Latest News
రాజ‌కీయం
  •  (Siva Racharla) ........       మనిషిలో లోతుగా కూరుకు పోయిన ధర్మం ఒక్కటే "అహం".ప్రతి పురుగును కదిలించే నిజం ఒక్కటే ఆకలి.తపించే ఆత్మనల్లా శాసించే శక్తి ఒక్కటే "ఆశ".ఆశ ముసిరినప్పుడు "ఆలోచన" మసక బారుతుంది.నీతి నిజాయితీలు కొలిమిలో కొవ్వొత్తుల్లా కాలిపోతాయి -- ప్రస్తానం సినిమాలో సాయికుమార్ శర్వానందుతో చెప్పే confession statement. శవాల పుట్టుమచ్చలు చూసి హతుడిని గుర్తుపెట్టొచ్చు కాని కత్తిగాటును చూసి హంతకుడిని గుర్తించలేము! 45 సంవత్సరాల క్రిందట 1972లో మొదలై 1991 వరకు జరిగిన విజయవాడ హత్యా రాజకీయల్లొ హీరోలు విలన్ల గురించి కాదు ఈపోస్టు. దేవినేని నెహ్రు మరణం తరువాత విజయవాడ రాజకీయల మీద పెద్దగా ప్రచారంలేని ముఖ్యమైన రాజకీయ శక్తుల గురించి రాయటానికే ఈ పోస్టు. ఈమధ్య రాంగోపాల్ వర్మా "వంగవీటి" సినిమా తరువాత "చలసాని వెంకటరత్నం" అనే CPI నాయకుడి గురించి ఎక్కువ మందికి తెలిసింది. విజయవాడ రాజకీయాలు 1964 వరకు ప్రశాంతంగా జరిగాయి. కమ్యునిష్ట్ పెద్దనాయకులు పుచ్చల పల్లి సుందరయ్యగారు (నెల్లూరు జిల్లా వారైనా గన్నవరం MLAగా పనిచేశారు,చనిపోయిన తరువాత అంత్యక్రియలు కూడ విజయవాడలోనే జరిగాయి) , చండ్ర రాజేశ్వర రావుగారు ఇద్దరు విజయవాడ కేంద్రంగా పనిచేసేవారు.1964లో CPI నుంచి CPM విడిపోయిన తరువాత సుందరయ్యగారు CPM జాతీయ కార్యదర్శిగా,చండ్రా రాజేశ్వర రావుగారు CPI జాతీయ కార్యదర్శిగా ఎన్నికయ్యారు. పీపుల్స్ వార్ వ్యవస్థాపకులు "కొండపల్లి సీతారమయ్య"గారు కూడ కృష్ణా జిల్లా పామర్రు ప్రాంతం వారు. కమ్యునిష్ట్ పార్టీ చీలిక తరువాత విజయవాడ సిటీలో CPI,జిల్లాలో మిగిలిన ప్రాంతాలలో CPM బలపడ్డాయి. 1966లో విజయవాడ "industrial estate/ఆటోనగర్" ఏర్పడిన తరువాత కార్మిక సంఘాల నిర్మాణం,బలం పెరిగాయి. విజయవాడలొ CPI నాయకుడు చలసాని వెంకటరత్నం పట్టు ఎక్కువ వుండేది. ఆటోనగర్ అభివృద్ది చెందుతుండటంతో పాటు చుట్టు పక్కల గ్రామాల నుంచి విజయవాడకు వలసలు జరిగాయి.ఈక్రమంలో వంగవీటి రాధ కృష్ణా రావు(పెద్ద రాధ) కుటుంబం విజయవాడకు వలస వచ్చారు. వంగవీటి సోదరులు కోటేశ్వర రావ్,నారాయణ రావ్,రాధ,శోభనా చలపతిరావు, మోహన రంగా రావు(రంగా) సోదరులు వివిధ పనులు చేసుకుంటు జీవించే క్రమంలో రాధ బస్టాండ్ సెంటర్లో నాయకుడిగా ఎదిగారు.చలసాని వెంకటరత్నంకు వంగవీటి రాధ దగ్గర కావటంతో రాధ సిటి లెవల్ నాయకుడయ్యాడు. సినిమాల్లొ చూపించినవి వాస్తవంలో జరిగిన సంఘటనల మధ్య చాలా తేడా వుంది.రాధా స్వయంగా నాయకుడిగా ఎదిగే క్రమంలో చలసాని వర్గంతొ గొడవలు మొదలయ్యాయి. 1971లొ ఈగోడవల్లొ రాధ వర్గం చలసాని వర్గానికి చెందిన "దత్తి కనకారావ్" అనే అతన్ని చంపేశారు.విజయవాడ హత్యా రాజకీయాల్లొ ఇది మొదటి హత్య,వర్మా వంగవీటి సినిమాలో ఈ సీన్ లేదు. దత్తి కనకారావ్ హత్యకు ప్రతీకారంగా చలసాని వర్గం రాధా వర్గానికి చెందిన దుర్గా రావ్,హనుమంతారావు అనే ఇద్దరిని చంపారు. చలసాని వర్గం ప్రతీకార హత్యలతో రాధా వర్గం భయపడింది. వీరి అస్తిత్వతం చిక్కుల్లో పడింది.చలసాని చంపకుంటే మేము బతకలేము అని 1972లో చలసాని వెంకటరత్నాన్ని రాధా వర్గం చంపింది.చలసాని వంటి మీద 72 కత్తి పోట్లు వున్నట్లు పోస్టుమార్టం రిపోర్టులో వుంది. చలసాని హత్యతో విజయవాడలోని కార్మిక సంఘాల మీద రాధ ఆదిపత్యం పెరిగిపోయింది. 1969లో మొదలైన "తెలంగాణ" ఉద్యమం,తరువాత మొదలైన "జై ఆంధ్రా" ఉద్యమం 1972 వరకు సాగింది.CPI & CPM జై ఆంధ్రా ఉద్యమాన్ని వ్యతిరేకించి "విశాలంద్ర" ఉద్యమాన్ని మద్దతు ఇచ్చాయి. విధ్యార్ధిగా వున్న దేవినేని నెహ్రు జై ఆంధ్రా ఉద్యమంలొ పాల్గొనేవారు. ఈక్రమంలో కమ్యునిష్ట్ విధ్యార్ధి సంఘాలకు ఇతర సంఘాలకు గొడవలు జరిగాయి,దేవినేని నెహ్రు కూడ చాలాసార్లు దాడికి గురయ్యాడు. ఈక్రమంలో నెహ్రు రాధా మద్దతు కోసం ఆయన వర్గంలో చేరి రాధాకు అనుకూలంగా విధ్యార్ధి సంఘం United Organization of Independents (UI)ని ప్రారంభించారు. చలసాని హత్యకు ప్రతీకారంగా 1974లో రాధా హత్య జరిగింది.ఈ హత్య వెనుక CPI హస్తం వుందని ఆరోపణ.హత్య చేసింది కిరాయి హంతకులు.హత్య జరిగింది రాధా వర్గంలోని "నాగెళ్ళ శివరామప్రసాద్" షాపులో.ఆషాపు ప్రారంభోత్సవానికి వచ్చిన వంగవీటి రాధాను షట్టర్లు వేసి కత్తులతో పొడిచి చంపారు. ఊహించని పరిణామం,అందరు రాధా వర్గీయులే కావటంతో గందరగోళం మధ్య ఎవరిని ఎవరు పొడుస్తున్నారో తెలియని స్థితిలో మొత్తం ఆరుగురు మరణించారు. ఆ హత్యకు దేవినేని నెహ్రు ప్రత్యక్ష సాక్షి.నెహ్రు సాక్ష్యంతో రాధా హంతకులకు యావజ్జీవ శిక్ష పడింది.తరువాత High Courtలో కేసు కొట్టేశారు. రాధా హత్య కేసులో నిందితులు అడుసుమల్లి జయప్రకాష్ 1983లో TDP తరుపున విజయవాడ నుంచి MLAగా గెలిచారు. మొన్న సమైఖ్యాంద్ర ఉద్యమం సమయంలో సుప్రిం కోర్టులో కేసులు వేశారు.ఇదే 1983లో దేవినేని నెహ్రు కూడ MLAగా (TDP) తరుపున కంకిపాడు నుంచి గెలిచా రు. రాధా హత్య కేసులొ మరో నిందితుడు,హత్య జరిగిన షాప్ యజమాని "నాగెళ్ళ శివరామప్రసాద్" 1989లో వంగవీటి రత్నకుమారి మీద TDP తరుపున పోటిచేసి ఓడిపోయారు. రాధా హత్య కేసును నిందితుల తరుపున "నాదెండ్ల భాస్కర రావు"గారు వాదించారు.1978లో తెనాలి ప్రాంతం వారైన నాదెండ్లగారు విజయవాడ నుంచే ఇందిరా కాంగ్రేసు తరుపున గెలవటం యాదృచ్చికం కాదు.1983లో TDP తరుపున వేమూరు నుంచి పోటిచేశారు. రాధా హత్య కేసులో నిందితుడైన "వజ్జా సుబ్బారవు" TDP పుట్టక ముందు NTRతో ఒక సినిమా నిర్మించారని దేవినేని నెహ్రు ఒక ఇంటర్యూలో చెప్పారు. రాధా హత్య తరువాత రంగాగారు కొంత కాలం తరువాత విజయవాడకు దూరంగా మచిలీపట్నం,వైజాగ్లలో వున్నారు. కొన్ని నెలల తరువాత రాధా వర్గంలోని కొందరు రంగాను కలిసి చర్చించి విజయవాడకు వెనక్కి తీసుకొచ్చారు.రంగా రాకతో విజయవాడలో మళ్ళి ఘర్షణలు మొదలయ్యాయి.మరో వైపు దేవినేని నెహ్రు విధ్యార్ధి సంఘాల మద్దతుతో బలపడ్డారు. నెహ్రు బలం పెరగటం కొత్త అనుచరులు తయారు కావటం రంగా వర్గంలోని కొందరిని కొట్టటంతో రంగా నెహ్రూల మధ్య మనస్పర్ధలు మొదలయ్యాయి. 1978లో ప్రవేట్ బస్సుల జాతీయకరణ ఉద్యమం నెహ్రు,CPI సుబ్బరాజు (1994లో MLAగా గెలిచారు),CPM ఉమామహేశ్వర రావ్(విజయవాడ డిప్యూటి మేయర్గా పనిచేశారు) జాయింట్ కమిటీగా ఉద్యమం చేశారు. ఈ ఉద్యమం చివరి దశలో అప్పటి మంత్రి భవనం వెంకటరాం గారు రంగాను కలిసి ఉద్యమం ఆపవల్సిందిగా కోరారు.రంగా నెహ్రూను ఉద్యమం ఆపమని చెప్పటం,ఇంత కాలం పోరాడి చివరి దశలో ఉద్యమం ఆపలేమని చెప్పటంతో రంగా నెహ్రూల మధ్య స్పష్టమైన చీలిక వచ్చింది. ఈ గొడవలు చిలికి చిలికి నెహ్రు సొంతంగా కొత్త విధ్యార్ధి సంఘం United Students Organizationను 1979లో మొదలు పెట్టటంతో రంగా నెహ్రూల మధ్య ప్రత్యక్ష గొడవలు మొదలయ్యాయి. రంగా,నెహ్రూల మధ్య గొడవలు పెరిగి చివరికి 1979లొ జరిగిన ITI కాలేజి ఎన్నికల్లో దేవినేని నెహ్రు అన్న "గాంధి"ని రంగా వర్గం చంపింధి. గాంధి హత్యతో రంగా నెహ్రుల మధ్య హత్యా రాజకీయాలు మొదలయ్యాయి. గాంధి హత్యకు ప్రతీకారం కోసం నెహ్రు తమ్ముడు మురళి రగిలిపోయాడు.గాంధి హత్య కేసులో నిందితులను చాలా మంధిని మురళి చంపేశాడు. 1981లో జరిగిన విజయవాడ మున్సిపల్ ఎన్నికల్లొ రంగా కాంగ్రేస్ టికెట్టు కోసం ప్రయత్నించినా కాంగ్రేసు "శ్రీనివాస్ రావు" అనే నాయకుడికి టికెట్టు ఇచ్చింది.రంగా ఇండిపెండెంటుగా పొటికి దిగారు.పోలింగుకు ముందు కాంగ్రేస్ తమ అభ్యర్ధిని పక్కనపెట్టి రంగాకు మద్దతు ప్రకటించింది.రంగా గెలిచారు, ఆఎన్నికల్లో రంగా గుర్తు "సైకిల్"! కౌన్సిలరుగా గెలిచిన తరువాత రంగా కాంగ్రేసులొ చేరారు. ఇంతలో తెలుగుదేశం ఏర్పడటం,విజయవాడ MLAగా వున్న నాదెండ్ల భాస్కర రావ్ దేవినేని నెహ్రూను NTRకు పరిచయం చెయ్యటం ,నెహ్రు 1983లో MLAగా గెలవటం చక చకా జరిగిపోయాయి. నెహ్రు MLAగా గెలవటంతో రంగా వర్గం మీద దాడులు పెరిగాయి. మురళి దూకుడు ఎక్కువైంది.చివరికి రంగా ఇంటికి ఫోన్ చేసి రంగా భార్యను దూషించే స్థాయికి మురళి వెళ్ళాడు. 1985లొ జరిగిన ఎన్నికల్లో రంగాకు విజయవాడ తూర్పు స్థానం నుంచి కాంగ్రేసు తరుపున తొలిసారి MLA అయ్యారు.