాల ఆనవాళ్లు కనిపిస్తాయి. గతంలో గుట్టపైకి వెళ్ళడానికి సరైన సౌకర్యాలు ఉండేవి కావు . 10 యేండ్ల క్రితం గుట్ట కింది భాగం నుంచి పైకి మెట్లదారి నిర్మించటంతో గుట్ట పైవరకు భక్తులు నేరుగా వెళ్లే సౌకర్యం కలిగింది. పెద్ద పెద్ద రాళ్ల మధ్య నుంచి భైరవుడిని దర్శించుకొనేందుకు భక్తులు గుహలోంచి వెళ్లేదారి చూడముచ్చటగా ఉంటుంది. గుహలో ఉన్న భైరవుడి విగ్రహం చుట్టూ ఇటీవలే గ్రానైట్, మార్బుల్స్‌తో తీర్చిదిద్దారు. దైవదర్శనం చేసుకొని గుట్టలోని గుహల మధ్య కూర్చొని సందడి చేస్తారు. ఎయిర్ కండీషన్(ఏసీ)ని మించిన చల్లని గాలి రావడం తో అనేక మంది ఇక్కడి గుహల్లో సేద తీరేందుకు ఆసక్తి చూపుతారు. గుట్ట పై నుంచి పరిసర అందాలు చూడ ముచ్చటగా కనిపిస్తాయి. దీంతో పర్యాటకుల సంఖ్య పెరిగింది. ప్రతీ శుక్రవారం ఇక్కడ దాతల సహకారంతో అన్నదాన కార్యక్రమం నిర్వహిస్తున్నారు. గుట్టపైన తాగునీటి సౌకర్యం లేనందున ఇబ్బందులు పడక తప్పదు.  చారిత్రక నేపథ్యం సాక్షాత్ పరమ శివుని అవతారం కాలభైరవుడు. ఈ భైరవావతారానికి గల ఒక కారణం ఉంది. ఒకానొక సందర్భంలో బ్రహ్మ, విష్ణువు మధ్య వివాదం తలెత్తింది. విశ్వాన్ని ఎవరు కాపాడుతున్నారు? పరతత్వం ఎవరు? అనేది ఆ వివాదం. మహర్షులు సమస్త విశ్వానికి మూలమైన పరతత్వం తేల్చడానికి వీలుకానిది. మీరిద్దరూ ఆ శక్తి విభూతి నుంచే ఏర్పడిన వారే అన్నారు. పరతత్వం మరెవరోకాదు, నేనే అని బ్రహ్మ అహం ప్రదర్శించాడు. అప్పుడు పరమశివుడు భైరవ స్వరూపాన్ని చూపి బ్రహ్మకు గర్వభంగం కలిగించాడట. భైరవుని రూపంసాధారణంగా భైరవుడు భయంకరాకారుడుగా ఉంటాడు. రౌద్రనేత్రాలు, పదునైన దంతాలు, మండే వెంట్రుకలు, దిగంబరాకారం, పుర్రెల దండ, నాగాభరణం ఉంటాయి. నాలుగు చేతులలో పుర్రె, డమరుకం, శూలం, ఖడ్గం ఉంటాయి. దుష్ట గ్రహబాధలు నివారించగల శక్తిమంతుడు రక్షాదక్షుడు ఈ కాల భైరవుడు. కాలభైరవుని క్షేత్రపాలక అని కూడా అంటారు. గుట్టపైకి ఇలా చేరుకోవచ్చు: పద్మాక్షి గుట్ట పక్క నుంచి ఉన్న రోడ్డు ద్వారా, సిద్ధేశ్వర ఆలయం పక్క నుంచి వస్తే గుట్ట కనపడుతుంది. కింది నుంచి మెట్లదారి మీదుగా గుట్టపైకి చేరుకొనేందుకు మార్గాలు ఉన్నాయి. బస్టాండ్ సమీపం నుంచి ఆటోల ద్వారా భక్తులు వచ్చే అవకాశం ఉంది. ప్రైవేటు వాహనాలలో సైతం గుట్ట వద్దకు రావచ్చు....
  • హిడింబికి ఒక గుడి  ఉంది. ఈ సంగతి మీకు తెలుసా ? ఇంతకూ ఈ  హిడింబి ఎవరంటారా ? భారతంలో ఘటోత్కచునికి తల్లి... భీమునికి భార్య అయిన రాక్షస సంతతికి చెందిన  మహిళా హిడింబి.  ఈమె పేరిట హిమచల్‌ప్రదేశ్ రాష్ట్రంలోని మనాలీకి సమీపంలో  దేవాలయం కట్టారు.  ఇక్కడికి ప్రతిఏటా వందల సంఖ్యలో పర్యాటకులు వచ్చిపోతుంటారు. దేశంలో ఎక్కడా లేని విధంగా ఒక రాక్షసికి దేవాలయం కట్టడం మనం ఇక్కడ మాత్రమే చూడగలం. గుడి చాలా పురాతన కట్టడంలా ఉంటుంది. ఒక గుహలో ఉంటుంది. నిత్యం అక్కడ అగ్నిహోత్రం వెలుగుతూనే ఉండడం విశేషం. ఈ ప్రాంతమంతా మంచుతో కప్పి ఉంటుంది. ఎత్తయిన కొండలపై మరింత ఎత్తుగా చెట్లు ఆకాశంలో మబ్బులను తాకేలా కనిపిస్తుంటాయి.  ఇక హిడింబి గురించి చెప్పుకోవాలంటే   పాండవులు లక్క ఇంటి నుంచి తప్పించుకుని అరణ్యంలో సేదతీరుతుంటారు.   అక్కడికి సమీపంలోనే హిడింబ, హిడింబి అనే అన్నాచెల్లెళ్లు నివసిస్తూ ఉంటారు. రాక్షసులైన ఈ అన్నాచెల్లెళ్ల ముక్కుపుటాలకి నరవాసన తగలగానే జిహ్వచాపల్యం కలుగుతుంది. ఆ నరవాసన ఎక్కడి నుంచి వచ్చిందా అని బయల్దేరిన వారికి అల్లంత దూరంలో గాఢనిద్రలో ఉన్న పాండవులూ, వారికి కాపలాగా ఉన్న భీముడూ కనిపిస్తారు.  బలిష్టంగా ఉన్న భీముని చూడగానే హిడింబకు ఓ ఆలోచన కలుగుతుంది. అతడిని ఎలాగైనా ఏమార్చి పక్కకు తీసుకువస్తే సుష్టుగా ఆరగించవచ్చని తన సోదరికి సూచిస్తాడు. దాంతో భీముని ఆకర్షించేందుకు హిడింబి అందమైన యువతి రూపంలో భీముని చెంతకు చేరుకుంటుంది. కానీ భీముని మోజులో పడిపోతుంది. నిజం భీమునికి చెప్పేస్తుంది. ఇది గమనించి హిడింబాసురుడు భీమునితో తలపడతాడు. అతగాడిని వధించి హిడింబిని భీముడు పెళ్లాడాతాడు.  ఘటోత్కచుడు  జన్మించాక హిడింబి అడవుల్లోనే ఉంది పోతుంది. పాండవులు హస్తిన కు వెళ్తారు.  ఆతర్వాత తపస్సు చేసి హిడింబి  గిరిజన దేవతా మారినట్టు చెబుతారు. అందుకే ఆమెకు గుడి కట్టారని అంటారు.  బాలీవుడ్ హీరో అక్షయ్ కుమార్  హిడింబి దేవాలయాన్ని దర్శించి వచ్చాక  పాండవులు వనవాసం చేసారని చెబుతున్న  ఆ ప్రాంతానికి పర్యాటకులు ఎక్కువగా వస్తున్నారు.  ...
  • సిటీ లైఫ్ తో బోర్ కొట్టే వారు  జయశంకర్ భూపాలపల్లి జిల్లా అడవుల్లో విహరించి వినోదాన్ని, ఆహ్లాదాన్ని పొందవచ్చు. ఈ జిల్లాలో ఎన్నో చూడదగిన ప్రదేశాలు ఉన్నాయి.  అవన్నీ మనసును అలరింప జేస్తాయి.  వరంగల్ నుంచి బొగత జలపాతానికి వెళ్ళే దారిలో సరిగ్గా 74 కిలోమీటర్లు ప్రయాణం చేస్తే తాడ్వాయి అడవులు వస్తాయి.  అది చక్కటి చిక్కటి అడవి ..మధ్యలో నల్లతాచులా నిగనిగలాడే రోడ్డు. ఆరోడ్డు పక్కనే అటవీశాఖ వారు  కాటేజేస్ ఏర్పాటు చేశారు.  ఒకదానికి మరో దానికి మధ్య కావలసినంత ఎడం. మధ్యలో ఏపుగా,ఆకాశాన్ని అంటేలా పెరిగిన చెట్లు మనల్ని ఆకట్టుకుంటాయి.  కావలసినంత ప్రశాంతత,ఏకాంతం. అనుభవించే మనసు ఉంటే..అదొక అద్భుతమైన లొకేషన్.  డబల్ బెడ్ రూమ్ ,అటాచ్డ్ బాత్రూమ్,ఏసీ ,టీవీ  ఏర్పాట్లు బేషుగ్గా  ఉన్నాయి.  కోరుకున్న ఆహారం దగ్గరలోనే ఉన్న గ్రామంలో సిద్ధం చేయించి తీసుకొచ్చే సిబ్బంది ఉన్నారు .   రాత్రి కాగానే క్యాంపు ఫైర్,ఆటలు,పాటలు.అడవిలో తిరగాలనుకునే వారికి ఐదు కిలోమీటర్ల సైకిల్ ట్రాక్. అదునాతన సైకిళ్ళు అందుబాటులో ఉంటాయి.వయసుతో సంబంధం లేకుండా అందరూ ఆనందించే అద్భుతమైన ప్రదేశం. ఇక  దగ్గరలోనే బ్లాక్ బెర్రీ ఐలాండ్.అది మరో అద్భుతం.మనకు ఇంత దగ్గరలో ఇంత అద్భుతమైన ప్రపంచం ఉందా?  అన్పించక మానదు.ఇది ఖచ్చితంగా చూసి తీరాల్సిన ప్రదేశం. కాటేజేస్ నుంచి 14 కిలోమీటర్ల దూరంలో సమ్మక్క సారలమ్మ గద్దెలు ఉంటాయి.మరో వైపు 25 కిలోమీటర్ల దూరంలో లక్నవరం చెరువు ఉంటుంది.ఇంకోవైపు 50 కిలోమీటర్ల దూరంలో విశాలమైన గోదావరి,దాని మీద సుదీర్ఘమైన వంతెన ఉంటాయి.అది దాటి 10 కిలోమీటర్లు ప్రయాణిస్తే బొగత జలపాతం వస్తుంది. ఈ కాటేజేస్ సూపర్ హిట్ అయ్యాయి. సిటీ వాతావరణం, కాలుష్యపు హోరు నుంచి కొంచెం ప్రశాంతంగా ఉండాలంటే  ఇలాంటి ప్రదేశానికి వెళ్లి తీరాల్సిందే. ప్రకృతిని ప్రేమించి,పరవశించాలనుకుంటే ఎక్కడో దూర ప్రదేశాలను వెతుక్కొని వెళ్ళాల్సిన అవసరం లేదు.ఒక్కసారి తాడ్వాయి వెళ్లి రండి. మీ మనసుని హరిత భరితం చేసుకోండి. ఇక వరంగల్ లో చూడాల్సిన ప్రదేశాలు ఎన్నో ఉన్నాయి . మూడు రోజుల ట్రిప్ వేసుకుంటే  అన్నింటిని చుట్టి రావచ్చు.  కాటేజెస్ కి సంబంధించిన పూర్తి వివరాలకు అక్కడ మేనేజర్ ఉంటారు.పేరు సాయికృష్ణ. ఆయన ఫోన్ నెంబర్ 9553382636. ఒక్కసారి ఆయనకు ఫోన్ చెయ్యండి.అన్నీ వివరిస్తారు. హైదరాబాద్ నుంచి రావడానికి తెలంగాణ టూరిజం శాఖ ప్రత్యేక ఏర్పాట్లు చేసింది. రకరకాల ప్యాకేజీలు అందుబాటులో ఉన్నాయి. వివరాలకు వెబ్ సైట్ చూడండి. .......  sheik sadiq ali  ...
  • ఆకుపచ్చని  ప్రకృతి అందాలు ....   చుట్టూ కొండలు.. దుర్భేద్యమైన అడవులు .  కొండల నడుమ జాలువారే జలపాతం..! శివలింగాన్ని నిత్యం అభిషేకించే జలధారలు..!  ఇది  బాహుబలి చిత్రంలో రాజమౌళి సృష్టించిన గ్రాఫిక్  ప్రపంచం కాదు..!  రాజమౌళి ఇక్కడి దృశ్యాలను చూసి పరవశించి బాహుబలి లో పెట్టాడా అనిపిస్తుంది.  మనసు పరవశించి .... తన్మయత్వానికి లోను చేసే  ఈ అద్భుతం దేవరచర్లలొ ఉంది..! లింగమయ్య-గంగాదేవీ అపూరూప సంగమమైన ఈ అద్భుత ప్రదేశం దేవరచర్ల.  జటాఝూటంలో గంగను బంధించిన లింగమయ్య… పాల వెన్నెల జలధారల్లో జలకమాడే అద్భుతం..! పరవళ్లు తొక్కుతూ కొండలు, కోనల నడుమ ఉరకలెత్తిన ఆకాశగంగ… పరమశివుడ్ని అభిషేకించే అపురూప దృశ్యం..! ప్రతి ఒక్కరూ తప్పనిసరిగా చూడాల్సిన ప్రదేశం. దేవరచర్ల నల్లగొండ జిల్లా చందంపేట మండలం లో ఉంది . దీన్నే తెలంగాణా అరకు అంటారు . ఇక్కడి  ప్రకృతి సోయగాలు మనల్ని మరో లోకంలోకి తీసుకెళుతాయి… దేవరకొండ నుంచి 40 కిలోమీటర్ల దూరంలో ఉన్న కుగ్రామం దేవరచర్ల. ఇక్కడ్నుంచి 5కిలోమీటర్ల నడక ద్వారా మునిస్వామిగుట్టకు చేరుకోవచ్చు.మునిస్వామి గుట్టలో కొండల పై నుంచి జలపాతం జాలువారే చోటే శివలింగం కొలువై ఉంది. ఇదే ఇక్కడి ప్రత్యేకత. ఇక్కడ వందల ఏళ్ల నాటి పురాతన ఆలయం కూడా ఉంది. ఈ ఆలయం పక్కనే ఓ సొరంగ మార్గం కూడా ఉంది.  అయితే ఈ నిర్మాణాలు ఎప్పటివో ఎవరికీ తెలియదు. ఇక్కడ ఉండే గిరిజనులు మాత్రం తమ తాత ముత్తాతల కాలం నుంచి ఈ శివాలయం, జలపాతం ఉన్నాయని చెబుతున్నారు. దేవరచర్ల గ్రామానికి చెందిన కేతావత్‌ గోపా..70 ఏళ్ల క్రితం పశువులను మేపుతున్న క్రమంలో ఈ శివలింగాన్ని చూశారు. నాటినుంచి ఆ ప్రాంత గిరిజనులే ఆలయంలో పూజలు నిర్వహిస్తున్నారు.ప్రతి ఏటా శివరాత్రి, ఏకాదశి పర్వదినాల్లో మునిస్వామి గుట్టల్లో ఇక్కడి గిరిజనులు గోపా బావోజీ పూజలు నిర్వహిస్తారు. ఈ జాతరకు గుట్ట పైకి వందల సంఖ్యలో భక్తులు వచ్చి పూజలు నిర్వహిస్తారు. మిగతా సందర్భాల్లో మునిస్వామి గుట్టలకు ఎవరూ రారు. నిర్మానుష్యంగా ఉంటుంది. ఈ ఆలయానికి అపవిత్రంగా వెళ్తే భక్తులకు అక్కడి కందిరీగలు, గబ్బిలాలు హాని చేస్తాయని ఇక్కడి గిరిజనులు చెబుతారు.  దేవరకొండ ఖిల్లా ను  13వ శతాబ్దంలో రేచర్ల పద్మనాయక వంశానికి చెందిన రాజులు పాలించారు. ఇక్కడి శివాలయంలో చెక్కిన పద్మాలను బట్టి ఈ నిర్మాణాలు పద్మనాయక కాలం నాటివని తెలుస్తోంది. అయితే, కాలక్రమేణా ఈ ఆలయం శిథిలావస్థకు చేరుకుంది. చెట్లు విరిగిపడటంతో ఆలయం కొంతమేర కూలిపోయింది.శివలింగాన్ని జలధారలు అభిషేకించే దృశ్యం ఎంతో రమణీయంగా ఉంటుంది. గుట్టల నుంచి జాలువారుతున్న నీటి పరవళ్లు ఎప్పుడూ లింగాన్ని అభిషేకిస్తూనే ఉంటాయి. మునిస్వామిఆలయాన్ని గుట్ట కింది భాగంలో నిర్మించారు. ముందు స్తంభాలను మాత్రమే నిలబెట్టి వెనుక భాగంలో కొండనే తొలిచి ఆలయంగా మలిచారు. నిర్మాణంలో వాడిన చతురస్రాకార ఇటుకలు కేవలం 200 నుంచి 300 గ్రాముల బరువు మాత్రమే ఉండటం ఆశ్చర్యకరం.మునిస్వామి గుట్టల్లో శిథిలావస్థకు చేరిన మరొక ఆలయ ఆనవాళ్లు కూడా ఉన్నాయి. ఇక్కడశివలింగం చుట్టూ చిన్నసైజులో మరో 18 లింగాకారాలున్నాయి. ఆలయం పక్కనే ఒక గుహ లాంటి నిర్మాణం ఉంది. ఇక్కడి నుంచి శ్రీశైలం వరకు సొరంగ మార్గం ఉందని స్థానికులు చెబుతుంటారు.   హైదరాబాద్‌ నగరానికి 100 కిలోమీటర్ల దూరంలో ఉన్న దేవరకొండకు 45 కిలోమీటర్ల దూరంలో ఉన్న నాగార్జునసాగర్‌ బ్యాక్‌ వాటర్‌ అందాలు కనువిందు చేస్తాయి. కృష్ణా పరివాహక ప్రాంతం తీరమంతా గుట్టలపై ఎన్నో గిరిజన తండాలు కనిపిస్తాయి   ఈ ప్రాంతాన్ని అభివృద్ధి పరిస్తే తెలంగాణ టూరిజం మరింత పెరుగుతుంది. రోడ్డు మార్గం , ఇతర సదుపాయాలు  ఏర్పాటు చేస్తే ఈ ప్రకృతి అందాలను తిలకించేందుకు పెద్ద సంఖ్యలో టూరిస్టులు వస్తారు . ...