ఈ ఎన్నికల్లో TDP తరుపున లయోలా కాలేజి లెక్చరర్ యార్లగడ్డ రాజగోపాల్ గారికి సీట్ ఇచ్చారు. రంగా MLAగా గెలవటంతో విజయవాడ సిటీలో ఉదృతంగా పనిచేయటం మొదలుపెట్టారు.రంగా నాయకత్వ లక్షణాలతో ప్రజల్లొ విపరీతమైన following వచ్చింది.అధికార పార్టీలో వుండటంతో నెహ్రు ప్రజాల సమయల మీద స్పందించే పరిస్థితిలేకుండా పోయింది.ఏనాయకుడైనా ప్రతిపక్షంలోనే ఉన్నప్పుడే ప్రజా నాయకుడిగా ఎదుగుతారన్నది రంగా ,YSR విషయంలో నిజమైంది. 1987లో రంగా తన అన్న రాధా కథతో దవళ సత్యంగారి దర్శకత్వంలో "చైతన్య రధం" అనే సినిమాను తీశారు.ఈ సినిమాలో రాధా హత్య సీన్ చూసి చాలా మంది ఎమోషనలుగా స్పందించారు. దళపతి సినిమాలో మమ్మూటి మర్డర్ సీన్ వాస్తవంలో రాధ హత్య సీన్. ఈ చైతన్యరధం కథ నుంచి శివ,గాయం,దళపతి వచ్చాయి. చైతన్యరధం తమిళంలో కూడ dub చేశారు. ఈ చైతన్య రధం సినిమా నెగటీవ్ కాని ప్రింట్లు కాని ఇప్పుడు లేవంట.అప్పటి ప్రభుత్వమే ప్రింటలన్ని కొని కాల్చివేసిందని దవళ సత్యం గారు ఒక ఇంటర్యూలో చెప్పారు. దాదాపు ఇదే సమయంలో మిరియాల వెంకటరావుగారి నాయకత్వంలో "కాపునాడు" మొదలైంది. చైతన్యరధం సినిమా విజయోత్సవం యాత్ర విజయవాడ నుంచు రాజమండ్రి వరకు గోదావరి జిల్లాలో విస్త్రుతంగా జరిగింది.రంగా ప్రతి ఊర్లో ర్యాలీలు,సభలు పెట్టారు. విజయవాడలో జరిగిన సభలూ సుమారు 5 లక్షల మంది హాజరయ్యారు.అంతకు ముందు విజయవాడలో జరిగిన మహనాడు కన్నా రంగా సభా భారి విజయవంతం అయ్యింది. రంగా హవా కోస్తా దాటి తెలంగాణాకు కూడ పాకింది.ఖమ్మంలో జరిగిన సభ అంతకు ముందు అక్కడ జరిగిన పార్టీల సభల కన్నా ఎక్కువ విజయవంతం అయ్యింది. రంగా ఊపు చూస్తే 1989 ఎన్నికల్లో తెలుగుదేశం ఓటమి ఖాయం అనే అభిప్రాయం వచ్చింది.రంగా మీద ప్రభుత్వం పోలీసుల ద్వార అనేక కేసులు పెట్టింది.పదుల కొద్ది కేసులు బేయిల్లతో రంగా పరిస్థితి వుండేది.అప్పటి విజయవాడ సిటి కమీషనర్ "వ్యాస్" కక్షగట్టి రంగాను వేధించారని ఆరోపణలు వున్నాయి. దళపతిలో అరవింద్ స్వామి క్యారెక్టర్ సూర్తి వ్యాసుదే! మరో వైపు దేవినేని మురళి రంగ వర్గం మీద దాడులు ఎక్కువయ్యాయి. రంగాను చంపుతారని పుకార్లు వచ్చాయి.రంగా వర్గం ముందు స్టెప్ తీసుకోని 1988 మార్చిలో నెల్లూరులొ LAW పరిక్షలు రాసి వ్యానులో విజయవాడకు వస్తున్న మురళిని NH5 మీద చిలకలూరిపేట-గుంటూరు మధ్య "యడ్లపాడు" వద్ద చంపారు.శివా సినిమాలోని శుభలేఖ సుధాకర్ హత్య వాస్త జీవితంలో దేవినేని మురళి హత్యే! మురళి హత్య జరిగినప్పుడు రంగా డిల్లీలోని రాం మనోహర్ లోహియా హాస్పటల్లొ tretment తీసుకుంటున్నారు.పోలీసులు మురళి హత్య కేసులొ రంగా మీద కేసు పెట్టారు.రంగా మరో సోదరుడు శోభాన చలపతిరావు,రంగా బావ మరిది చెన్నుపాటి శ్రీను మీద కూడ కేసు నమోదు అయ్యింది. మురళి హత్య జరిగిన తరువాత రంగా హత్య ఖాయం అని అందరిలో అభిప్రాయం వుంది.కాని ఎప్పుడు ఎలా అన్నది ప్రశ్నార్ధకం. 1988 చివరిలో గిరిపురం కాలనీలో ప్రజలకు పట్టాలు ఇవ్వాలని రంగా ఆమరణ నిరహార దీక్ష మొదలుపెట్టారు,ఈ దీక్షలోనే 26-Dec-1988 అంటే క్రిస్ మస్ తరువాత రోజు తెల్లవారు జామున బస్సుల్లొ అయ్యప్పమాలలో వచ్చిన 100 అందికి పైగా రంగాను చంపేశారు. రంగా హత్యను ఎవరు చేపించారో రాంగోపాల్ వర్మకు తెలియదని సినిమాలో చెప్పారు.కనీసం కేసులో నిందితుల పేర్లు కూడ చెప్పలేదు. రంగాకు ప్రధాన ప్రత్యర్ధి అయిన దేవినేని నెహ్రు రంగాను హత్యచేపించారని పత్రికల్లొ రాశారు.ప్రత్యర్ధి హత్యలో పోలీసులు మొదట చేసే పని హతుడి ప్రత్యర్ధి మీద FIR నమోదు చేస్తారు. రంగా హత్య కేసులో విచిత్రంగా నెహ్రు 21వ నిందితుడు,అది కూడ హత్య చేసినట్లు కాదు "కుట్రదారుడి"గా. రంగా హత్య తరువాత భారి హింస జరిగి 45 మంది చనిపోయారు ,వందల కోట్ల ఆస్తులు ద్వంసం అయ్యాయి.ఆస్తులన్ని నెహ్రు కులస్తులైన కమ్మవారివి. రంగా-నెహ్రుల గొడవ రంగా హత్య తరువాత కమ్మ-కాపు కులగొడవలుగా మారాయి.కాని రంగా హత్య నిందితుల్లో కాపులు వున్నారు.రంగా చనిపోయే వారకు ఆయనకు సలహాదారుడు "కాట్రగడ్డ రాజాగోపాల్"(CPI మాజి కార్యదర్శి).రంగా భార్య రత్నకుమారిగారు కమ్మ. విజయవాడ గొడవలు కచ్చితంగా కుల గొడవలు కాదు,ఆధిపత్య రాజకీయాలు మాత్రమే! రంగాను చివరి దశలో అంటే కాపునాడు మొదలైన తరువాతనే కాపునాయకుడు అన్న పేరు వచ్చింది.వాస్తంలో రంగాకు కాపుల కంటే దళితుల్లొ అనుచరులు ఎక్కువ.BCలైన "నగరా"ల్లొ రంగాకు ఎక్కువ ఆదరణ. రంగా హత్య జరిగిన్ డిసెంబర్ 26 కూడ streatgicalగా జరిగిందే!క్రిస్మస్ జరుపు కోవటంలో ఎక్కువ మంది అనుచరులు వుండరనే డిసెంబర్ 26ను రంగా హత్య చెయ్యటానికి ఎంచుకున్నారు. రంగా హత్య తరువాత హోం మంత్రి కోడెల శివప్రసాద్ రాజినామ చేయగా కాపు నాయకుడు కళావెంకటరావు హోం మంత్రి అయ్యారు.అప్పటి DGP P.S.రామ్మోహన్ రావు గారు రాజినామ చేసినా ప్రభుత్వం అంగీకరించలేదు.ఈ రామ్మోహన్ రావుగారు 2002-2004 మధ్య తమిలనాడు గవర్నర్గుగా పనిచేశారు. రాధా హత్యా నిందితుల్లో కొందరు MLAలు అయింట్లే,రంగా హత్య కేసుకోని నిందితులు కూడ MLAలు అయ్యారు. విశాఖపట్టణం నుంచి 2009,2014లో TDP తరుపున గెలిచిన వెలగపూడి రామకృష్ణ రంగా హత్య కేసులో నిందితుడు. మరో నిందితుడు "చలసాని పండు" 1999 లో ఉయ్యూరు నుంచి ఇండిపెండెంటుగా 1020 ఓట్లతొ ఓడిపోయాడు,2004లో కూడ TDP తరుపున ఓడిపోయరు.2009లో 150 ఓట్లతో TDP తరుపున పెనమలూరు నుంచి ఓడిపోయారు.2010లొ ఆయనకు మసాజ్ చేసే అతని చేతిలో హత్యకు గురయ్యాడు. ఈ చలసాని పండు స్వయంగా రంగాను పొడిచారని అంటారు, "నువ్వు నన్ను చంపుతున్నావా" అని రంగా అన్నారని కూడ ప్రచారంలో వుంది."సై" సినిమాలో సీన్ గుర్తురావటం సాధారణం. రాజకీయం ముందు కులం వర్గం ఏమి వుండవని కూడ విజయవాడ చరిత్ర నిరూపించింది. NTR మరణించిన తరువాత దేవినేను నెహ్రు 1996లో కాంగ్రేసులొ చేరారు.నెహ్రు రాకను వ్యతిరేకించి రత్నకుమారిగారు TDPలో చేరారు.రంగా హత్య కేసులో నిందితుడు అయిన చలసాని పండుకు కాంగ్రేస్ రంగా సోదరుడు అయిన శొభనా చలపతిరావును కాదని ఉయ్యూరు నుంచి టికెట్ట్ ప్రకటించింది.చివరిలొ దాసరి నారాయణరావు గారు కలగచేసుకోని శొభనా చలపతిరావు గారికి టికెట్టు ఇప్పించారు. దేవినేని నెహ్రు 2016 ఆగష్టులో కాంగ్రేసును & బాబుగారితో విభేదాలు వీడి తెలుగుదేశంలో చేరారు.2000 సంవత్సరంలో kidney transplantation చేయించుకున్న నెహ్రు మొన్న 17-Apr-2017న చనిపోయారు. గత ఆగస్టులో నెహ్రు తమ్ముడు "బాజిప్రసాద్" మరణించారు. దేవినేని నలుగురు సోదరులు గాంధి,నెహ్రు,మురళి,బాజి ప్రసాద్ అకాల మరణం చెందారు. ఏపార్టీలో వున్న కమిట్మెంటుతో పనిచేసే నాయకుడిగా పేరున్న నెహ్రు కేవలం కొడుకు అవినాష్ భవిషత్తు కోసమే TDPలోకి వెళ్ళారనిపిస్తుంది.నెహ్రు బాబుగారి మీద చేసిన విమర్శలు చాలా తీవ్ర మైనవి.నెహ్రు కూతురిని రాయపాటి శ్రీనివాస్ కొడుకు పెళ్ళి చేసుకున్నాడు కాని వారి మధ విభేదాలు వచ్చి విడాకుల వరకు వెళ్ళారు,విడిపోయారో లేదో తెలియదు. రాధా,రంగా హంతకులు MLAలు అయినట్టే రంగా అనుచరులు, ఇతర కాపు యువ నాయకులు రంగ అమరనం తరువాత 1989లో కాంగ్రేస్ తరుపున MLAలు అయ్యారు,వీరిలో కన్నా లక్ష్మినారయణ, జక్కంపూడి రామ్మోహనరావ్,అంబటి రాంబాబు ముఖ్యులు.మాజి కేంద్ర మంత్రి శివశంకర్ వీరికి టికెట్లు రావటానికి ప్రధాన కారణం. శివ శంకర్ గారు కూడ మొన్న మార్చిలో చనిపోయారు. రంగా అనుచరుడు(రంగా తుపాకిని carry చేసే) మల్లది విష్ణు 2009లో కాంగ్రేసు తరుపున పోటిచేసి PRP తరుపున పోటిచేసిన రంగా కొడుకు రాధా మీద గెలిచారు. అటు మురళి హత్యకేసు ఇటు రంగా హత్య కేసులో ఎవరికి శిక్షలు పడలేదు. ఇరు కేసుల్లో సాక్షులు నిందితులను గుర్తుపట్ట లేదు.కారణం బర్మా సీతారమయ్య అనే పెద్దమనిషి నెహ్రు-రంగా వర్గాల రాజి కుదిర్చారు ఎవరికి శిక్షలు పడకుండ చేశారు. కర్నాటి రామ్మోహన్ రావు అనే లాయర్ గారు(ఇప్పుడు కూడ వున్నారు) రంగా-నెహ్రుల మధ్య గొడవలు పెరగకుండ అనేక సార్లు రాజి కుదిర్చారు కాని ఆ రాజీలు ఎక్కువ కాలం నిలబడలేదు. ఇది విజయవాడ రాజకీయాల్లొ ఒక కోణం-ముఖ్య కోణం,ఈకథను సినిమా తీస్తే ఎవరు చూస్తారు?మసాల కావాలి,జనాల్లొ పాత గాయలు రేపే ఏ చర్య అయినా సమర్ధనీయం కాదు! అవును విజయవాడ కథలో హీరోలు విలన్లు లేరు అందరు పాత్రధారులే!     అందరు బాధితులు,పీడితులే...నలిగి పోయింది విజయవాడ నగరం,ప్రజలు. ...