  • గంగ, బ్రహ్మపుత్ర నదుల మధ్య ఏర్పడిన అందమైన వనం సుందర్ బన్ . భారత్ ..  బంగ్లాదేశ్  ఈ  రెండు దేశాలలో విస్తరించడం ఈ సుందర్బన్  ప్రత్యేకత.  ఈ వనాల విస్తీర్ణం 10,200 చదరపు కి.మీ. నేషనల్ పార్క్‌యునెస్కో వరల్డ్ హెరిటేజ్ సైట్‌గా సుందర్ బన్ గుర్తింపు పొందింది.  సుందర్‌బన్‌లో 102 దీవులు ఉన్నాయి. 54 దీవుల్లో జనావాసం లేదు. మిగిలిన దీవుల్లో జనాభా నలభై లక్షలకు పైమాటే! వ్యవసాయం, చేపలు పట్టడం, తేనె సేకరణ వీరి జీవనాధారం. సుందర్‌బన్‌ పరిరక్షణలోనూ వీళ్లు భాగస్వాములవుతారు. దట్టమైన మడ అడవులలో  అడవి పిల్లులు, మొసళ్ళు, పాములు, నక్కలు, అడవి పందులు, పాంగోలిన్స్ వంటి వాటిని  చూడొచ్చు.రాయల్ బెంగాల్ టైగర్ కోసం అతిపెద్ద రిజర్వులలో ఇది ఒకటి. జంతుజాల వైవిధ్యం ద్వారా అందరినీ ఆశ్చర్యచకితులను చేసే ఈ సుందర్ బన్  అడవులు అంతరించిపోతున్న పులులకు ఆవాసంగా ఉన్నది. పర్యాటక సౌకర్యాలు అందుబాటులో ఉండటం వలన యాత్రికులు ఇక్కడికి వస్తుంటారు.  ఇక్కడ పడవలను అద్దెకు తీసుకొని ఇరుకైన ఉప నదుల గుండా, సెలయెర్ల ద్వారా  ప్రయాణించడం ఒక మధురానుభూతి కలిగిస్తుంది.   సుందర్‌బన్‌ విహారానికి సెప్టెంబర్‌ నుంచి మార్చి వరకు అనుకూలం. పర్యాటకుల తాకిడి ఎక్కువగా ఉంటుంది. చిరుజల్లులు కురిసే వేళ.. ఈ అడవి సౌందర్యం  మంత్ర ముగ్దులను చేస్తుంది.  ఇక్కడ జీపు సఫారీలు ఉండవు. రోడ్డు మార్గం లేని టైగర్‌ రిజర్వ్‌ కావడంతో విహారమంతా నదీపాయల్లో పడవలు, లాంచీలపైనే సాగుతుంది. సుందర్‌బన్‌లో 55 రకాల జంతువులు, 54 రకాల సరీసృపాలు, 248 రకాల పక్షులు సేదతీరుతున్నాయి. బెంగాల్‌ టైగర్లు, మొసళ్లు, మచ్చల జింకలు, మోనిటర్‌ లిజార్డ్‌, ఆలివ్‌ రిడ్లే తాబేళ్లు ఇలా ఎన్నో ఉన్నాయిక్కడ. సెప్టెంబర్‌ నుంచి మార్చి వరకు ఈ దీవుల్లో పక్షుల కిలకిలారావాలతో సందడి నెలకొంటుంది. ప్రపంచం నలుమూలల నుంచి వివిధ రకాల పక్షులు ఇక్కడికి వలస వస్తాయి. ఆరు నెలల పాటు ఇక్కడ విడిది చేసి.. సంతతిని వృద్ధి చేసుకొని, పిల్ల పక్షులతో స్వస్థలాలకు ఎగిరిపోతాయి. సుందర్‌బన్‌ లో సజ్నేఖాలి వాచ్‌టవర్‌ ప్రధానమైంది. అటవీశాఖ ముఖ్య కార్యాలయం ఇక్కడే ఉంది. అక్కడ అనుమతి తీసుకుని జాతీయ పార్కులోకి ప్రవేశించాలి. వాచ్‌ టవర్‌పైకి ఒక్కసారి 20 మంది వరకు వెళ్లవచ్చు. బర్డ్‌వాచర్స్‌కి ఇది అత్యంత అనువైన ప్రదేశం. యాత్రికులకు ఇక్కడ బస చేసే సదుపాయం ఉంది. తర్వాత  సూద్యఖాలి వాచ్‌టవర్‌ కూడా ముఖ్యమైనదే.  పులులు చూడటానికి అనువైన వాచ్‌టవర్‌ ఇది. దీనిపైకి 25 మంది వరకూ వెళ్లొచ్చు. వాచ్‌టవర్‌ సమీపంలో మంచినీటి కొలను ఉంది. జింకలు ఇక్కడ కనిపిస్తాయి. ఈ ప్రాంతమంతా దట్టమైన గడ్డితో నిండి ఉంటుంది. ఇక్కడి నీటి కాలువల్లో, బురదలో మొసళ్లు కూడా ఉంటాయి.  ప్రపంచంలోనే అరుదైన మొసళ్ల సంరక్షణ కేంద్రం ఇక్కడ ఉంది.   14 నుంచి 15 అడుగుల పొడవు ఉండే మొసళ్లు కనిపిస్తాయి.    సుందర్‌బన్‌ అందాలు చూడాలంటే ముందుగా కోల్‌కతా వెళ్ళాలి. పశ్చిమ్‌ బంగా పర్యాటక శాఖ, ప్రైవేట్‌ టూర్‌ ఆపరేటర్లు రకరకాల ప్యాకేజీలు నిర్వహిస్తున్నారు. కోల్‌కతా నుంచి క్యానింగ్‌, సోనఖాలి, సంజెఖాలి చేరుకుని అటవీశాఖ అనుమతి తీసుకొన్న తర్వాత వనవిహారం మొదలవుతుంది. అనుమతులు ప్యాకేజీలో భాగంగానే ఉంటాయి. ఉదయం 8.30 గంటల నుంచి సాయంత్రం 4 గంటల వరకు లోనికి అనుమతిస్తారు. పశ్చిమ బెంగాల్ టూరిజం శాఖ వెబ్సైట్ లో ప్యాకేజి వివరాలు లభిస్తాయి. ...
  • కేరళలోని తిరువనంతపురం లో  వెలసిన  అనంత పద్మనాభుడు గురించి అందరికి తెలిసిందే .అయితే  అదే కేరళలో సరోవర పద్మనాభస్వామి కూడా  కొలువై ఉన్నాడు. కాసరగోడు జిల్లా అనంతపుర గ్రామంలోని సరోవర పద్మనాభస్వామి ఆలయం చాలా ప్రసిద్ధి చెందింది. దీనిని 9వ శతాబ్దంలో నిర్మించారని చెబుతారు. ఇక్కడ స్వామివారు కూర్చున్న భంగిమలో దర్శనమిస్తాడు. తిరువనంతపురం స్వామి, ఇక్కడి పద్మనాభుని విగ్రహాలకు పోలికలు ఉండటమే కాదు.. ఈ ఆలయంలోని గుహనుంచి తిరువనంతపురం వరకు సొరంగమార్గం ఉందని శాసనాలు చెబుతున్నాయి. గుహలోకి ఎవరూ ప్రవేశించకుండా దేవస్థానం పాలకమండలి పటిష్ఠ భద్రత ఏర్పాట్లు  చేసింది.  ఇక్కడ ప్రత్యేకత ఏమిటంటే  ఆలయాన్ని సరస్సు మధ్యలో నిర్మించారు. అందుకే  సరోవర పద్మనాభస్వామికి ఆ పేరు  వచ్చింది. స్వామిని దర్శించుకోవాలంటే ఆలయం నుంచి ఒడ్డుకు వేసిన వంతెన ఒక్కటే మార్గం! సరస్సు మధ్యలో ఉన్న దేవాలయం కేరళలో ఇదొక్కటే. అంతేనా.. ఇక్కడి విగ్రహాన్ని రాతితోగానీ లోహంతోగానీ కాకుండా షర్కరపాకం (వివిధ వనమూలికలతో కూడినది)తో రూపొందించారు. అందుకే ఇక్కడి విగ్రహానికి అభిషేకం నిర్వహించరు.  సరోవర పద్మనాభస్వామి ఆలయంలో మరో విశేషం ఉంది. గుడి చుట్టూ ఉన్న సరోవరంలో ఒక మొసలి చాలా ఏళ్లుగా భక్తులకు దర్శనమిస్తోంది. 1942 నుంచీ ఇది ఇక్కడే ఉందట! దీని పేరు బబై కాగా.. సరస్సులో అనేక చేపలు తిరుగుతున్నా ఈ మొసలి వాటికి హాని చేయకపోవడం విశేషం. అందుకే, దీన్ని సాక్షాత్తూ 'విష్ణు దూత'గా విశ్వసిస్తారు. అంతేకాదు.. ప్రతిరోజూ మధ్యాహ్నం మహా మంగళ హారతి అయిన తర్వాత మాత్రమే ఈ మొసలి కనిపిస్తుండటం మరో విశేషం. అది కూడా.. భక్తులు దేవుడికి పెట్టిన నైవేద్యాన్ని మాత్రమే ఈ మొసలి ఆహారంగా స్వీకరిస్తుంది. గుహలోని నిధిని కాపాడేందుకే ఈ మొసలిని ఆ సరస్సులో వదిలినట్లు కూడా చెబుతుంటారు.  తిరువనంతపురంలోని పద్మనాభుడి అనంత సంపద బయట పడిన నేపథ్యంలో, సరోవర పద్మనాభస్వామి ఆలయానికీ భక్తుల తాకిడి ఎక్కువైంది. పచ్చని ప్రకృతి మధ్య ఉన్న ఈ ఆలయానికి కేరళ నుంచే కాకుండా దేశంలోని వివిధ ప్రాంతాలనుంచి పెద్ద సంఖ్యలో భక్తులు తరలి వస్తుంటారు.   ఈ స్వామి ఆలయంలోని నేలమాళిగల్లో అనంత సంపద పోగుపడి ఉందన్నప్రచారం కూడా ఉంది.  ఈ ఆలయంలో అనంతమైన నిధినిక్షేపాలు ఉన్నట్లు 2001లోనే పురావస్తు శాఖ తేల్చిచెప్పింది కూడా. అయితే, ఆ సంపదను వెలికి తీయకుండా దేవస్థానం పాలక మండలి కోర్టుకు వెళ్లి స్టే తెచ్చింది. ...