  • (Sheik Sadiq Ali ) .......................  మీడియాను మేనేజ్ చెయ్యడంలో,తిమ్మిని బమ్మిని చేయడంలో చంద్రబాబును మించిన వారు లేరని అందరికీ తెలిసిన విషయమే. అయితే ,ఆయనకు ఆ కళ కొత్తగా అబ్బింది ఏమీ కాదు. 30 ఏళ్ళ క్రితమే ఆయన తన కళను తెలుగు ప్రజల ముందు ప్రదర్శించారు. ఆయనకు అంతకు ముందు నుంచే ఆ కళలో ప్రవేశం ఉందనీ ఆయనను సన్నిహితంగా ఎరిగిన మిత్రులు చెప్పేవారు. అసలింతకీ ఆయన ప్రదర్శించిన కళ ఏమిటో తెలుసుకోవాలని ఉందా? అయితే ఇది చదవండి. అది స్వర్గీయ ఎన్టీయార్ ముఖ్యమంత్రిగా సూపర్ ఫాం లో ఉన్న కాలం. చంద్రబాబు చిన్నల్లుడిగా అప్పుడప్పుడే చక్రం తిప్పుతున్న కాలం. చిత్తూరు జిల్లా మదనపల్లె లో భారీ బహిరంగ సభ జరిగింది. జనం తండోప తండాలుగా తరలి వచ్చారు. ఎన్టీయార్ ప్రసంగాన్ని మైమరచి వింటున్నారు. అప్పుడే ఎన్టీయార్ బాంబు పేల్చారు."నా రాజకీయ వారసుడు బాలయ్య బాబే " అని నిండు సభలో ప్రకటించారు. ఒక్కసారిగా సభలో జయజయ ధ్వానాలు మిన్నంటాయి.వింటున్న మీడియా ప్రతినిధులు సంభ్రమాశ్చర్యాలకు గురయ్యారు.బ్యానర్ ఐటెం దొరికిందని సంబర పడిపోయారు. మదన పల్లె నుంచి తిరుపతికి రావటం ఆలస్యమవుతుందని ఫోన్ లోనే తమ కార్యాలయాలకు వార్త చెప్పేశారు. ఇక్కడ ఎడిటోరియల్ డెస్క్ కూడా ఐటెం రాయించి కంపోజ్ చేయించి పేజ్ మేకప్ కూడా పూర్తి చేశారు. ఈ లోగా రిపోర్టర్లు తమ ఆఫీసులకు చేరారు. నేను నైట్ షిఫ్ట్ లో ఉన్నాను.ఒకపక్క సిటీ స్పెషల్, మెయిన్ ఎడిషన్ రెండూ చూస్తున్నాను. లే అవుట్ చేసిన పేజ్ కెమెరా సెక్షన్ కు వేల్తుందీ అనుకుంటూ ఉండగా ,ఒక్కసారి అలజడి మొదలైంది. మా బ్యూరో చీఫ్ సి.ఆర్ .నాయుడు పరుగెత్తుకు వచ్చారు.' చంద్రబాబు ఫోన్ చేశారు. బ్యానర్ లీడ్ మార్చాలి అన్నారు. ఎన్టీయార్ ఉద్దేశ్యం బాలయ్య బాబు రాజకీయ వారసుడు కాదనీ,కేవలం నట వారసుడు మాత్రమే అని అర్ధం చేసుకోవాలని చెప్పారు. కాబట్టి బాలయ్య బాబే నా నట వారసుడు అని లీడ్ మార్చి రాసి ,తగిన విధంగా హెడ్డింగ్ కూడా మార్చాలి ' అన్నారు. ఆ మేరకు ఆయనే లీడ్ మార్చి రాసిచ్చారు. తగిన విధంగా హెడ్డింగ్ కూడా మారింది.తద్వారా ఒక రాజకీయ తుఫాను ఆగిపోయింది. దటీజ్ చంద్రబాబు. ఆరోజుల్లో ఎలెక్ట్రానిక్ మీడియా లేకపోయింది కాబట్టి సరిపోయింది. లేకపోతే ఏమి జరిగి ఉండేదో ఊహించలేం.ఇది బాబు కళకు సంబంధించిన ఒక నమూనా మాత్రమె. ఇలాంటివి ఇంకా చాలా ఉన్నాయి....
  • దివంగత నేత  జయలలిత రాజకీయ వారసురాలిగా తెరపైకి వచ్చిన మేనకోడలు దీప క్రమంగా తెరమరుగవుతున్నారు. భర్తతో మనస్పర్థలు,  పేరవై నేతలు కార్యకర్తలతో ఏర్పడిన విబేధాలతో దీప ఇప్పటికే సతమతమౌతున్నారు. ఈ నేపథ్యంలోనే  పేరవై సభ్యత్వాల పేరుతో రూ.20 కోట్ల మేరకు నొక్కేశారంటూ ఆరోపణలు దీపను చుట్టుముట్టాయి. అదే సమయంలో భర్త మాధవన్  సొంతంగా పార్టీ పెట్టుకున్నారు. జయలలిత మరణం వరకు పెద్దగా ఎవ్వరికీ తెలియని దీప ఆ తరువాత రాజకీయ అరంగేట్రం చేసి ప్రజలందరికీ పరిచయమయ్యారు. శశికళ అన్నాడీఎంకే పార్టీని, అధికారాన్ని చేజిక్కించుకోవడాన్ని వ్యతిరేకించినవారి  సహాయం తో ‘ఎంజీఆర్‌ అమ్మ దీప పేరవై’ని స్థాపించారు.పేరవై లో  భర్త మాధవన్‌ పెత్తనం లేకుండా చేసేందుకు గాను తన  కారుడ్రైవర్‌ను ప్రధాన కార్యదర్శిగా, అతని భార్యను అధ్యక్షురాలిగా చేయడంతో ముసలం పుట్టింది. దీపపై ఆగ్రహించిన మాధవన్‌ వేరే పార్టీ పెడుతున్నట్లు ప్రకటించారు. కాగా దీప  పన్నీర్‌ రాజీనామా, శశికళపై తిరుగుబాటు...  అన్నాడీఎంకే రాజకీయాలు అల్లకల్లోలంగా మారిన  సమయంలో పన్నీర్‌సెల్వం పక్షాన నిలిచారు. మెజారిటీ ఎమ్మెల్యేలను  పన్నీర్‌సెల్వం తన వైపు తిప్పుకోలేకపోవడంతో దీప మనస్సు మార్చుకుని సొంతంగా రాజకీయాలు ప్రారంభించారు. ఆర్కేనగర్‌లో ఒంటరిగానే పోటీ చేశారు. ఎన్నికల నామినేషన్‌ పత్రాల్లో భర్త పేరు రాయకుండా  ఆ కాలమ్ ను   ఖాళీగా ఉంచి  మరో వివాదానికి కారణమయ్యారు. ఆనాటి నుంచి ఇరువురి మధ్య మనస్పర్థలు ఎక్కువయ్యాయి. ఇటీవల అంబేడ్కర్‌ జయంతి సందర్భంగా దీప ఇంటి ముందు ఏర్పాటు చేసిన కార్యక్రమానికి హాజరైన మాధవన్‌ను లోనికి అనుమతించక పోవడం గొడవలు జరిగేయి . దీప, మాధవన్‌ల అనుచరులు ఘర్షణపడి రాళ్లు, నీళ్ల బాటిళ్లతో కొట్టుకున్నారు. ఘర్షణ సమయంలో ఇంటి నుంచి బైటకు వచ్చిన దీప భర్త మాధవన్‌ను ఇంట్లోకి రావద్దని హెచ్చరించి తరిమివేసింది. అదలా ఉంటే దీప 20 కోట్ల మోసం కేసులో చిక్కుకున్నారు. ఎంజీఆర్‌ అమ్మ దీప పేరవై కింద సభ్యత్వ దరఖాస్తుల రుసుం కింద రూ.20 కోట్ల మోసానికి పాల్పడ్డారంటూ చెన్నై నగరం నెశపాక్కంకు చెందిన జానకిరామన్‌ అనే వ్యక్తి చెన్నై మాంబళం పోలీసులకు ఫిర్యాదు చేశాడు. రద్దు చేసిన దీప పేరవై పేరుతో రెండు లక్షల దరఖాస్తులను రూ.10లకు అమ్మి, సభ్యత్వ రుసుమును స్వాహా చేశారని అతను ఆరోపించాడు. దీపపై చట్టపరమైన చర్యలు తీసుకోవాల్సిందిగా ఫిర్యాదులో పేర్కొన్నాడు.ఈ పరిస్థితుల్లో    దీప ను పట్టించుకొనేవారెవరు లేరు . ఉప ఎన్నిక ఎపుడు జరుగుతుందో లేదో తెలీదు. పన్నీర్ .. పళని వర్గాలు ఏకమౌతున్న క్రమంలో దీప తెర మరుగు కాక తప్పదేమో. దీపకు మంచి అవకాశం వచ్చినా దూసుకుపోలేకపోయారు. ...
  • తమిళనాట రాజకీయ ఉత్కంఠ నెలకొంది. ఏక్షణాన ఏమి జరుగుతుందో నేతలకు అర్ధం కాక అయోమయంలో పడ్డారు. ఎవరూ ఊహించని విధంగా అన్నాడీఎంకే ఉప ప్రధాన కార్యదర్శి టీటీవీ దినకరన్ కొత్త కేసులో చిక్కుకున్నారు . ఇప్పటికే ఫెరా కేసు విచారణ మళ్లీ పుంజుకున్న నేపథ్యంలో ‘రెండాకుల చిహ్నం’ కోసం ఎన్నికల అధికారులకు  రూ.60 కోట్లు  లంచమివ్వ జూపారనే ఆరోపణల్లో ఇరుక్కుపోయారు.  ఈ కేసులో ఇప్పటికే రూ.1.30 కోట్లతో పట్టుబడిన బ్రోకర్‌ సుఖేష్‌ చంద్రశేఖర్‌.. దినకరన్ కోసమే తాను ప్రయత్నించినట్టు చెప్పడంతో పోలీసులు విచారణకు రంగంలోకి దిగారు.నేడో రేపో దినకరన్ ను అరెస్ట్ చేయవచ్చు అంటున్నారు .   ఈ క్రమంలో అటు పనీర్ సెల్వం, ఇటు పళని స్వామి వర్గాలు ఏకమయ్యే సూచనలు కనబడుతున్నాయి. అలాగే  అన్నాడీఎంకే నుంచి టీటీవీ దినకరన్‌ను సాగనంపేందుకు ప్రయత్నాలు జరుగుతున్నాయి. దినకరన్ ను వదిలించుకునేందుకు పళని స్వామి మంత్రులతో మంతనాలు జరుపుతున్నారు.  ఐటీ దాడుల తర్వాత  తమిళనాట పరిణామాలు ఆసక్తికరంగా మారాయి.ఐటీ ఉచ్చులో పడ్డ మంత్రి విజయభాస్కర్‌ను తొలగించే వ్యవహరంలో ఉప ప్రధాన కార్యదర్శి టీటీవీ దినకరన్, సీఎం పళని స్వామిల మధ్య  విభేదాలు  తలెత్తాయి. దీంతో ఆ వర్గంలో  చిచ్చు మొదలయింది. టీటీవీని పక్కన పెట్టి, అన్నాడీఎంకేను, ప్రభుత్వాన్ని రక్షించుకునేందుకుమాజీ సీఎం సెల్వం  ప్రస్తుత సీఎం పళని ఏకం కావాలని ఇరు వర్గాలకు చెందిన సీనియర్ల మధ్య  చర్చలు సాగుతున్నాయి.  ఇదిలా ఉంటే  శశికళ సహా విద్రోహులంతా పార్టీని వీడాల్సిందేనని  పన్నీర్ సెల్వం అంటున్నారు. . శశికళ, ఆమె కుటుంబసభ్యలు పార్టీలో కొనసాగిస్తే.. అన్నాడీఎంకే అధికార (ఈపీఎస్‌) వర్గంతో విలీనం ప్రసక్తే లేదని పన్నీర్  స్పష్టం చేశారు. జయలలిత మృతిపై న్యాయవిచారణ జరగాల్సిందేనని, అదే తన మొదటి డిమాండ్‌ తేల్చిచెప్పారు కాగా రాష్ట్రంలో పాలన కుంటువడి గందరగోళ పరిస్థితులు నెలకొన్న  సమయంలో ఇన్‌చార్జ్‌ గవర్నర్‌ విద్యాసాగర్‌రావు సోమవారం ఉదయం ముంబయి నుంచి ప్రత్యేక విమానంలో అకస్మాత్తుగా చెన్నైకి చేరుకున్నారు. నిన్నంతా ప్రధాన కార్యదర్శి నుంచి విషయాలు తెలుసుకున్నారు. ఈ రోజు సీఎం తో మాట్లాడవచ్చు అంటున్నారు.  మొత్తం మీద  గవర్నర్‌ ఎటువంటి నిర్ణయం తీసుకుంటారోనని అధికార పార్టీ, ప్రభుత్వంలో ఆందోళన మొదలైంది. విజయభాస్కర్‌కు ఉద్వాసన తప్పదని, రాష్ట్రంలో రాష్ట్రపతి పాలన విధిస్తారని ఊహాగానాలు వ్యాప్తిలోకి వచ్చాయి . ...
  •  ( Sheik Sadiq Ali )    .............   ఒకవైపు ప్రత్యర్ధుల అంచనాలకు అందని వ్యూహాలతో దూసుకు వెళ్తున్నకేసీయార్. మరోవైపు సమరోత్సాహంతో ఉరకలు వేస్తున్నబీజేపీ శ్రేణులు. ఇంకోవైపు పొన్నాల, జానారెడ్డి లాంటి శల్యుల తో కలిసి కర్ణుడిలా యుద్ధం చేస్తున్న ఉత్తమ్ కుమార్ రెడ్డి . వర్తమాన తెలంగాణా రాజకీయ ముఖచిత్రం ఇది. రాష్ట్ర రాజకీయాల లోగుట్టు ఏమిటి? ఎవరు ఎవరి కోసం పని చేస్తున్నారు? ఎవరి అజెండా ఏమిటి? కొంచెం లోతుగా విశ్లేషిస్తే ...దిమ్మ తిరిగే వాస్తవాలు కళ్ళముందు ప్రత్యక్షమవుతాయి. సాధారణంగా ఎక్కడైనా అధికార పార్టీని గద్దె దింపటానికి ప్రతిపక్షాలు అన్నీ ఎకమవుతాయి. లేదా లోపాయికారీగా సహకరించుకుంటాయి. కానీ, తెలంగాణా రాజకీయాలు మాత్రం ఇందుకు భిన్నంగా సాగుతున్నాయి. ప్రధాన ప్రతిపక్షాన్ని నామరూపాలు లేకుండా చేయటానికి అధికార పక్షం,మరో బుల్లి ప్రతిపక్షం సింగిల్ ఎజెండాతో పని చేయటం అనే విచిత్ర పరిస్థితిని ఇక్కడ గమనించవచ్చు. 'మా సర్వేలు చెప్తున్నాయి. వచ్చే ఎన్నికల్లో వందకు పైగా సీట్లు మావే.' అని కేసీయార్ గంభీరంగా ప్రకటిస్తున్నా ,వాస్తవం అది కాదు అనే విషయం వారికి తెలుసు. అది కేవలం మైండ్ గేమ్ మాత్రమే. ఎన్ని పధకాలు ప్రకటిస్తున్నా,ఎన్ని ప్రాజెక్టులు మొదలు పెడుతున్నా ప్రభుత్వం పట్ల నెలకొని వున్నా వ్యతిరేకతను తగ్గించటం కోసం గులాబీ అధినేత కొత్త వ్యూహాలకు పదును పెడుతున్నారు. ఎన్నికలకు మరో ఏడాదిన్నర,రెండేళ్ళు సమయం ఉన్నా,సమయం,సందర్భం లేకుండా సంక్షేమ పధకాలు ప్రకటిస్తున్నారు. కులాల వారీగా,మతాల వారిగా వివిధ వర్గాల ప్రజలను ఆకర్షించటానికి విశ్వప్రయత్నం చేస్తున్నారు. అయితే,వాటిలో చాలా అంశాలు వాస్తవ రూపం దాల్చటం అనుమానమే. సింగరేణి వారసత్వ ఉద్యోగాలు అందుకు ఒక ఉదాహరణగా చెప్పుకోవచ్చు.అలాగే,ముస్లిం రిజర్వేషన్లు కూడా అదే కోవలోకి చేరే అవకాశాలు ఎక్కువగా ఉన్నాయి.అయినప్పటికీ, కేసీయార్ దగ్గర అస్త్రాలకు కొదవలేదు.ఆయన అమ్ములపొదిలోని మరిన్ని అస్త్రాలను ప్రయోగించటానికి ఆయన సిద్ధమవుతున్నారు. పక్షానికో,నెలకో సారో ఆయన ఒక్కో అస్త్రాన్ని ప్రయోగించటం ఖాయం. ముఖ్యంగా గ్రామీణ ప్రాంతాల్లో ప్రజా ప్రతినిధులపై ప్రజలకు, ప్రభుత్వంపై స్థానిక సంస్థల ప్రతినిధులకు పెరుగుతున్న అసంతృప్తి ని తగ్గించటం పై దృష్టి సారించే అవకాశాలు ఉన్నాయి. అలాగే, నామినేటెడ్ పదవులపై ఆశలు సన్నగిల్లి ,నైరాశ్యంలో పడిపోతున్న క్యాడర్ ను సంతృప్తి పరిచే చర్యలకు ఉపక్రమించ వచ్చు. వీటన్నింటి లక్ష్యం ఒక్కటే....తిరిగి అధికారంలోకి రావటం. తాము బలపడుతూనే,పక్కలో బల్లెంలా పొంచి ఉన్న కాంగ్రెస్ ను బలహీన పరచటం ఎలా అన్నది పైకి కన్పించని అసలైన రాజకీయ వ్యూహం. మరో వైపు ఉత్తరాది ఎన్నికల ఫలితాల తర్వాత బీజేపీ శ్రేణుల్లో ఆత్మవిశ్వాసం అమాంతం పెరిగింది. దానికి తోడు మోడీ,అమిత్ షా లు తెలంగాణాపై దృష్టి సారించటం కూడా వారికి నూతన ఉత్తెజాన్నిచ్చింది. కొంచెం కష్టపడితే అధికారం సాధించవచ్చని వారు ఆశిస్తున్నారు.అదే ధీమాను పెంచేలా అధినాయకత్వం ప్రకటనలు ఇస్తూ వస్తుంది.అయితే, క్షేత్రస్థాయి వాస్తవాలు కేంద్ర నాయకత్వానికి తెలుసు. వాటికి సంబంధించిన నివేదికలు అన్నీ వారి దగ్గర ఉన్నాయి. వారి లక్ష్యం కూడా 2019 కాదు.2024 మీదే గురిపెట్టి పనిచేస్తుంది. గమ్యం చేరాలంటే ముందుగా మార్గాన్ని సుగమం చేసుకోవాలి. ఇప్పుడు వాళ్ళ టార్గెట్ టీఆరెస్ కాదు. కాంగ్రెస్ ను నామరూపాల్లేకుండా చేసి ప్రధాన ప్రతిపక్షంగా ఎదగాలన్నదే ప్రస్తుత లక్ష్యం. అందుకు తగ్గట్టుగానే పావులు కదుపుతోంది. కాంగ్రెస్ కు మొదటి నుంచీ అండగా ఉన్న ముస్లింలను ఆ పార్టీకి దూరం చేయటం మొదటి అడుగు. అందుకే కేసీయార్ ప్రవేశపెట్టిన ముస్లిం రిజర్వేషన్ల బిల్లును తూతూ మంత్రంగా వ్యతిరేకించిందే తప్ప ,అంత బలంగా ఎదుర్కోలేదు. తదుపరి కార్యాచరణను కూడా ప్రకటించలేదు. వాటి సంగతి కోర్టులు చూసుకుంటాయి కాబట్టి అనవసరంగా ముస్లింలలో పార్టీ పట్ల వ్యతిరేకత పెరగనివ్వకూడదు అని నిర్ణయించింది.దానికి తోడు,మోడీ కూడా ఒరిస్సాలో ఆర్ధికంగా వెనుకబడిన ముస్లింల అభివృద్ధి కోసం కృషి చేయాలంటూ ప్రకటన కూడా చేశారు. ఈ మొత్తం వ్యూహంలో ప్రధాన లబ్దిదారు టీయారేస్, అయితే అంతర్గతంగా నష్టపోయింది మాత్రం కాంగ్రెస్సే. అలాగే, కేసీయార్ పట్ల అసంతృప్తిగా ఉన్న వర్గాలు కాంగ్రెస్ వైపుకు వెళ్ళకుండా నిరోధించటం మరో అడుగు. వాళ్ళు కాంగ్రెస్ వైపు వెళ్తే నష్టపోయేది టీయారేస్ , లబ్ది పొందేది కాంగ్రెస్ ,అది జరుగ కుండా , వీరిని బీజేపీలోకి చేర్చుకోవటానికి పెద్ద ఎత్తున కసరత్తు జరుగుతోంది.భారీ ప్యాకేజీలు సిద్ధమవుతున్నాయి. ఈ చర్యల వల్ల బీజేపీ కొంత మేరకు బలపడుతుంది. అలాగే ప్రభుత్వ వ్యతిరేక ఓటు చీలి పోవటం వల్ల టీయారేస్ గెలుపు సులభం అవుతుంది. ఇక్కడ కేసీయార్ కోరుకుంటున్నదీ అదే. అందుకే బీజేపీ బలపడుతూ ఉండటాన్ని ఆయన నిరోధించటం లేదు. కానీ, బీజేపీ అడుగులను మాత్రం నిశితంగా గమనిస్తున్నారు. వచ్చే ఎన్నికల్లో ఎవరితో పొత్తు లేకుండా అన్ని స్థానాలకూ ఒంటరిగానే పోటీ చేయాలనే ఆలోచనలో బీజేపీ ఉంది. అది కూడా టీయారేస్ కు లాభించే అంశమే. గతంలో కాంగ్రెస్-ప్రజారాజ్యం కలిసి అనుసరించిన వ్యూహాన్నే ఈసారి టీయారేస్-బీజేపీ అనుసరించ వచ్చు. అది సహజంగానే కాంగ్రెస్ కు తీరని నష్టాన్ని కలిగించ వచ్చు. ఆ విధంగా రాష్ట్రంలో కాంగ్రెస్ లేకుండా చేయటానికి ఈ రెండు పార్టీలు వ్యూహాత్మకంగా అడుగులు వేస్తున్నాయి. ఇక కాంగ్రెస్ వైపు నుంచి చూద్దాం. ఒకప్పుడు దేశవ్యాప్తంగా ఓడిపోయినప్పుడు కాంగ్రెస్ కు విజయాన్ని అందించి ఊరట నిచ్చింది ఆంధ్రప్రదేశ్ రాష్ట్రం. అలాగే,ఎన్టీయార్ ను ,చంద్రబాబును కూడా ఓడించ గలిగింది కాంగ్రెస్. కానీ అప్పటి పరిస్థితులు ఇప్పుడు ఉన్నాయా? అలనాటి చెన్నారెడ్డి,వైఎస్సార్ లాంటి నాయకత్వం ఇప్పుడు రాష్ట్రంలో ఉందా? గతంలోలా వ్యూహరచన చేయగలిగిన మేధావులు ఇప్పుడు కేంద్ర కాంగ్రెస్ లో ఉన్నారా? ఆజాద్ జాదూ,దిగ్విజయ్ విజయ మంత్రం ఇప్పుడు ఫలిస్తాయా? అంటే లేదూ అనే చెప్పొచ్చు. యుద్ధ క్షేత్రమే తప్ప ప్రజాక్షేత్రం లోని ఎత్తుగడలు తెలియని ముక్కుసూటి ఉత్తమ్ కుమార్ ఎంతవరకు నేగ్గుకోస్తారో ప్రశ్నార్ధకమే. కేసీయార్ ఎప్పుడు ఏ పధకం ప్రకటిస్తారో తెలియని అయోమయంలో ఉన్నారు. సరైన కసరత్తు చేయకుండానే నిరుద్యోగ భ్రుతి ఇస్తామని ప్రకటించటం కేవలం రాజకీయ అపరిపక్వతను మాత్రమె సూచిస్తుంది. ఆ పార్టీ యెంత కంగాళీగా ఉందొ అర్ధం అవుతుంది. దానికి తోడు అటు పొన్నాల, ఇటు జానా రెడ్డి లను పక్కన పెట్టుకొని ప్రకటించటం చూస్తే ఏమనాలో అర్ధం కాని పరిస్థితి. ఇప్పటికే వాళ్ళిద్దరూ కేసీయార్ తో సత్సంబంధాలు కొనసాగిస్తున్నారన్నది జగమెరిగిన సత్యం. వాళ్ళిద్దరూ ఏదో ఒకరోజు గోడ దూకుతారని బలంగా విన్పిస్తుంది.అయితే ,ఇప్పుడిప్పుడే వాళ్ళను చేర్చుకోకుండా ,కాంగ్రెస్ లోనే ఉంచి ,తమకు అనుకూలంగా పనిచేయించుకొని ,ఎన్నికలకు పక్షం రోజుల ముందో,లేదా ఎన్నికలు అయిన తర్వాతో చేర్చుకొని సముచిత రీతిలో గౌరవించుకోవాలి అనే ఆలోచన కేసీయార్ లో ఉందని అంతరంగిక వర్గాలు చెప్తున్నాయి. వాస్తవానికి కాంగ్రెస్ లో ముఖ్యమంత్రి పదవి కోసం నలుగురు ,ఐదుగురు గట్టిగానే పోటీ పడుతున్నారు. యెంత సొమ్మైనా వెచ్చించటానికి వారు సిద్ధంగానే ఉన్నారు. కానీ,ఆ పార్టీ అధిష్తానం ఎవరికీ గ్రీన్ సిగ్నల్ ఇచ్చే స్థితిలో లేదు. ఇలాంటి పరిస్థితుల్లో ఒకరి కాలు ఒకరు లాగటానికి ఎత్తుగడలు వేస్తూనే ఉన్నారు. ఇవన్నీ చూస్తూ కూడా నిస్సహాయ స్థితిలో ఉత్తమ ఒంటరి పోరాటం చేస్తున్నారు. ఇలాంటి రాజకీయ నేపధ్యంలో తెలంగాణా లో కాంగ్రెస్ అనేది లేకుండా చేయటానికి 'కాంగ్రెస్ ముక్త తెలంగాణా' కార్యాచరణ కొనసాగుతోంది. ఇది ఎంతవరకు సఫలం అవుతుందో కాలమే నిర్ణయించాలి....