  • నందవరం వీర చౌడేశ్వరీదేవి ఆలయం కర్నూల్ జిల్లాలో ఉంది .  నందన చక్రవర్తి నందవరాన్ని కేంద్రంగా చేసుకొని పరిపాలిస్తున్న సమయంలో ఇక్కడ కాశీ విశాలాక్షి వీర చౌడేశ్వరీదేవి రూపంలో వెలసిందంటారు.  ఇక్కడి  అమ్మవారి రూపం పేరుకు తగ్గట్టే  వుంటుంది. ఈ తల్లిని సేవించినవారికి అన్నిరకాల భయాందోళనలు దూరమయి ధైర్యసాహసాలతో విలసిల్లుతారని ప్రతీతి. ధైర్యసాహసాలకు ప్రతీకగా నిలచిన ఆ దేవి తోజోవంతమైన రూపం చూసినవారి మనసులోని అన్ని భయాందోళనలూ పటాపంచలవుతాయి. ధైర్యసాహసాలేకాదు సకల సౌభాగ్యాలూ ప్రసాదించే తల్లి అన్నదానికి సంకేతం గా  అమ్మవారి ఒక చేతిలో ఖడ్గం, మరొక చేతిలో కుంకుమ భరణె వుంటాయి. ఇక్కడ ఉగాది మొదలుకుని ఆరు రోజులపాటు బ్రహ్మోత్సవాలు నిర్వహిస్తారు. నందవరం దత్తాత్రేయుని ఆలయ ప్రాంగణంలో ఉన్న అత్తిచెట్టకు పూజలు జరుగుతుంటాయి .  నందవరం కర్నూలు జిల్లాలోని నంద్యాల పట్టణానికి 20 కి.మీ. ల దూరంలో, పాణ్యం – బనగానపల్లె రోడ్డులో వున్నది. అతి పురాతనమైన ఈ ఆలయం 4 వేల సంవత్సరాల క్రితం నిర్మింపబడిందని చెబుతారు.    ఈ దేవి కాశీనుంచి సాక్ష్యం చెప్పటానికి వచ్చి ఇక్కడ వెలసిందని తెలియ జేసే కథనం ఒకటి ప్రచారం లో ఉంది . పూర్వం చంద్రవంశీయ రాజైన నంద భూపాలుడు ఈ ప్రాంతాన్ని పరిపాలిస్తూవుండేవాడు. నందభూపాలుడికి దైవభక్తి కూడా మెండు. ఆయన భక్తికి మెచ్చిన శ్రీ దత్తాత్రేయస్వామి రోజూ కాశీవెళ్ళి గంగలో స్నానం చెయ్యాలనే ఆయన కోర్కెను తీర్చటానికి పావుకోళ్ళను ప్రసాదించాడు. అయితే ఆ విషయం ఎవరికీ చెప్పకుండా రహస్యంగా వుంచమంటాడు. ఆ రాజు, రోజూ తెల్లవారుఝామునే ఆ పావుకోళ్ళు ధరించి మనోవేగంతో కాశీచేరి గంగలో స్నానమాచరించి, విశ్వనాధుణ్ణి, విశాలాక్షిని, అన్నపూర్ణని దర్శించి తిరిగి తెల్లవారేసరికి తన రాజ్యం చేరుకునేవాడు. కొంతకాలం ఇలా గడిచాక, నందభూపాలుడి భార్య శశిరేఖ తన భర్త రోజూ తెల్లవారుఝామునే ఎక్కడికో వెళ్ళివస్తూండటం గమనించి భర్తను అడుగుతుంది. తప్పనిసరి పరిస్ధితుల్లో శశిరేఖకు విషయం చెప్తాడు నందభూపాలుడు. ఆవిడ తనని కూడా కాశీ తీసుకువెళ్ళమని కోరుతుంది. ఆవిడ మాట కాదనలేక రాజు ఆ రోజు ఆవిడనికూడా కాశీ తీసుకువెళ్తాడు. తిరిగివచ్చు సమయానికి పావుకోళ్ళు పనిచేయవు. కారణం రాణీ శశిరేఖ బహిష్టుకావటం. తన రాజ్యానికి సత్వరం చేరకపోతే రాజ్యం అల్లకల్లోలమవుతుందనే భయంతో దిక్కుతోచని రాజు ఆ సమీపంలోనేవున్న ఆలయందగ్గరవున్న బ్రాహ్మణులను  చూసి వారిని తరుణోపాయం చూపమని వేడుకుంటాడు. అందులో ఋగ్వేద పండితుడయిన ఒక బ్రాహ్మణుడు రాజుకి సహాయంచెయ్యటానికి సంసిధ్ధతను తెలియజేస్తాడు. ఆయన తనతోటి వారిని ఇంకో 500 మంది పండితులనుకలుపుకుని, దోషనివారణార్ధం జపతపాలుచేసి, తమ తపోశక్తి వారికి ధారపోసి వారిని వారి రాజ్యానికి చేరుస్తారు. ప్రత్యుపకారంగా రాజు వారికేసహాయంకావాల్సివచ్చినా తప్పక చేస్తానని, వారు నిస్సంకోచంగా కోరవచ్చునని అనగా, ఆ బ్రాహ్మణులు భవిష్యత్ లో అవసరమైనప్పుడు తప్పక కోరుతామంటారు.  ఆ పాదుకలను, మంత్ర శక్తిని తిరిగి వాడకుండా దత్తాత్రేయ మందిరంలో వుంచి, తమ రాజ్యంలో సుఖంగా వుండసాగారు. కొంతకాలం తర్వాత కాశీ చుట్టుపక్కల ప్రాంతాల్లో కరువురాగా, నందభూపాలుని సహాయమర్ధించటానికి ఆ బ్రాహ్మణులలో కొందరు బయల్దేరుతారు. వారు నందవరంచేరి, రాజసభకువచ్చి తమ రాకకి కారణం చెబుతారు. రాజుకి అంతా తెలిసినా, తన తోటివారికి తెలియదు కనుక, వారికికూడా తెలియజేసే ఉద్దేశ్యంతో తానిచ్చిన వాగ్దానానికి ఋజువేమిటని అడుగుతాడు. బ్రాహ్మణులు రాజు వాగ్దానము చేసింది నిత్యం తాము కొలిచే చాముండేశ్వరీదేవి గుడి ముందు, ఆవిడ తప్ప వేరే సాక్ష్యంలేదనీ, ఆవిడనే నమ్ముకున్న తాము సాక్ష్యమిమ్మని ఆవిడని ప్రార్ధిస్తారు. అంతట  అమ్మ కరుణించి సాక్ష్యం చెప్పటానికి వచ్చి ఇక్కడ వెలసింది అంటారు. ఇక  చౌడేశ్వరీదేవి పేరు మీద  కర్ణాటక .. తెలంగాణ ప్రాంతాల్లో కూడా  కొన్ని దేవాలయాలు ఉన్నాయి. ...