  • చిత్తూర్ ఎంపీ మనసుకి బాధ కలిగితే అధినేతకు చెప్పాలి .  అంతే కానీ మీడియా కు ఎక్కడం సరైనది కాదు . శివ ప్రసాద్ సీనియర్ సభ్యుడు ... ఇలా చేయకుండా ఉంటె బాగుండేది.  ఇక ఫిరాయింపులు  గురించి మాట్లాడుతూ పాత రాజకీయాలు వేరు నేటి రాజకీయాలు వేరు .  మిగతా పార్టీలు మా పార్టీ సభ్యులను ఎన్ని సార్లు చేర్చుకోలేదు  .  మేము ఆశ పెట్టి లాగ లేదు అభివృద్ధి చూసి వచ్చారు వారంతా ,   ఇంకా ఏయే విషయాలు రాజమండ్రి ఎంపీ మురళీ మోహన్  మాట్లాడారో వీడియో చూడండి.   ...
  •  (Sheik Sadiq Ali )  ................     తెలంగాణలో తెరాస ప్రభుత్వం తెర మీదకు తెచ్చిన 'ముస్లిం రిజర్వేషన్ల ' విషయంలో రాష్ట్ర బీజేపీ అనుసరిస్తున్న వైఖరి వ్యూహాత్మక తప్పిదమే. మత ప్రాతిపదికన ముస్లింలకు రిజర్వేషన్లు కల్పించటాన్ని వ్యతిరేకిస్తాం,అడ్డుకుంటాం అని బీజేపీ రాష్ట్ర నేతలు చేస్తున్న ప్రకటనలు ఆ పార్టీకి నష్టం కల్పించేవే తప్ప ,ఏ రకంగానూ లాభం చేకూర్చేవి కావు. కేంద్ర వ్యూహకర్తలు రచించిన వ్యూహం వేరు. ఇక్కడ రాష్ట్ర నాయకత్వం అమలు చేస్తున్నది వేరు. వాళ్ళ ఆలోచన వేరు, వీళ్ళ ఆచరణ వేరుగా ఉంది. ఇది పూర్తిగా అర్ధం కావాలీ అంటే ,ఇందులో కొంచెం లోతుగా తరచి చూడాలి. 2014 ఎన్నికల్లో తెరాస ముస్లింలకు 12 శాతం రిజర్వేషన్లు కల్పిస్తామని తన మ్యానిఫెస్టోలో ప్రకటించింది. అయితే ,ఈ హామీ వల్ల తెరాసకు పెద్దగా ఒరిగింది ఏమీ లేదు. రాష్ట్రంలోని ముస్లిమ్స్ అందరూ గంపగుత్తగా తెరాస కు ఓటువేయలేదు. అసలా అంశాన్ని పెద్దగా పట్టించుకోలేదు. సాంప్రదాయక ముస్లిం ఓటర్లు యధావిధిగా కాంగ్రెస్ కె ఓటేశారు. కానీ, తెలంగాణా సాధించిన నాయకుడిగా,సమర్ధవంతుడైన నేతగా కేసీయార్ ను అభిమానించిన తెలంగాణా ప్రేమికులు,లిబరల్ ముస్లింలు తెరాసకు ఓటేశారు. నిజంగా ఆ హామీతో ముస్లింలు ప్రభావితమై ఉండిఉంటే , తెరాసకు కనీసం 90 సీట్లు వచ్చి ఉండేవి. అదే సమయంలో బీజేపీ యధావిధిగా మేము ముస్లిం రిజర్వేషన్లు వ్యతిరేకిస్తాం అనే చెప్పుకొచ్చింది. దాని ప్రభావం కూడా మెజారిటీ హిందువులపై పడలేదు. అలా కనుక జరిగి ఉంటే బీజేపీ కి మరిన్ని ఎక్కువ సీట్లు వచ్చి ఉండేవి. అదీ జరగలేదు. అంటే గత ఎన్నికల్లో ముస్లిం రిజర్వేషన్లు ఒక ఎన్నికల అంశంగానే పనిచేయలేదు అని చెప్పుకోవాలి. ఇక ప్రస్తుతానికి వద్దాం. నిజంగానే ముస్లింలకు 12 శాతం రిజర్వేషన్లు వస్తాయనే భ్రమ కానీ, ఆశ గానీ మెజారిటీ ముస్లిం లలో లేదు. అలాగే, ఆ హామీ తెరాస నిలబెట్టుకుంటుంది అనే బలమైన నమ్మకమూ లేదు , అలాగని పూర్తి అపనమ్మకమూ లేదు. నిజంగా ఇచ్చే ఉద్దేశమే ఉంటే ఈ ప్రాసెస్ రెండేళ్ళ క్రితమే మొదలు పెట్టి ఉండేది,ఎన్నికలు దగ్గర పడుతున్న సమయంలో ఇప్పుడు ఆ ప్రక్రియ మొదలు పెడుతుందీ అంటే నెపాన్ని కోర్టుల మీదనో,బీజేపీ మీదనో నేట్టేయడానికే అయి వుంటుంది అని విశ్వసించే వర్గం ఒకటుంది. 'ఇచ్చిన హామీని నిలబెట్టుకోకుండా ముస్లింలను తెరాస మోసం చేసింది' అని ప్రతిపక్షాలు ప్రచారం చేయకుండా, వాళ్ళ నోళ్ళు మూయించటానికే ఇప్పుడీ ఎత్తుగడ వేసిందని భావించే వాళ్ళూ ఉన్నారు.నిజానిజాలు ఏమిటన్నది మున్ముందు తెలుస్తాయి. అయితే ,ముస్లింల పట్ల తమకెంత ప్రేమున్నదో చెప్పుకోవటానికి తెరాస దగ్గర కూడా కొన్ని 'లెక్కలు' ఉన్నాయి. గతంలో ఎన్నడూ లేని విధంగా ఒక ఉప ముఖ్యమంత్రి పదవి,పలు మున్సిపల్ కార్పొరేషన్లలో డిప్యూటీ మేయర్ పదవులు, ఎమ్మెల్సీలు, కార్పోరేషన్ చైర్మన్ల పదవులు ముస్లింలకు కట్టబెట్టాం. ముస్లింల పట్ల మా నిబద్ధతకు ఇంతకన్నా ఉదాహరణ ఇంకేం కావాలి? అని చెప్పుకోవచ్చు. అయితే బుగ్గకారు,డీజిల్,డ్రైవర్ తప్ప ఎలాంటి నిర్ణయాధికారమూ లేని అలంకారప్రాయమైన ఈ పదవుల వల్ల ముస్లింలకు ఒనగూడేది ఏమీ లేదని నిట్టూర్చే వర్గం ఒకటి సిద్ధంగానే ఉంది.(చాలా కార్పొరేషన్లలో చైర్మన్లు డమ్మీలుగా ఉన్నారనీ,అధికారాలన్నీ బ్యూరోక్రాట్ల చేతుల్లోనే ఉన్నాయని భోగట్ట) ఇద్దరు ఉప ముఖ్యమంత్రులు ఉన్నప్పుడు,ఇద్దరూ సమానమే అయినప్పుడు కడియం శ్రీహరికీ, మహమూద్ అలీకి మధ్య ఉన్న తేడా స్పష్టంగా కన్పిస్తుంది అని వాదించడానికి ఆ వర్గం సిద్ధంగానే ఉంది. ఇకపోతే, రాష్ట్రంలోని ముస్లిమ్స్ అందరినీ ఒకేలా చూడటం కూడా ఆక్షేపణీయమే.పాతబస్తీ ముస్లింలకు ,గ్రామీణ ముస్లింలకు మధ్య వైరుధ్యాలు చాలానే ఉన్నాయి. నగరంలో నివశించే ముస్లింలు గ్రామీణ ముస్లింలను ద్వితీయ శ్రేణి ముస్లిమ్లుగానే పరిగణిస్తారు. వాళ్ళ యాసను,భాషను ఎద్దేవా చేస్తారు.(ఇది అందరూ కాదు,చాలావరకు) ఈ విషయంలో గ్రామీణ ముస్లింలకు చాలా అసంతృప్తి ఉంది.అలాగే, పాతబస్తీలో ముస్లింలు మెజారిటీ సంఖ్యలో ఉంటారు.అదే జిల్లాల్లో,గ్రామాల్లో ముస్లింలు మైనారిటీలుగానే ఉన్నారు. అప్పుడప్పుడూ MIM నేతలు చేసే మతోన్మాద ప్రకటనలు పాతబస్తీ ముస్లింలకు ఆనందాన్ని ఇవ్వొచ్చు కానీ, గ్రామీణ ముస్లింలకు ఒకరకమైన భయాన్ని, అభద్రతా భావాన్ని కలుగ జేస్తుంటాయి. కాబట్టి, ముస్లింలతో డీల్ చేసే రాజకీయ పార్టీలు ఈ అంశాన్ని దృష్టిలో పెట్టుకోవాల్సి ఉంటుంది. ఈ విషయం రాష్ట్ర బీజేపీకి అర్ధం కావటం లేదు. రాష్ట్రంలో అధికారం సాధించటానికి దళితులను,ముస్లింలను కలుపుకొని పోవాలనీ, అందుకు గాను కొంత సెక్యులర్ గా మారాలనీ కేంద్ర వ్యూహకర్తలు వ్యూహరచన చేస్తుంటే, దానికి విరుద్ధంగా రాష్ట్ర నాయకులు మతపరమైన రిజర్వేషన్లు అడ్డుకుంటాం అని పదేపదే ప్రకటించటం సమన్వయ లోపం,వ్యూహాత్మక తప్పిదమే.ఇది ఇలాగే కొనసాగితే ముస్లింలు ఏకపక్షంగా తెరాస వైపుకు మళ్లే అవకాశం ఉంది. ఇప్పుడు తెలంగాణా ప్రభుత్వం చెప్తున్న 12 శాతం రిజర్వేషన్లు నిలబడే అవకాశం లేదు. ఎవరు కోర్టుకు వెళ్ళినా వాటికి బ్రేక్ పడటం ఖాయం. దాన్ని సవాలు చేస్తూ ప్రభుత్వం కోర్టుకు ఎక్కటం, ఇతర రాష్ట్రాల ఉదాహరణలు చూపిస్తూ న్యాయ పోరాటానికి దిగడమూ ఖాయం.ఈలోగా ఎన్నికలు వస్తాయి. ఆ అంశం కోర్టులో ఉంటుంది కాబట్టి ప్రభుత్వం సేఫ్ సైడ్ లో ఉంటుంది. చేతులు దులిపెసుకుంటుంది. ఆ మాత్రం దానికి రాష్ట్ర బీజేపీ హైరానా పడటం ఎందుకో అర్ధం కాదు. మరోసారి ముస్లింలు అందరినీ ఏకం చేయటానికి తప్ప మరిదేనికీ పనికి రాదు. అంతకన్నా కొంత ఓర్పు వహించి జరుగుతున్న క్రీడను గమనిస్తే ,కొంతమేరకు ముస్లింల అభిమానాన్ని పొందే అవకాశం ఉంది. అలాకాకుండా,ఆ వ్యతిరేకతను బహిరంగంగా చూపిస్తూ ఉన్నంత మాత్రాన హిందువులు అంతా ఏకమై బీజేపీ తో కలిసి వస్తారా? లిబరల్,నేషనలిస్ట్ ముస్లింలు బీజేపీతో కలిసి నడవటానికి సిద్ధమవుతున్నారు. ఆ విషయం ఉత్తరప్రదేశ్ లో ఇటీవల ఎన్నికల్లో కొంతమేరకు అర్ధమయ్యింది.అదే స్పూర్తితో ఇక్కడ కూడా ఆ వర్గాల మద్దతు పొందటానికి ప్రయత్నిస్తే మంచిది....