  • ప్రకృతి అందాలకు నెలవైన గోదారమ్మకు ప్రభుత్వం పర్యాటక హంగులు అద్దుతోంది. దీంతో గోదావరి జల వినోదానికి కేంద్రంగా మారనుంది. పర్యాటకులను ఆకట్టుకునేందుకు జల విహారానికి తొలి ప్రాధాన్యం ఇస్తూ విదేశీ బోట్లను అందుబాటులో ఉంచుతోంది. ఇదివరకు రాకపోకలు, వేటకోసమే బోట్లు తిరిగేవి. సరుకు, ఇసుక రవాణా బోట్లూ ఉండేవి. ఈ సంఖ్య ఇప్పుడు తగ్గుతూ వస్తుంటే, దశాబ్దకాలం నుంచి గోదావరి విహారం బాగా పెరిగింది. అటు పాపికొండలను చూసేందుకు  వేలాది మంది పర్యాటకులు వస్తున్నారు. కోనసీమలో కొబ్బరి చెట్ల నడుమ గోదావరి విహారానికి ఎంతోమంది ఉవ్విళ్లూరుతున్నారు. అయితే ఈ విహారానికి వచ్చే వారిలో రెండు తెలుగురాష్ట్రాల వాళ్లే ఎక్కువ. ఇక నుంచి దేశవిదేశీ పర్యాటకులను ఆకర్షించే విధంగా ప్రభుత్వం ఏర్పాట్లను చేస్తోంది.  కోనసీమ విషయానికొస్తే.. రాజోలు మండలం సోంపల్లి నుంచి దిండి, అక్కడ నుంచి అంతర్వేదికి గోదావరి ప్రయాణం ఉంటుంది. దీనిని టూరిజం సర్క్యూట్‌గా ప్రకటించారు. పాశర్లపూడి నుంచి గోదావరి మీదుగా ఆదుర్రు, పాశర్లపూడి నుంచి అప్పనపల్లికి కూడా ఈహౌస్‌బోటు సర్క్యూట్‌ను ప్రకటించారు. త్వరలో  టెండర్లు పిలవనున్నారు. కేరళలో ఈ బోట్లను తయారు చేయించే ప్రయత్నాలు జరుగుతున్నాయి.   ఇప్పటికే టూరిజం శాఖ ఈ సర్క్యూట్‌ల గురించి విస్తృత ప్రచారం చేస్తోంది. కోనసీమ గోదావరి పాయల్లో సముద్రం నీరు, గోదావరి నీరు కలసి ఉంటుంది. బ్లాక్‌ వాటర్‌ ప్రాంతంగా దీనిని పిలుస్తారు. ఈ నీళ్లు చూడడానికి చాలా అందంగా, చల్లగా ఉంటాయి. పేరుకు బ్లాక్‌ వాటర్‌గా పిలుస్తున్నప్పటికీ, నీళ్లు తెలుపే. ఈ నీళ్లలో బోటు ప్రయాణం చాలా బావుంటుంది. కేరళలో ఇటువంటి ప్రాంతాల్లో బోటు పయనానికి మంచి డిమాండు ఉంది. ఈ బోట్లలో గదులు కూడా ఉంటాయి. బెడ్స్‌ ఉంటాయి. బోటు పైభాగంలో కుర్చీలతో కూర్చుకోవడానికి, కబుర్లు చెప్పుకోవడానికి కూడా సౌకర్యం ఉంటుంది. ఈ తరహా బోట్లు అందుబాటులోకి వస్తే గోదావరి విహారానికి డిమాండ్ పెరుగుతుంది.  ఇప్పటికే రంపచోడవరంలోని భూపతిపాలెం రిజర్వాయరు, రాజమహేంద్రవరం అఖండ గోదావరిలో బోటు షికారు ఊపందుకుంది. కానీ హౌస్‌బోట్లు లేవు. స్పీడ్‌ బోట్లతో వినోదం అందుబాటులో ఉంది. పాపికొండల పర్యటన ఎలానూ ఉంది. కోరంగి మడ అడవులు, దిండి ప్రాంతంలో కూడా బోటు షికారు ఉంది. హౌ్‌సబోట్‌ షికారు ప్రారంభమైన తర్వాత ఉభయగోదావరి జిల్లాల మధ్య గోదావరిలో జలవినోదం మరింత పెంచే ఆలోచనలో ప్రభుత్వం ఉంది. ధవళేశ్వరం నుంచి కడియపులంక వరకూ కూడా బోటు షికారు, అక్కడ కడియం నర్సరీలు చూపించి, మళ్లీ బోటులో ధవళేశ్వరం తీసుకొచ్చే ఆలోచన కూడా ఉంది. జొన్నాడ నుంచి కోటిపల్లి, యానాం వరకూ కూడా బోటు షికారు నిర్వహించనున్నారు. ప్రస్తుతం పాశర్లపూడి, దిండి వద్ద జెట్టీలు నిర్మించారు. పర్యాటకుల కోసం ప్రత్యేక సౌకర్యాలు కూడా ఏర్పాటు చేశారు. గోదావరిలో సరదగా కాసేపు విహారం చేసేందుకు పలు బోట్లు అందుబాటులో ఉన్నప్పటికీ, పర్యాటకులను మరింత ఆకట్టుకునేందుకు  ‘పున్‌టన్‌ లగ్జరీ బోటు’ ‘హాబీకయాక్‌’ అనే తెరచాపతో కూడిన ఫెడల్‌, తెడ్లు ఉన్న బోట్లను తీసుకొచ్చారు. 14మంది కూర్చుని వెళ్లేందుకు వీలుగా లగ్జరీ బోటు అందుబాటులో ఉంది. దీనిలో విహారంతోపాటు, పుట్టినరోజు వేడుకలు నిర్వహించుకునేందుకు అనుమతిస్తారు. తెరచాపతో కూడిన బోటులో నలుగురు విహారం చేయవచ్చు. ఇది యువతను ఆకర్షించేలా ఉంది. దీంట్లో ఒకరు ఫెడలింగ్‌, మరో ఇద్దరు తెడ్డు సహాయంతో ముందుకు నడపవచ్చు. దీనికి అదనంగా తెరచాప ఉంటుంది. ఈ బోట్లలో ప్రయాణికులతో పాటు శిక్షణ పొందిన నిర్వాహకుడు ఉంటారు. ప్రతి పర్యాటకునికి లైఫ్‌జాకెట్‌ తప్పనిసరిగా ఉంటుంది. ఇటీవల కాలంలో బోట్ ప్రమాదాలు జరుగుతున్నా నేపథ్యంలో పర్యాటక శాఖ మరిన్ని జాగ్రత్తలు తీసుకోవాల్సిన అవసరం ఎంతైనా ఉంది. ...