  • ఆంధ్రప్రదేశ్ రాజకీయాల్లో ఇప్పుడు అగ్రనేతల నేత ఇళ్లు  హాట్ టాపిక్‌గా మారిపోయాయి. ప్రతిపక్ష నేత వైఎస్ జగన్‌ది ఇంద్రభవనమైతే… సీఎం చంద్రబాబుది చంద్రభవనమా ?ఇప్పుడీ ప్రశ్నలే రాజకీయంగా వేడి పెంచుతున్నాయి. అగ్రనేతల ఇళ్లే లక్ష్యంగా టీడీపీ, వైసీపీ నేతల మధ్య మాటల యుద్ధం జరుగుతోంది…గతంలో  జగన్ ఇంటిపై టీడీపీ నేతలు విమర్శలు గుప్పించగా… ఇప్పుడు ఏపీ సీఎం రహస్యంగా గృహప్రవేశం చేయడాన్ని టార్గెట్ చేస్తోంది వైసీపీ. ఇక ఇరు పార్టీల అభిమానులు కూడా సోషల్ మీడియా లో జోరుగా చంద్ర భవనం, ఇంద్ర భవనం అంటూ ఫోటోలు పెడుతున్నారు. ఒకరిపై మరొకరు దుమ్మెత్తి పోసుకుంటున్నారు. ఆరోపణలు, ప్రత్యారోపణలతో రాజకీయాలు వేడెక్కాయి . కాగా సోషల్ మీడియా లొ బాబుకి వ్యతిరేకంగా కథనాలు ,ఫోటోలు పెడుతున్నవారిపై  చర్యలు తీసుకోవాలని టీడీపీ లీగల్ సెల్ నేతలు సైబర్ క్రైం అధికారులకు ఫిర్యాదులు కూడా చేశారు. ఎవరి విమర్శలు ఏమిటో చూడండి . వీడియో పై క్లిక్ చేయండి .  ...
  • పలు వేదికలపై నుంచి  "సాక్షి" దినపత్రికను చూడొద్దని, చదవొద్దని చెప్పిన ఏపీ సీఎం చంద్రబాబు " సాక్షి"చదువుతూ కెమెరా కంటికి చిక్కిపోయారు. ఇపుడు ఆ ఫోటోలు సోషల్ మీడియాలో వైరల్ అయ్యాయి.  కొన్ని మీడియా సమావేశాల్లో సాక్షి అనగానే బాబు ఇంతెత్తున లేచిన ఉదాహరణలున్నాయి. పార్టీ నాయకులెవరూ "సాక్షి " పత్రికను చదవొద్దని పిలుపునిచ్చారు కూడా. చంద్రబాబు"సాక్షి" చదవకూడదని ఏమి లేదు. అన్ని పేపర్లు చదవడం మంచిదే. అందులో తప్పేమి లేదు. వైఎస్ కూడా "ఆ రెండు పత్రికలు" అంటూ ఈనాడు , ఆంధ్రజ్యోతి లను పిలిచే వారు.  అంతవరకే. ఆ పత్రికలూ చదివే వారు. విలేఖరులను ఏమనే వారు కాదు. ఏమైనా ఆ పత్రికలపై విమర్శ చేయదలిస్తే నేరుగా పత్రిక యాజమాన్యానికి లేఖ రాసే వారు. 1999 లో ఈనాడు వ్యవహార శైలిని విమర్శిస్తూ లేఖ రాశారు. రామోజీ రావు ఆ లేఖను వార్తాంశంగా ప్రచురించారు. అయితే చంద్రబాబు మాదిరిగా ఏ పత్రికపై నిషేధం విధించలేదు.  వైఎస్ జగన్, సీఎం చంద్రబాబు లకు సంబంధించి  ఏం జరిగినా సెన్సేషన్ అవుతుంది. కొద్దిరోజుల క్రితం పర్యటనలో ఉన్న చంద్రబాబు తన కాన్వాయ్ లో వెళుతూ వైఎస్ జగన్ కు సంబంధించిన "సాక్షి"పత్రికను చదువుతూ కనిపించారు. దీనిని ఫోటోలు తీసిన కొందరు నెట్టింట్లో పెట్టారు. ఇప్పుడు ఆ ఫోటోలే సోషల్ మీడియాలో హల్ చల్ చేస్తున్నాయి. ఏ ఈనాడో , జ్యోతో  చదువుకోకుండా ప్రతిపక్షనేతకు చెందిన పేపర్ చదువుతున్నారని, సీఎం చంద్రబాబు కు జగన్ అంటే ఎంత ప్రేమో అంటూ సోషల్ మీడియా అభిమానులు సెటైర్లు వేస్తున్నారు....
  • ప్రధాని నరేంద్ర మోడీ విద్యార్హత వ్యవహారం మళ్ళీ వార్తల్లోకొచ్చింది. తాజాగా ఈ అంశాన్ని కాంగ్రెస్ పార్టీ నేత దిగ్విజయ్ సింగ్ లేవనెత్తారు.  మోడీ విద్యార్హతలను వరుస ట్వీట్లలో ప్రశ్నించిన ఆమ్ ఆద్మీ పార్టీ అధినేత, ఢిల్లీ ముఖ్యమంత్రి అరవింద్ కేజ్రీవాల్‌కు అసోం కోర్టు ఇప్పటికే అరెస్ట్ వారెంట్లు జారీ చేసింది. మంగళవారం ఇదే అంశంపైమోడీని కాంగ్రెస్ నేత దిగ్విజయ్ సింగ్ నిలదీస్తూ ఓ ట్విట్టర్ పోస్ట్ చేశారు.  విద్యార్హతల విషయంలో మోడీ  ఎందుకు అంత రహస్యంగా వ్యవహరిస్తున్నారని దిగ్విజయ్ ప్రశ్నించారు. ప్రధాని విద్యార్హతలను ప్రశ్నించడం నేరమా ? అని ట్వీట్ చేశారు.  ఇది చూసిన మోడీ అభిమానులు, కాంగ్రెస్ వ్యతిరేకులు పెద్ద ఎత్తున స్పందించారు.  దిగ్విజయ్ పై దుమ్మెత్తి పోశారు. 'మోడీ కి డిగ్రీ లేకపోతే ఏమౌతుంది ? ఆయన పని తీరు బాగానే ఉంది. అవును మోడీ హార్వర్డ్ నుంచి డిగ్రీ పుచ్చుకున్నట్టు మాత్రం చెప్పుకోలేదు. అసలు మీ అర్హత ఏమిటి ?సోనియా ఇంట్లో వెన్న తీస్తుంటారా ? అందులో డాక్టరేట్ పుచ్చుకున్నారా ? ప్రజలు మోడీ డిగ్రీ కి ఓటేయ్యలేదు. సోనియా విద్యార్హతలు ఏమిటీ ? ఆమె గతం ఏమిటి ? వాటిని రహస్యంగా ఎందుకుంచారు ? పప్పు అర్హతలేమిటి ? హార్వర్డ్ లో పప్పును డ్రగ్స్ వినియోగం ఆరోపణలపై ఇంటికి పంపించారు కదా ?స్వామి చెప్పారు ... ఖండించలేదే ?' అంటూ ట్వీట్స్ తో ఎదురు దాడి చేశారు. ఇంకొందరైతే పోరా పిచ్చోడా అంటూ దారుణంగా తిట్ల దండకం ఎత్తుకున్నారు. మోదీపై గతంలో ఇలాంటి ట్వీట్లు చేసే కేజ్రీవాల్ చిక్కుల్లో పడ్డారు..  ఇపుడు దిగ్విజయ్ ఎలాంటి చిక్కుల్లో పడతారో ? గతంలో కూడా జశోదా బెన్ విషయంలో మోడీ ని టార్గెట్  చేస్తూ దిగ్విజయ్ తూర్పార బట్టారు. ...
  •  ( Sheik Sadiq Ali ) .......  తెలంగాణలో అధికారం సాధించటానికి బీజేపీ కి అన్ని రకాలుగా అవకాశాలు ఉన్నాయి. అయితే దీనికి గాను ఆ పార్టీ రొడ్డు కొట్టుడు ఫార్ములాను వదిలిపెట్టి విప్లవాత్మక, వినూత్న పంధాను అనుసరించాల్సి ఉంటుంది. కిషన్ రెడ్డి,లక్ష్మణ్, బండారు దత్తాత్రేయల వల్ల అయ్యే పని కాదు.రెడ్లనో,బీసీలనో నమ్ముకొని రాజకీయం చేయాలనుకుంటే మరో శతాబ్దం వరకు కూడా అధికారం అందని ద్రాక్షే, అయితే ఏం చెయ్యాలి. తెలంగాణలో బలంగా ఉన్న మాదిగ కులానికి చెందిన ,వివాద రహితుడైన విద్యావంతుడిని పార్టీ అధ్యక్షుడిని చెయ్యాలి. అలాంటి వారికి తెలంగాణలో కొదవ లేదు. కోకొల్లలుగా దొరుకుతారు. అతడినే ముఖ్యమంత్రి అభ్యర్ధిగా ప్రకటించాలి. మెజారిటీ రెడ్లు కాంగ్రెస్ కు అంకితమై ఉన్నారు. బీసీలను తెరాసా వైపుకు తిప్పుకోవటంలో కేసీయార్ తన వ్యూహాలు తాను అమలు చేస్తూనే ఉన్నారు. 27 శాతం ఉండి కూడా గుర్తింపుకు నోచుకోక,అధికారంలో ప్రాధాన్యత దక్కక అసంఘటితంగా ఉన్న ఎం బీ సి లను సంఘటితం చేయాలి. ఆ వర్గం నుంచి ఒకరిని రాజ్యసభకు నామినేట్ చేసి కేంద్రంలో మంత్రి పదవి ఇవ్వాలి. తద్వారా ఆ వర్గాలను బీజేపీ వైపు తిప్పుకోవచ్చు.అలాగే,కేంద్ర పరిధిలో ఉన్న వివిధ సంస్థల్లో నామినేటెడ్ పోస్టులు ఇవ్వాలి. రాష్ట్రంలో పార్టీని బలపరిచే బాధ్యతా కూడా వీరికి అప్పగించాలి. ఈమేరకు వ్యూహ రచన జరుగుతున్నదని ఉత్తరాది మిత్రుల నుంచి సమాచారం అందుతోంది. ఇక జనాభాలో 12 శాతం ఉన్న ముస్లింలు దిక్కూ మొక్కు లేకుండా ఉన్నారు. అందరూ అనుకుంటున్నట్లు రాష్ట్రంలోని ముస్లిం లందరికీ MIM పార్టీ ప్రతినిధి కాదు. పాత బస్తీలో తప్ప జిల్లాల్లో MIM ప్రభావం ఏ మాత్రం లేదు. గ్రామీణ ప్రాంతాల ముస్లింలకు ఆ పార్టీ ఒరగపెట్టింది ఏమీ లేదు. ప్రాతినిధ్యం వహించిందీ లేదు. కాబట్టి ముస్లిమ్ లకు ఒక భరోసా కల్పించాలి. గ్రామీణ ముస్లిం లనుంచి బలమైన నాయకులను ఎంపిక చేసి జాతీయ స్థాయిలో ప్రోమోట్ చెయ్యాలి. బ్రాహ్మణ,వైశ్య వర్గాలను కూడా పైన పేర్కొన్న వర్గాలకు చేరువ చెయ్యాలి. ఉత్తర ప్రదేశ్ లో గతంలో మాయావతి అనుసరించిన ఫార్ములాను కొద్దిపాటి మార్పులతో ఇక్కడ అమలు చేయాలి. దీన్ని పకడ్బందీగా అమలు చేయగలిగితే 2019 ఎన్నికల్లో ఖచ్చితంగా ప్రతిపక్షంగా ఎదుగ వచ్చు. కాన్షీరాం తొలిసారిగా ఉత్తర ప్రదేశ్ ఎన్నికల్లో పోటీ చేసినప్పుడు చెప్పిన మాటలను ఇక్కడ గుర్తు చేసుకోవాలి. తొలిసారి ,రెండోసారి గెలవలేకపోవచ్చు,మూడో ప్రయత్నంలో ఖచ్చితంగా గెలుస్తాం అన్న కాన్షి రాం మాటలు తెలంగాణలో బీజేపీ విషయంలో నిజమయ్యే అవకాశాలు ఉన్నాయి. అయితే మూడోసారి వరకు ఎదురు చూడాల్సిన అవసరం ఉండక పోవచ్చు. గట్టిగా ప్రయత్నిస్తే రెండో ప్రయత్నంలోనే విజయం సాధించ వచ్చు.తెలంగాణలో బీజేపీ ని తెరాస కు ప్రత్యామ్నాయ శక్తిగా తీర్చిదిద్దే వ్యూహాలకు పదునుపెడుతున్నారు. తీవ్ర స్థాయిలో మేధోమధనం జరుగుతోంది.త్వరలో ఒక్కొక్కటిగా కార్యరూపం దాల్చనున్నాయని తెలుస్తోంది....
  • తమిళనాడు లోని ఆర్కే నగర్ ఉప ఎన్నిక లో గెలుపే లక్ష్యంగా పార్టీలు  పోరాడుతున్నాయి. ఓటు కి 4 --5 వేల  రూపాయలు ఇవ్వడానికి పార్టీలు ముందుకొస్తున్నాయని  అంటున్నారు.. ఓటర్లకు గాలం వేసేందుకు పార్టీలు పెద్ద ఎత్తున సొమ్ములు కుమ్మరిస్తున్నాయి.  డబ్బుతో పాటు..మద్యం, చీరలు పంచుతున్నట్లు ఈ సి కి ఫిర్యాదులు అందుతున్నాయి . గట్టి  పోటీ ఉండటంతో...  పార్టీలు ఎలాగైనా విజయం సాధించే యత్నంలో ఉన్నాయి.  ఇవన్ని గమనించి  ఐటీ శాఖ అధికారులు ఆకస్మిక దాడులు చేపడుతున్నారు . ఇందులో భాగంగానే తమిళనాడు ఆరోగ్య శాఖ మంత్రి విజయ్ భాస్కర్ ఇంటితో పాటు... శశికళ  సన్నిహితులపై దాడులు నిర్వహించింది. శుక్రవారం నుంచి జరిగిన దాడులు ఈరోజు ముగిశాయి. ఈ దాడుల్లో పెద్ద మొత్తంలో నగదుతో పాటు విలువైన పత్రాలను స్వాధీనం చేసుకున్నట్లు చెబుతున్నారు.  మంత్రి విజయ్  భాస్కర్ ఇంటి నుంచి దాదాపు 80 కోట్ల రూపాయలకు సంబంధించిన పత్రాలతో పాటు.. ఆర్కే నగర్‌కు చెందిన ఓటర్ల జాబితాను ఐటీ అధికారులు స్వాధీనం చేసుకున్నారు. ఓటర్లకు పంచేందుకు సిద్ధం చేసిన నగదును పట్టుకున్నారు. ఇప్పటికే కొంత మొత్తం  ఆర్కే నగర్  లో  కింది స్థాయి నేతలకు అందినట్లు ఐటీ అధికారులు అనుమానిస్తున్నారు. స్వాధీనం చేసుకున్న ఆస్తులతో కూడిన నివేదికను ఐటీ అధికారులు... ఈసీకి సమర్పించారు. పెద్ద మొత్తంలో ఓటర్లకు గాలం వేసేందుకు నేతలు ప్రయత్నించడంతో ఈసీ సీరియస్‌గా ఉంది.  కొందరిని అరెస్ట్ కూడా చేశారు .  ఇక ఆర్కేనగర్  లోబహుముఖ పోటీ జరుగుతోంది . 62 మంది అభ్యర్థులు రంగంలో ఉన్నారు.  ఇప్పటివరకు అందిన సమాచారం మేరకు  పన్నీర్ వర్గం, డీఎంకే పార్టీ అభ్యర్థులమధ్య గట్టి పోటీ నెలకొన్నదని చెబుతున్నారు. దీప ప్రచారం లో వెనుక బడిందని, దినకరన్ ఓట్లు చీల్చే అవకాశం ఉంది. అయితే ఐటీ దాడులు తర్వాత స్థానిక నేతలు డీలా పడ్డారని అంటున్నారు. చివరి  రెండు రోజులే కీలకం కాబట్టి  ట్రెండ్  ఇపుడే చెప్పలేం అంటున్నారు విశ్లేషకులు.  ఏప్రిల్ 12 వ తేదీన  పోలింగ్ జరుగుతుంది. ...
  • పార్లమెంట్ లో గురువారం శివసేన ఎంపీలు రౌడీయిజానికి పాల్పడ్డారు. విమానయాన శాఖా మంత్రి అశోక్ గజపతి రాజుపై దాడి చేసే యత్నం చేశారు.  ఎంపీ రవీంద్ర గైక్వాడ్‌పై ఎయిరిండియా నిషేధం విధించిన వ్యవహారంలో కలుగజేసుకునేందుకు అశోక్ గజపతి రాజు తిరస్కరించడంతో శివసేన ఎంపీలు ఆగ్రహంతో వీరంగం వేశారు. ఎయిరిండియా ఉద్యోగిపై చెప్పుతో దాడిచేసిన ఎంపీ గైక్వాడ్ లోక్‌సభలో మాట్లాడగానే... శివసేన ఎంపీ, మంత్రి  అనంత్ గీతే కల్పించుకుని... ‘‘ఎలాంటి విచారణ జరపకుండానే ఎయిరిండియా ఎలా నిషేధం విధిస్తుంది’’ అంటూ ప్రశ్నించారు. ఆయన మాట్లాడుతూనే మంత్రివైపు దూసుకొచ్చే ప్రయత్నం చేశారు. ఆయనతో పాటు మరికొందరు ఎంపీలు అశోక్ ను చుట్టుముట్టారు.  పరిస్థితి చేయి దాటే సమయంలో లోక్‌సభలోని సహచర మంత్రులంతా అశోక్ గజపతి రాజు చుట్టూ రక్షణగా నిలబడ్డారు. దురుసుగా ప్రవర్తించిన శివసేన ఎంపీ, కేంద్రమంత్రి అనంత్ గీతెనే కేంద్రమంత్రులు స్మృతీ ఇరానీ, అహ్లువాలియా పక్కకు తీసుకెళ్లారు.  ఈ సందర్భంగా ‘‘ముంబైలో ఒక్క విమానం కూడా ఎగరదు’’ అని అనంత్ గీతే కేకలు వేశారు.  గైక్వాడ్ వాదనను సమర్థించలేదని కోపంతో వారు పార్లమెంటు సాక్షిగానే దౌర్జన్యానికి పాల్పడ్డారు.ఈ అనూహ్య ఘటనతో స్పీకర్ సుమిత్రా మహాజన్ సహా కేంద్ర మంత్రులు, ఎంపీలు విస్మయం వ్యక్తం చేశారు. కాగా  ఈ అంశంపై హోమ్ మంత్రి రాజ్‌నాథ్ సింగ్ మాట్లాడుతూ.. శివసేన ఎంపీ గైక్వాడ్ సమస్యను త్వరగా పరిష్కరిస్తామన్నారు. ఆయనపై కేసు నమోదయినందున విచారణ జరుగుతోందన్నారు.విమానయాన మంత్రి అన్ని వర్గాలతో చర్చలు జరిపి గైక్వాడ్ వివాదంపై సరైన పరిష్కారం సూచిస్తారని కేంద్ర హోంమంత్రి రాజ్‌నాథ్ సింగ్ ప్రకటించారు. ఈ సంఘటనపై ఏపీ సీఎం చంద్రబాబు మాట్లాడుతూ ఇది దురదృష్టకర సంఘటన, బాధాకరమన్నారు.  ఎంపీలు చట్టసభల్లో ఇలాంటివి పునరావతృతం కాకుండా చూసుకోవాలన్నారు. అనంత్ గీతే కేంద్రమంత్రిగా ఉండి.. ఓ మంత్రి అయి కూడా మరో కేంద్రమంత్రిపై దాడి చేసే ప్రయత్నం చేయడం ఎంత వరకు సమంజసం అని టిడిపి ఎంపీ నిమ్మల కిష్టప్ప ఆవేదన వ్యక్తం చేశారు.  సభ వాయిదా పడిన తర్వాతనే ఈ దాడి యత్నం జరిగిందన్నారు.  ...
  •  (Sheik Sadiq Ali )  .................. విభజన తర్వాత రెండు రాష్ట్రాలు అభివృద్ధిలో పోటీ పడుతున్నాయి. ఇది నిస్సందేహంగా ఆరోగ్యకరమైన పోటీ. ఇప్పుడు లోకేష్ బాబుకు ఐటీ శాఖను అప్పగించటం ద్వారా చంద్రబాబు తెలంగాణాకు గట్టి సవాలే విసిరారు. లోకేష్ కు ఆ శాఖను అప్పగించటం పై మిత్రులు కొంచెం వ్యంగ్యంగా రాస్తున్నారు కానీ, ఇది సీరియస్ గా తీసుకోవాల్సిన విషయమే. భారతదేశంలో ఐటీ రంగం అంటే రాజీవ్ గాంధీ తర్వాత చెప్పుకోవాల్సింది చంద్రబాబునే. ఆయన ముఖ్యమంత్రిగా పనిచేసిన కాలంలో రాష్ట్రంలో ఐటీరంగం అభివృద్ధికి చేసిన కృషిని తక్కువ చేసి చూడలేం. అప్పట్లో ఆ రంగం అంటే ఆయనకు అలవిమాలిన అభిమానం ఉండేది. ఆ క్రమంలోనే ఐటీ మీద దృష్టి పెట్టి ,గ్రామీణ వ్యవసాయ రంగాన్ని నిర్లక్ష్యం చేయటం వల్లే అధికారం కోల్పోయారు. కానీ, ప్రపంచవ్యాప్తంగా ఉన్న ఐటీ రంగ సంస్థలతో చంద్రబాబుకు ఉన్న పరిచయాలు, సాన్నిహిత్యం మాత్రం తిరుగు లేనిది. అప్పట్లో దేశంలోని ముఖ్యమంత్రులందరూ చంద్రబాబును ఐటీ రంగానికి బ్రాండ్ అంబాసిడర్ గా చూసే వారు. బిల్ గేట్స్ వంటి దిగ్గజాలను ఆంద్ర ప్రదేశ్ కు రప్పించిన ఘనత చంద్రబాబుకు ఉంది. అప్పట్లో చంద్రబాబు అమెరికాలో విస్తృతంగా పర్యటించేవారు.ఐటీ రంగంలో విస్తృత పరిచయాలు పెంచుకున్నారు. అధికారంలో ఉన్నా,లేకున్నా ఆ పరిచయాలు మాత్రం అలాగే కొనసాగించారు. ఇప్పుడు ఆటోమేటిక్ గా ఆ పరిచయాలు అన్నీ లోకేష్ కు వచ్చేస్తాయి. అలాగే, లోకేష్, ఆయన సతీమణి బ్రాహ్మణి కూడా అమెరికాలోనే చదువుకున్నారు. వారిద్దరికీ అక్కడ విశేష పరిచయాలు ఉన్నాయి.అంతేకాదు ,లోకేష్ సామాజిక వర్గానికి చెందిన వారు కూడా చాలామంది విదేశీ ఐటీ కంపెనీల్లో కీలక స్థానాల్లో ఉన్నారు. ఇవన్నీ కూడా లోకేష్ బాబు కు కలిసి వచ్చే అంశాలే. యువకుడు, విస్తారమైన పరిచయాలు ఉన్న,విదేశీ జీవన, వ్యాపార విధానాలు తెలిసిన లోకేష్ ఖచ్చితంగా ఆంధ్రప్రదేశ్ ఐటీ రంగానికి జవజీవాలు పోస్తాడు అనడంలో సందేహం లేదు. ఇరవై ఏళ్ళ క్రితం చంద్రబాబు సాధించిన దానికన్నా లోకేష్ ఈ రంగంలో ఎక్కువే సాధిస్తాడనడంలో  సందేహం లేదు. కాగా తనకు కేటీఆర్ సీనియర్ అని ఆయనకు తనకు పోటీ లేదని లోకేష్ చెప్పినప్పటికీ  ఐటీ శాఖ ఆయన తీసుకోవడంతో పరిశీలకులు ఖచ్చితంగా అభివృద్ధిని బేరీజు వేస్తారు. అందులో సందేహంలేదు. మొత్తం మీద పోటీ పెరిగింది...అది గట్టిగానే ఉండబోతోంది. కేటీయార్, ఆయన బృందం మరింత ఎక్కువగా కష్టపడాల్సి ఉంటుంది. పోటీ ఎంత ఆరోగ్యంగా ఉంటే రెండు రాష్ట్రాలకూ అంత మంచిది....