  • అచలేశ్వరుడు.. ఇది శివుని మరో రూపం. అన్ని శివాలయాల్లో ఇక్కడ ఉన్నట్లు శివలింగం ఉండదు. వలయాకారంగా సొరంగం, అందులో చేతికి అందేటంత పైకి నీళ్లుంటాయి, నీటికి పై భాగాన వలయాకారానికి లోపలి వైపుగా బొటన వేలి ఆకారం కనిపిస్తుంది. అది శివుని కాలి బొటనవేలు. పూజలు కూడా ఆ బొటనవేలి రూపానికే జరుగుతాయి. ఆరావళి పర్వత శ్రేణులు ఎక్కడికీ కదిలి పోకుండా ఉండడానికి శివుడు బొటనవేలితో అదిమి పట్టాడని అంటారు . చలన లక్షణం ఉన్న పర్వతాలను  చలించకుండా చేసినందుకు ఇక్కడ శివుడిని అచలేశ్వర మహాదేవుడు  అంటారు. శివుడి బొటన వేలు ఉన్న సొరంగం ఆ కొండల మీద నుంచి పాతాళం వరకు ఉందని, దానిని నీటితో నింపడానికి ఆరు నెలల కాలం పట్టిందని చెబుతారు.  అచలేశ్వర ఆలయాన్ని తొమ్మిదవ శతాబ్దంలో పారమార రాజవంశస్థులు నిర్మించారు. ఆలయానికి ఒక వైపు కొండ మీద గుహ కనిపిస్తుంటుంది. దానిని గోపీచంద్‌ గుహ అంటారు. రాజకుటుంబానికి చెందిన గోపీచంద్‌ సన్యసించి ఆ గుహలో ధ్యానం చేసేవాడంటారు. రాతి గేదెలున్న తటాకానికి పక్కనే ఓ కొండ, ఆ కొండ మీద ఒక కోట ఉంది. ఈ కోట పారమార రాజవంశం నుంచి 15వ శతాబ్దంలో మేవార్‌ రాజు మహారాణా కుంభా స్వాధీనంలోకి వచ్చింది. రాణా కుంభా ఈ కోటకు అచలేశ్వరమహాదేవ్‌ పేరు మీద అచల్‌ఘర్‌ అని పేరు పెట్టి మరిన్ని నిర్మాణాలు చేశారు, ఆ తర్వాత వచ్చిన మేవార్‌ రాజు రాణాసంగా కోటను పటిష్టం చేశాడు. ఇప్పుడది శిథిలావస్థకు చేరింది. ఆలయం, కోట ఉన్న ఆ ప్రదేశాన్ని అచల్‌గఢ్‌ అని పిలుస్తారు. మౌంట్‌ అబూ పట్టణానికి 11 కి.మీ.ల దూరంలో ఉంది అచల్‌గఢ్‌.  ఈ ప్రదేశం గురించి  పలు కథనాలు ప్రచారంలో ఉన్నాయి.  పూర్వం వశిష్ట మహాముని ఇక్కడ తపస్సు చేస్తున్న సమయంలో ఒక ఆవు ఆ సొరంగంలో చిక్కుకుపోయింది. దానిని బయటకు తీయడం మునికి సాధ్యం కాక శివుడిని ప్రార్థిస్తాడు. అప్పుడు శివుడు సహాయం కోసం సరస్వతి నదిని పంపిస్తాడు. ఆ నది పాయ నుంచి ప్రవహించిన నీటి ధాటితో ఆవు బయటపడింది. భవిష్యత్తులో ఇలాంటి విపత్తు మరొకసారి రాకుండా ఉండడానికి ఆ సొరంగాన్ని పూర్తిగా నింపమని కోరతాడు వశిష్టుడు. అప్పుడు హిమాలయాధీశ్వరుని కుమారుడు సహాయం చేశాడని చెబుతారు. ఈ ఆలయంలో పంచలోహాలతో చేసిన ఐదు టన్నుల బరువైన నంది విగ్రహం, దాని పక్కనే పిల్లవాడి రూపం ఉంటాయి. ఆ పిల్లవాడే హిమాలయాధీశ్వరుడి పుత్రుడని చెబుతారు. ఈ ఆలయం పక్కనే ఒక తటాకం ఉంది. దాని ఒడ్డున రాతి గేదెలు మూడు ఉంటాయి. అలాగే మరొ కథ కూడా ప్రచారంలో ఉంది. ఈ తటాకం పూర్వం నేతి తటాకం, కాగా ముగ్గురు రాక్షసులు గేదెల రూపంలో తటాకంలోకి దిగి నేతిని అపరిశుభ్రం చేసేవారని, ఆ రాజ్యాన్ని పాలిస్తున్న రాజు ఆ ముగ్గురు రాక్షసులను బాణాలతో సంహరించాడని చెబుతారు. దానికి ప్రతీకగా తటాకానికి ఒక ఒడ్డున రాతి గేదెలు, మరో ఒడ్డున రాజు శిలారూపాలున్నాయి. కాగా అబూ పట్టణంలో ఓంశాంతి బ్రహ్మకుమారీల ధ్యానకేంద్రం ఉంది. జ్ఞాన సరోవర్, పాండవ భవన్, పీస్‌ పార్క్, మ్యూజియం మొదలైనవి వాటి అనుబంధమైనవి. ఇక ప్రకృతి అందాలంటే సన్‌సెట్‌ పాయింట్, సన్‌రైజ్‌ పాయింట్, గురుశిఖర్, హనీమూన్‌ స్పాట్, నక్కి లేక్‌ ఉన్నాయి. మౌంట్‌ అబూకి సమీపంలో దిల్‌వారా జైన్‌ టెంపుల్‌. అర్బుదాదేవి ఆలయం, రఘునాథ్‌ దూలేశ్వర్‌ ఆలయం, టోడ్‌ రాక్, గోమఖ్‌ టెంపుల్, వ్యాసతీర్థం, నాగ తీర్థం, గౌతముని ఆశ్రమం, జమదగ్ని రుషి ఆశ్రమం వంటి అనేక అద్భుతాలున్నాయి. వీటిలో ప్రతి ఒక్క ప్రదేశానికీ దానికంటూ ప్రత్యేకమైన నేపథ్యం ఉంది. ఇది చారిత్రక యాత్ర మాత్రమే కాదు, సాహస యాత్ర కూడా. రాక్‌ క్లైంబింగ్, మౌంటెయిన్‌ బైకింగ్‌ కూడా చేయవచ్చు. పిల్లలతో వెళ్లిన వాళ్లకు వ్యాక్స్‌ మ్యూజియం, వైల్డ్‌లైఫ్‌ సాంక్చురీ, బర్డ్‌ సాంక్చురీ పెద్ద అట్రాక్షన్‌. మౌంట్‌ అబూ పర్యటనకు అక్టోబరు నుంచి మార్చి వరకు బాగుంటుంది. రెండు రోజులు ఉండేలా వెళ్తే అన్ని చూసి రావచ్చు.  ఇక్కడికి సమీప విమానాశ్రయం: ఉదయ్‌పూర్‌ 186 కి.మీలు. అహ్మదాబాద్‌ నుంచి 225 కి.మీ.లు. హైదరాబాద్‌ నుంచి ఉదయ్‌పూర్‌ కంటే అహ్మదాబాద్‌కి విమానసౌకర్యం ఎక్కువ. హైదరాబాద్‌ నుంచి ఉదయ్‌పూర్‌కి వెళ్లాలంటే ముంబైలో విమానం మారాల్సి ఉంటుంది. రైల్వేస్టేషన్‌: సమీప రైల్వేస్టేషన్‌ అబూ రోడ్‌. ఇక్కడి నుంచి మౌంట్‌ అబూకి 28 కి.మీ.లు రోడ్డు మార్గాన ప్రయాణించాలి. బికనీర్‌ ఎక్స్‌ప్రెస్‌లో 30 గంటల ప్రయాణం....
  • పశుపతినాథ్ దేవాలయం  ప్రపంచ ప్రఖ్యాతి గాంచిన శివాలయం. ఈ ఆలయం  నేపాల్ దేశ రాజధాని ఖాట్మండు నగరం ఈశాన్య దిక్కున బాగమతి నది ఒడ్డున ఉన్నది. ఈ ఆలయాన్ని  ప్రపంచంలోనే అతి పవిత్రమైన శైవ దేవాలయంగా హిందువులు భావిస్తారు. భారతదేశం, నేపాల్ నుండి భక్తులు ఈ దేవాలయాన్ని సందర్శిస్తారు. మహాశివరాత్రి రోజు అత్యంత పర్వదినం, వేల సంఖ్యలో భక్తులు పశుపతిని దర్శిస్తారు. ఈ దేవాలయంలోకి హిందువులు కాని వారిని అనుమతించరు. ఇక్కడి దేవాలయంలో ఉన్న మూల విరాట్టుని నలుగురు అర్చకులు మాత్రమే స్పృశించే అధికారం ఉన్నది. శంకరాచార్యులు ప్రారంభించిన ఆలయ సాంప్రదాయం ప్రకారం ఇక్కడి అర్చకులు దక్షిణ భారతదేశం నుండి నియమించ బడతారు. శంకరాచార్యులు ఇక్కడ  బలిని నిషేధించారు. దక్షిణ భారతదేశం నుండి అర్చకులు ఇక్కడ పూజలు నిర్వహించడానికి ప్రధాన కారణం నేపాల్ రాజు మరణించినప్పుడు నేపాల్  ప్రజలు సంతాపంలో ఉంటారు. ప్రజలకు పశుపతినాథ్ స్వామి నిత్యకైంకర్యాలు సమర్పించే అవకాశం ఉండదు, పశుపతినాథ్ కి నిత్యకైంకర్యాలు నిరంతంగా కొనసాగాలనే కారణం చేత భారతదేశార్చకులు ఇక్కడ అర్చకత్వం నిర్వహిస్తుంటారు. ఈ ఆలయం గురించి మరింత సమాచారం  వీడియో ద్వారా తెలుసుకుందాం. ...
  • బీచ్ లను మూసివేయడం ఏమిటనుకుంటున్నారా? నిజమే పర్యావరణంపై శ్రద్ధ ఉన్న దేశాలు ముందస్తు జాగ్రత్తలు తీసుకుంటున్నాయి. అలాంటి జరత్తలు తీసుకోవడంలో భాగం గానే  మాయ బీచ్ ను తాత్కాలికంగా మూసివేస్తున్నారు. ఆ విషయాలేమిటో తెలుసుకుందాం.  ప్రకృతి అందాలకు నెలవు థాయిలాండ్. అక్కడి  బీచ్‌ల అందాలు వర్ణించడం సాధ్యం కాదు. వాటిలో ప్రధానమైనది ‘మాయ బే’ బీచ్‌, పగడపు దీవులకు పెట్టింది పేరు. అండమాన్‌ సముద్రంలో ఫీఫీ లేహ్‌ ద్వీపంలో ఉన్న ఈ మాయా బే 2000 సంవత్సరంలో లియోనార్డో డి కాప్రియో నటించిన ‘ది బీచ్‌’ సినిమాతో ప్రపంచానికి పరిచయమైంది.అందంగా, ఆహ్లాదంగా ఉండే ఈ బీచ్‌కు ప్రయాణికుల తాకిడి ఎక్కువే. ప్రపంచం నలుమూలల నుంచి  పర్యాటకులు ఇక్కడికి వస్తుంటారు. అలాంటి ఈ బీచ్ ను మూడు నెలల పాటు మూసివేస్తున్నారు.  థాయ్‌లాండ్‌కు ప్రధాన పర్యాటక ఆదాయ వనరు ఈ  బీచ్.   ఉష్ణోగ్రతలు కూడా పెరుగడం , పర్యావరణానికి ముప్పు వాటిల్లే ప్రమాదం పొంచి ఉందని హెచ్చరికలు రావడం తో ప్రభుత్వం వెంటనే స్పందించి ‘అరుదైన ప్రకృతి సంపదను కాపాడుకోవడం  కోసం బీచ్ మూసివేత కు సిద్ధమైంది. ‘ మాయ బే ప్రకృతి అందానికే కాక స్పీడ్‌ బోటింగ్‌, ఫెర్రారి డ్రైవ్‌కు కూడా ప్రసిద్ధి చెందింది. అందువల్ల ఈ బీచ్‌ను సందర్శించడానికి రోజుకు దాదాపు 5000 మంది పర్యాటకులు వస్తుంటారు. అయితే ఈ మధ్య కాలంలో విపరీతమైన అధిక ఉష్ణోగ్రతలు నమోదు కావటంతో పగడపు దీవులు దెబ్బతిన్నాయి. అవి మళ్లీ మాములు పరిస్థితికి రావాలనే ఉద్ధేశంతో 2018, జూన్‌ 1 నుంచి సెప్టెంబర్‌ 30 వరకు దాదాపు మూడు నెలల పాటు బీచ్‌ని మూసివేస్తున్నారు.  అంతేకాక పడవలు తిరగకుండా  నిషేధం విధించారు . దక్షిణాసియాలో దేశాదాయంలో 12శాతం ఆదాయాన్ని కేవలం పర్యాటకం మీదే పొందుతున్న రెండవ దేశంగా థాయ్‌లాండ్‌ గుర్తింపు పొందింది. పర్యాటకుల తాకిడి ఎక్కువ కావడం వల్ల ఆ ప్రభావం కాస్తా పర్యావరణం మీద పడింది. 2015లో సైన్స్‌ మేగజీన్‌ నివేదిక ప్రకారం ప్రపంచవ్యాప్తంగా అధిక మొత్తంలో సముద్ర వ్యర్థాల ఉత్పత్తి చేస్తున్న దేశాల జాబితాలో థాయ్‌లాండ్‌ కూడా ఉందని, దానివల్ల వన్యప్రాణులకు హానీ వాటిల్లుతుందని హెచ్చరించింది. ఈ హెచ్చరికల నేపథ్యంలో పర్యావరాణాన్ని కాపాడుకోవాలనే ఉద్ధేశంతో థాయ్‌లాండ్‌ ప్రభుత్వం ఈ సంవత్సరం నుంచి దేశవ్యాప్తంగా ఉన్న 24 బీచుల్లో పొగ తాగటాన్ని, వ్యర్థాలు పడేయడాన్ని నిషేధించింది. ...
  • మాల్యాద్రిగా పిలిచే మాలకొండలోని శ్రీ లక్ష్మీ నరసింహస్వామి ఆలయానికి ఒక విశిష్టత ఉంది. వారానికి ఒక రోజు, కేవలం శనివారం మాత్రమే ఈ ఆలయాన్ని తెరుస్తారు. గుహలలో ఒక రాతిపై  కొలువై లక్ష్మీ నృసింహుడు భక్తులకు దర్శనం ఇస్తాడు.  ఈ ఆలయం   ప్రకాశం జిల్లా, వలేటివారి పాలెం మండలంలో ఉంది.  మాలకొండ పై వెలసిన శ్రీ జ్వాలా నరసింహస్వామి ని  దర్శించి అనంతరం  అలిగిన చెలి అలక తీర్చి దేవేరితో సహా కొండపై కొలువున్న శ్రీ లక్ష్మీ నరసింహస్వామి ని చూడవచ్చు. రెండు  ఆలయాలు ఈ కొండపై ఉన్నాయి.  ఈ కొండకి పడమర దిక్కున అహోబిలం, వాయవ్య దిక్కులో శ్రీశైలం, దక్షిణ దిక్కులో వృషాచల క్షేత్రం, తూర్పు దిక్కులో శింగరాయకొండ .. ఇవ్వన్ని మాల ఆకారంలో అమరి వుండటంతో ఈ కొండని మాలాద్రి అని పిలుస్తారు.   శ్రీ మహావిష్ణువు  తమ భక్తురాలయిన వనమాలను తమ విహారార్ధం భూలోకంలో ఒక కొండని సృష్టించమంటే, ఆ భక్తురాలు ఆ జగజ్జననీ  తానే కొండగా మారిందనీ, అందుకే మాలాద్రి అంటారనీ మరో కథ ప్రచారం లో ఉంది .  పది చదరపు మైళ్ళ విస్తీర్ణతతో కొన్ని గుహలు, రాళ్ళు ఏ ఆధారము లేకుండా వ్యాపించి వుండటం చూస్తే ఇది దైవ నిర్మితమనిపిస్తుంది. రెండు మూడు వందలమంది విశ్రాంతి తీసుకునేందుకు వీలుగా గొడుగు ఆకారంలో బండలు, గుహలు ఇక్కడ చాలా చూడవచ్చు.  అంతటి అందమైన ప్రదేశంలో లక్ష్మీ సమేతంగా శ్రీమన్నారాయణుడు నరసింహ రూపంలో విహరించసాగాడు. ఇక్కడ పూర్వం స్వామితో వున్న లక్ష్మీదేవి ఒకసారి స్వామి మీద అలిగి కొండపైకి వెళ్ళిందట.  వెళ్ళేదోవలో పెద్ద బండరాయి అడ్డుగా వున్నది.  దేవి ఆగ్రహానికి ఆ బండ పగిలి, పెద్ద చీలికలా ఏర్పడి, అమ్మవారు కొండమీదకి వెళ్ళటానికి త్రోవ ఇచ్చిందిట.  ఇప్పటికీ లక్ష్మీ సమేత నరసింహస్వామిని దర్శించాలంటే ఆ త్రోవలో కొండపైకి  దాదాపు 200 మెట్లు ఎక్కి వెళ్ళాల్సిందే.  బండ చీలికలా ఏర్పడితే వచ్చిన త్రోవగనుక కొంత ఇరుకుగా వుంటుంది.  ఆ త్రోవను చూస్తే స్ధూలకాయులు వెళ్ళలేరనిపిస్తుందిగానీ, వారుకూడా ఏ ఇబ్బందీ లేకుండా సులభంగా వెళ్ళవచ్చు. అదే ఇక్కడి అద్భుతమంటారు.   ప్రకాశం జిల్లా కేంద్రమైన  ఒంగోలుకు 77 కి.మీ., కందుకూరు నుంచి 34 కి.మీ. దూరంలో ఈ మాలకొండ ఉంది. బస్సు సౌకర్యం ఉంది. వసతి ,భోజనం సదుపాయాలు ఉన్నాయి. ...
  • పంచభూత స్థలాల్లో అగ్ని స్థలమైన తిరువణ్ణామలై అరుణాచలేశ్వరాలయానికి పౌర్ణమి రోజున లక్షలాది మంది భక్తులు వచ్చి గిరి ప్రదక్షిణ చేస్తుంటారు. ఈ ఏడాది  రాబోయే  పౌర్ణమి రోజుల్లో గిరి ప్రదక్షిణ కు అనుకూల సమయాలు. మార్చి30 (శుక్రవారం) రాత్రి 7.16 గంటల నుంచి మరుసటి రోజు (శనివారం) సాయంత్రం 6.19 గంటలు  ఏప్రిల్‌ 29 (ఆదివారం) ఉదయం 7.05 గంటల నుంచి మరుసటి రోజు (సోమవారం) ఉదయం 6.50 గంటలు మే 28 (సోమవారం) రాత్రి 7.37 గంటల నుంచి మరుసటి రోజు (మంగళవారం) రాత్రి 8.30 గంటలు  జూన్‌ 27 (బుధవారం) ఉదయం 9.35 గంటల నుంచి మరుసటి రోజు (గురువారం) ఉదయం 10.20 గంటలు జూలై 26 (గురువారం) అర్ధరాత్రి 12.20 గంటల నుంచి మరుసటి రోజు (శుక్రవారం) వేకువజామున 2.25 గంటలు  ఆగస్టు 25 (శనివారం) సాయంత్రం 4.05 గంటల నుంచి మరుసటి రోజు (ఆదివారం) సాయంత్రం 5.40 గంటలు సెప్టెంబరు 24 (సోమవారం) ఉదయం 8.02 గంటల నుంచి మరుసటి రోజు (మంగళవారం) ఉదయం 8.45 గంటలు అక్టోబర్‌ 23 (మంగళవారం) రాత్రి 10.45 గంటల నుంచి మరుసటి రోజు (బుధవారం) రాత్రి 10.50 గంటలు  నవంబర్‌ 22 (గురువారం) మధ్యాహ్నం 12.45 గంటల నుంచి మరుసటి రోజు (శుక్రవారం) మధ్యాహ్నం 12.02 గంటలు డిసెంబర్‌ 22 (శనివారం) ఉదయం 10.45 గంటల నుంచి మరుసటి రోజు (ఆదివారం) ఉదయం 8.30 గంటల వరకు....
  • హిందువుల పవిత్ర దేవాలయం వైష్ణో దేవి ఆలయం  కాట్రా  లోని త్రికూట పర్వతాల పై సుమారు 1700 అడుగుల ఎత్తున ఉంది.  కాట్రా  పట్టణానికి జమ్మూ సుమారు 46 కి.మీ. ల దూరం లో వుంటుంది.  ఈ ఆలయం ఒక గుహలో ఉంటుంది . త్రికూట పర్వత గుహలో ఉన్న  వైష్ణో దేవి   ఆలయం ఎన్ని ఏళ్ళు క్రితందో ఆధారాలు లేవు. భూగర్భ శాస్త్రవేత్తల పరిశోధనలో ఈ ఆలయం వున్న గుహ ఒక మిలియన్ సంవత్సరాల పూర్వంనుంచి వున్నదని కనుగొన్నారు. ప్రప్రధమంగా పాండవులకాలంలోనే ఇక్కడ శక్తి పూజలు ప్రారంభం అయ్యాయని అంటారు.  ఈ గుహ సుమారు 30 మీ. ల పొడవు, 1.5 మీ. ల ఎత్తు వుంటుంది. స్థానికుల కధనం మేరకు ఈ గుహలో అమ్మవారు కొంత కాలం  దాగి  ఒక రాక్షసుడిని ఆ తర్వాత వధించిందని  చెబుతారు.  ఈ క్షేత్ర ప్రధాన ఆకర్షణ  వైష్ణో దేవి మూడు రూపాలు. అవి జనన మరణాలు ప్రసాదించే మహాకాళి, జ్ఞానాన్ని ఇచ్చే మహాసరస్వతి, ఐశ్వర్యాన్ని, అదృష్టాన్ని ఇచ్చే మహాలక్ష్మి . ఈ గుడి ని శ్రీ మాతా వైష్ణో దేవి దేవాలయ బోర్డు నిర్వహిస్తుంటూ వుంటుంది. ప్రతి సంవత్సరం, సుమారు 8 మిలియన్ల భక్తులు దేశ వ్యాప్తంగా వైష్ణో దేవి ని సందర్శిస్తారు.  వైష్ణోదేవిని చూడాలనుకునేవారు ఈ ప్రదేశానికి కొంత కాలినడక ప్రయాణం చేయాల్సివుంటుంది. సంవత్సరం పొడుగునా అశేష సంఖ్యలో వస్తుంటారు.  ఆ దేవిని దర్శించినవరెవరూ తమ కోరికలు తీరకుండా రిక్త హస్తాలతో వెను తిరగరని భక్తుల ప్రగాఢ విశ్వాసం. పర్యాటకుల సంఖ్య ఎక్కువగా ఉండటం తో  వైష్ణోదేవి క్షేత్రానికి రోజుకు 50 వేల మందికి మాత్రమే అనుమతించాలని జాతీయ హరిత ట్రైబ్యునల్‌(ఎన్‌జీటీ)  ఆదేశాలిచ్చింది. ఈనెల 24 నుంచి కొత్త మార్గం ప్రారంభమవుతుండగా..  అందులో పాదచారులకు, బ్యాటరీ కార్లకు మాత్రమే అనుమతించాలని స్పష్టం చేసింది.రహదారులపై చెత్తను పడవేసేవారికి రూ. 2 వేల జరిమానా విధించాలని - ఛైర్‌పర్సన్‌ జస్టిస్‌ స్వతంతర్‌ కుమార్‌ నేతృత్వంలో ఎన్‌జీటీ ధర్మాసనం నిర్దేశించింది.  ప్రభుత్వం ఈ ఆదేశాలను పాటిస్తే ప్రమాదాలు తగ్గుతాయి. పర్యావరణం కూడా భేషుగ్గా ఉంటుంది.  వీడియో చూడండి. ...
  • నాగార్జున సాగర్  నుంచి   శ్రీశైలం వరకు బోట్ షికారు చేయాలని ఉందా ? పచ్చని ప్రకృతి సోయగాలు.. కనుచూపు మేర అందమైన కొండలు.. జాలువారే జలపాతాలు.. సుందరమైన, అహ్లాదకర ప్రదేశాలు.. చిక్కని చెట్ల మధ్య సూర్యాస్తమయం... సంగీతాన్ని మైమరిపించే నీటి గలగలలు  మధ్య కృష్ణమ్మ ప్రవాహం.. అందునా లాంచీ ప్రయాణం.. వింటేనే మనసు పులకరించిపోతుంది కదూ.. పాపికొండలను తలదన్నే రీతిలో సాగర్‌ నుంచి శ్రీశైలం లాంచీ ప్రయాణాన్ని పర్యాటకులకు అందించడానికి తెలంగాణ పర్యాటక శాఖ శ్రీకారం చుట్టింది.  ఈ లాంచీ ప్రయాణం 110 కిలోమీటర్ల దూరం. నల్లమల అటవీ ప్రాంతంలో ఎత్తైన కొండల నడుమ, నిర్మలమైన కృష్ణమ్మ ఒడిలో, దాదాపు 20మలుపులు తిరుగుతూ పక్షుల కిలకిలలు, జలపాతాల గలగలలు, వందలాది మీటర్ల ఎత్తెన పచ్చటి గట్ల నడుమ, కృష్ణమ్మ ఒడిలో తమ జీవనాన్ని వెళ్లదీసుకునే మత్స్యకారుల వేట మధ్య నుంచి 5 గంటల పాటు  లాంచీ ప్రయాణం సాగుతుంది. యాత్రలోభాగంగా శ్రీశైల మల్లికార్జునస్వామి, భ్రమరాంబాదేవి దర్శన భాగ్యాన్ని కల్పించనున్నారు. సాధారణంగా నీటిపై ప్రయాణం అనగానే ప్రతి ఒక్కరికి గుర్తుకు వచ్చేది పాపికొండల పర్యటన. కానీ, ఆ టూర్‌ని మైమరిపించే రీతిలో తెలంగాణ లాంచీ ప్రయాణం సాగర్‌ నుంచి శ్రీశైలానికి ఐదు గంటలపాటు నడుస్తుంది. నాగార్జునసాగర్‌ లాంచీస్టేషన్‌ నుంచి నాగార్జునకొండ, దిండి ప్రాజెక్టు, జెండాపెంట, నక్కంటివాగు, పావురాలప్లేట్‌, ఎస్‌ టర్నింగ్‌, ఖయ్యాం, ఆలాటం, ఇనుపరాయకొండ, వజ్రాలమడుగు, సపోర్ట్‌డ్యాం మీదుగా లాంచి లింగాలగట్టుకు చేరుకుంటుంది.  నవంబర్ 1 నుంచి  లాంచీ సర్వీసులు మొదలవుతాయి. నాగార్జునసాగర్‌ నుంచి శ్రీశైలానికి లాంచీ ప్రయాణం 3000  మాత్రమే ... అదే హైదరాబాద్ నుంచి అయితే  3800 ఉంటుంది. వివరాలకు తెలంగాణా పర్యాటక శాఖను సంప్రదించండి.   phone no....    9848540371... 9848126947...
  • సాంకేతికపరంగా ఎంతో అభివృద్ధిని సాధించామని గొప్పలు చెప్పుకుంటున్న  మనకు ఈనాటికి జవాబులు దొరకని చిక్కు ప్రశ్నలు, మిస్టరీలు  ఎన్నో ఉన్నాయి .  ఎన్నో వేల ఏళ్ళ క్రితం  నిర్మించిన ఆలయాలు  ఈ నాటికి  సైంటిఫిక్ గా తేల్చలేని ఎన్నో రహస్యాలను కలిగి ఉన్నాయి.   వాటిలో ఒకటి...  బుద్ధ నీలకంఠ ఆలయం....  ఈ పేరు విని ఇదేదో బుద్ధుని ఆలయం అనుకుంటే పొరపాటే. అది సాక్షాత్తూ శ్రీ మహా విష్ణు ఆలయం. మరి బుద్ధ నీలకంఠ అనగా పురాతన నీలపు రంగు కలిగిన విగ్రహమూర్తి అని అర్ధం. ఇది నేపాల్ లో వుంది.ఈ ఆలయంలోని శ్రీ మహా విష్ణువు ఆదిశేషునిపైన శయనించివున్న మూర్తిగా మనకు దర్శనం ఇస్తాడు.ఇక ఈ విగ్రహ మూర్తి 5మీటర్ల పొడవు వుంటుంది.  సహజంగా విష్ణుమూర్తి మనకు శయన మూర్తిగా దర్శనం ఇస్తాడు. కానీ ఇక్కడ మాత్రం వెల్లకిలాపడుకుని యోగ నిద్రలో ఉన్నట్టు దర్శనమిస్తాడు.  స్వామి. మరో ప్రత్యేకత ఏమిటంటే  ఈ  భారీవిగ్రహం నీటిలో తే లుతూ వుంటుంది.  భక్తులతోపాటు వైజ్ఞానిక వేత్తలు, పరిశోధకులకు  విశేషంగా ఆకట్టుకున్న ఈ విగ్రహం దాదాపు 1300 సం ల ముందునుండే  నీటిలో తేలియాడుతూ  ఉందట.   ఈ విశేషాలు గురించి మరింత తెలుసుకోవాలంటే  ఈ వీడియో  చూడండి. ...