  • అక్కడ ఏ బటన్ నొక్కినా బీజేపీ గుర్తుకే ఓట్లు పడుతున్నాయి. ఇది నమ్మలేని నిజం. అది ఎన్నిక కాదు.  ఈవీఎం పని తీరు పరీక్షించినపుడు ఈ విషయం బైట పడింది. అసలు ఏమి జరిగిందో అధికారులు విచారిస్తున్నారు.  రెండురోజుల క్రితం మధ్యప్రదేశ్‌లోని భిండ్‌ జిల్లాలోని అటేర్‌ అసెంబ్లీకి జరగనున్న ఉపఎన్నికల నిర్వహణ తీరును పరిశీలించటానికి ఆ రాష్ట్ర ఎన్నికల ముఖ్య అధికారి (సీఈఓ) సలీనా సింగ్‌ వచ్చారు. పరిశీలనలో భాగంగా ఈవీఎం ట్రయల్‌ డెమో  నిర్వహించారు. ఏ బటను నొక్కినా..కమలం  (బీజేపీ గుర్తు) స్లిప్ ప్రింట్‌ అయి వస్తోంది . యూపీ లోని గోవిందనగర్  బీజేపీ అభ్యర్థి సత్యదేవ్‌ పచౌరి పేరు మీదున్న కమలం సింబల్‌ స్లిప్ వచ్చింది. దీంతో ఆశ్చర్యపోయిన ఆమె  అనుమానంతో మరో బటన్ నొక్కారు.  మళ్లీ కమలం స్లిప్  ప్రింటయ్యింది. రెండు బటన్లు నొక్కినా  కమలంకు  అనుకూలంగా ఓటుపడ్డట్టు గుర్తించారు. ఈ పరిణామంతో సీఈఓ షాక్‌ తిన్నారు.  ఈ విషయాన్నీ  పసిగట్టిన విలేకరులు వెంటనే ఆమెను ప్రశ్నించారు. అయితే ఈ విషయాన్ని ప్రింట్‌ చేస్తే జైల్లో కూర్చొబెడతానని ఎన్నికల అధికారి విలేకర్లకు వార్నింగ్‌ ఇచ్చారు. అంతే ఇక ఈవీఎం  అక్రమాలు, సీఈఓ చేసిన బెదిరింపులు మీడియాలో హల్‌చల్‌ చేశాయి.  దాంతో బెంబేలెత్తిన  సీఈఓ తప్పును కప్పిపుచ్చుకోవటానికి మరోసారి మీడియా ముందుకు వచ్చారు.  జస్ట్  జోక్‌ చేశానంతేనంటూ  వివరణ ఇచ్చుకున్నారు. తమాషా ఏమంటే ఈ మొత్తం ఎపిసోడ్ ను వీడియో రికార్డింగ్ కూడా చేశారు.  మధ్యప్రదేశ్‌ లో  "ఓటర్‌ వెరిఫైడ్‌ పేపర్‌ ట్రయిల్‌" (వీవీపీటీ) విధానాన్ని తొలిసారి ఉపయోగిస్తున్నారు .  ఏడు సెకన్ల వ్యవధిలో ఓటు ఎవరికి పడిందో తెలిసిపోతోంది. ఇది ఎన్నికల విధానానికి అత్యంత సురక్షితమైందిగా ఈసీ చెబుతున్నది.  డెమోలో దీని వల్లనే  ఏపార్టీ కి ఓట్లు పడింది  తెలిసి పోయింది. ఈ క్రమంలో మధ్యప్రదేశ్‌ మాజీ ముఖ్యమంత్రి దిగ్విజయ సింగ్‌, ఎంపీ జ్యోతిరాదిత్యసింధియాలతో పాటు పలువురు కాంగ్రెస్‌ నేతలు ఎన్నికల కమిషన్‌కు ఫిర్యాదు చేశారు. ఈవీఎంల అక్రమాలపై విచారణ జరపాలని సీపీఐ(ఎం), బీఎస్పీతో పాటు పలు విపక్షపార్టీలు డిమాండ్‌ చేశాయి. దీనిపై ఎన్నికల సంఘం వివరాలు ఇవ్వాలని అధికారులను ఆదేశించింది. దీంతో  ఇద్దరు అధికారులను బదిలీ చేసి, మొత్తం వ్యవహారం పై నివేదిక పంపేందుకు  ఉన్నాతాధికారులు సిద్ధమౌతున్నారు. ఈ మొత్తం ఎపిసోడ్ చూస్తే ఇటీవల జరిగిన ఐదు రాష్ట్రాల ఎన్నికలపై కూడా జనంలో అనుమానాలు కలుగుతున్నాయి. అధికార పార్టీలు తమకు అనుకూలంగా సాఫ్ట్‌వేర్‌లు మార్చుకుంటున్నాయా? అన్న సందేహాలు వ్యక్తమౌతున్నాయి. ఈ ఉదంతాన్ని బట్టి  ఈవీఎంల ట్యాంపరింగ్‌పై  అరవింద్ కేజ్రీవాల్ మాయావతిల ఆరోపణలను అంత సులభంగా కొట్టి పడేయలేము అంటున్నారు.   కాగా ఓటు ఏపార్టీకి పడిందో స్పష్టంగా తెలుసుకోవడానికి వీలుగా సుప్రీంకోర్టు వీవీపీటీలను ఏర్పాటు చేయాలని ఆదేశించింది. అయితే నిధులు లేవన్న కారణంగా  వీవీపీటీలను కేంద్ర ప్రభుత్వం ఏర్పాటు చేయలేదు.  విపక్షాలు ఈ వ్యవహారాన్ని అంత తేలిగ్గా వదిలేలా లేవు. ఏమి జరుగుతుందో  చూద్దాం.  ఇక కొసమెరుపు ఏమిటంటే ....... ఆ ఈవీఎం  ఇటీవలే ఎన్నికలు జరిగిన   యూపీ లోని గోవిందనగర్ లో ఉపయోగించిన ఈవీఎం అట. అలా కమలం గుర్తు ఉన్న స్లిప్ రావడం తప్పే అని ఢిల్లీ ఈసి నుంచి వచ్చిన అయిదుగురు సభ్యుల టీం తేల్చి చెప్పింది. మరిప్పుడు ఏమి చేస్తారో ? వారిచ్చే నివేదిక ను బట్టి ఉంటుంది. అయితే విపక్షాలు మాత్రం ఈ మొత్తం తతంగం వెనుక కుట్ర కోణం ఉందని... పాత పద్దతిలో ఎన్నికలు జరపాలని డిమాండ్ చేస్తున్నాయి. కాగా   గోవింద్ నగర్లో   బీజేపీ 70 వేల ఓట్ల ఆధిక్యత తో గెలిచింది. ...
  • నాలుగు రాష్ట్రాల్లో ముఖ్యమంత్రులు  రాజకీయంగా  సమస్యలు ఎదుర్కొంటున్నారు . రకరకాల కారణాలతో  అరవింద్ కేజ్రీ వాల్ , మమతాబెనర్జీ ,  వీరభద్రసింగ్ , సిద్ధరామయ్య  ఇబ్బందులు  పడుతున్నారు .  ఫైర్ బ్రాండ్ సీఎం మమతా బెనర్జీ మోడీ సర్కారుపై మొదటినుంచీ పోరాటం చేస్తున్నవిషయం తెల్సిందే .అయితే మమతా బెనర్జీ నారదా స్టింగ్ ఆపరేషన్, శారదా చిట్ ఫండ్  స్కాముల్లో  చిక్కుకున్న తర్వాత  ఆమెలో ఆ ఫైర్ కొంత తగ్గింది. ఈ క్రమం లో  పశ్చిమ బెంగాల్లో  అధికారం కోసం తృణముల్ కాంగ్రెస్, బీజేపీ మధ్య జరుగుతున్నపోరాటం ఇక పై కొత్త మలుపు తిరగ వచ్చు అంటున్నారు . ఇక  సీబీఐ దర్యాప్తును ఆపాల్సిన అవసరం లేదని, కొనసాగించాలని కోర్టు  కూడా ఆదేశించిన నేపథ్యంలో పాపం మమతా దీదీ ఇరుకునపడ్డారు.   ఈ పరిణామాలతో కొంత నీరస పడ్డారు. అయినా కేంద్రంతో సయోధ్యకు నై అంటున్నారు ఫైర్ బ్రాండ్ మమతా. అయితే తాజాగా  రాష్ట్రపతి ఎన్నిక లో అద్వానీ కైతే మద్దతు ఇస్తాము అన్న రీతిలో మాట్లాడారు.  ఇక ఆపరేషన్ ఆకర్ష్ పథకంతో కర్నాటక రాష్ట్రంలో దూకుడుగా వ్యవహరిస్తున్న బీజేపీ సిద్ధరామయ్య సర్కారుకు వణుకు పుట్టిస్తోంది. సిద్ధూ సర్కారులోని నేతలు ఎప్పుడు బీజేపీలో చేరతారో తెలియని పరిస్థితి చోటుచేసుకుంది కర్నాటకలో. ఇప్పటికే ఎస్ఎం కృష్ణను తమ పార్టీలో చేర్చుకున్న బీజేపీ మరి కొందరి నేతలపై దృష్టి సారించింది.  త్వరలో నటుడు-మాజీ మంత్రి  అంబరీష్ తోపాటు పలువురు సీనియర్ నేతలకు కాషాయ కండువాలు కప్పి  బీజేపీలో చేర్చుకునేందుకు రంగం సిద్ధమవుతోంది. ఇప్పటికే  కాంగ్రెస్ అసమ్మతి నేతలతో దినగండం నూరేళ్లాయుష్షుగా గడుపుతున్న సిద్ధూ సర్కారు మైనార్టీలోకి పడిపోయినా ఆశ్చర్యపోనవసరం లేదని అంటున్నారు . దక్షిణాది పై కన్నేసిన  బీజేపీ కర్నాటకలో  పాగా వేసేందుకు వ్యూహా రచన చేస్తోంది . కాగా ప్రజలు పన్నుల రూపంలో చెల్లించిన  ప్రజాధనాన్ని సొంత ప్రచారం  కోసం వినియోగించారన్న ఆరోపణల్లో ఢిల్లీ సీఎం కేజ్రీవాల్, డిప్యుటీ సీఎం మనీష్ శిసోడియా పీకల్లోతు కష్టాల్లో చిక్కుకుపోయారు. ఆమ్ ఆద్మీ పార్టీ, కేజ్రీవాల్ వ్యక్తిగత పబ్లిసిటీ కోసం ఏకంగా 97 కోట్ల రూపాయల ప్రజాధనాన్ని ప్రకటనలపై ఖర్చుపెట్టడం కేజ్రీవాల్ కు చెక్ పెట్టేలా కనిపిస్తోంది. ఢిల్లీ లెఫ్టనెంట్ గవర్నర్ అనిల్ బైజాల్ ఆదేశాల మేరకు కేజ్రీవాల్ నుంచి ఒక్క నెలలోపు రాబట్టాలని ఆదేశించారు. ఇప్పటికే ఢిల్లీ సీఎం, డిప్యుటీ సీఎంలను పలు కేసులు పట్టి పీడిస్తుండగా పరువు నష్టం కేసుల్లోకూడా వీరిద్దరూ పీకల్లోతు మునిగిపోయి కోర్టుల చుట్టూ తిరగాల్సివస్తోంది. వివాదాల్లో ఇరుకున్న  సీఎం అరవింద్ కేజ్రీవాల్ రాజకీయంగా దూసుకుపోయే అవకాశాలు తగ్గిపోతున్నాయి.  ఇదిలా ఉంటే హిమాచల్‌ప్రదేశ్‌ ముఖ్యమంత్రి వీరభద్ర సింగ్  అవినీతి కేసుల్లో చిక్కుకున్నారు. ఢిల్లీ హైకోర్టులో ఆయనకు చుక్కెదురైంది. అక్రమాస్తులకు సంబంధించి  కేంద్ర దర్యాప్తు సంస్థ సీబీఐ పెట్టిన కేసును రద్దు చేయాలంటూ  వీరభద్ర సింగ్ దాఖలు చేసిన పిటిషన్‌ను హైకోర్టు తోసిపుచ్చింది. కేసు విచారణను తాము ఆపలేమని , కేసును రద్దు చేయడం సాధ్యం కాదని కోర్టు స్పష్టం చేసింది. 2015 అక్టోబర్‌ లో ముఖ్యమంత్రి వీరభద్ర సింగ్‌ను సీబీఐ అరెస్టు చేయకుండా ఇచ్చిన మధ్యంతర ఉత్వరులను కూడా కోర్టు ఎత్తివేసింది. ఈ మధ్యంతర ఉత్తర్వుల ప్రకారం గతంలో వీరభద్రసింగ్‌ను కోర్టు అనుమతి లేకుండా అరెస్టు చేయడంగానీ, విచారణ చేయడంగానీ, చార్జీషీట్‌ నమోదు కానీ చేయరాదు. తాజాగా ఆ ఉత్తర్వులు  లేకుండా పోవడంతో ఇక సీబీఐ మరింత దూకుడుగా వ్యవహరించే అవకాశం ఉంది. దీంతో వీరభద్రసింగ్ అరెస్ట్ తప్పేలా లేదనే వార్తలు ప్రచారం లో ఉన్నాయి. ఈ పరిణామాలతో ఇక్కడ బీజేపీ పట్టు బిగించేందుకు ప్రయత్నాలు చేయవచ్చు అంటున్నారు.  మొత్తానికి ఉత్తర భారతం, దక్షిణ భారతం, ఈశాన్య రాష్ట్రాలు అన్న తేడా లేకుండా ఎన్డీయే  కూటమి అధికారంలో లేని రాష్ట్రాల్లో తన బలం పెంచుకునేందుకు ... రాజకీయ ఆధిపత్యాన్ని ప్రదర్శించేందుకు కోర్టుల ద్వారా లేదా సీబీఐ ద్వారా పాత కేసులు తిరగతోడుతూ కొత్త విచారణలు జరుపుతూ అక్కడి ప్రభుత్వాలను భయపెడుతుండడం మోడీ సర్కారుకు మామూలు  విషయంగా మారిందనే విమర్శలు  వినిపిస్తున్నాయి.  గతంలో కేంద్రంలోని కాంగ్రెస్ సర్కారు అనుసరించిన వ్యూహాలనే మోడీ కూడా అనుసరిస్తున్నారు . రాజకీయంగా ఎన్ని విమర్శలు వచ్చినా బీజేపీ లెక్కచేయకపోవడం విశేషం.  పలు చోట్ల  పార్టీ ఫిరాయింపులను ప్రోత్సాహిస్తున్న తీరు చూస్తే  దేశం మొత్తాన్ని ఏలాలన్న ఆకాంక్ష  బీజేపీ లో కనబడుతోంది.  ...
  • రాష్ట్రపతి పదవి కోసం  కొత్తపేర్లు తెరపైకి వస్తున్నాయి. ప్రస్తుతం బీజేపీ సీనియర్ నేతలు అద్వానీ , మురళీ మనోహర్ జోషీ , సుష్మా స్వరాజ్ పేర్లు ప్రచారం లో ఉండగా తాజాగా లోక్‌సభ స్పీకర్ సుమిత్రా మహాజన్ , జార్ఖండ్ గవర్నర్ ద్రౌపది పేర్లు  కూడా ఈ జాబితాలో చేరాయి . అలాగే ఆర్ఎస్ఎస్ చీఫ్ మోహన్ భగవత్ పేరు కూడా వినిపిస్తోంది . కాగా  రాష్ట్రపతి ఎన్నిక విషయంలో మిత్రపక్షాలను కలుపుకోవాలని   ప్రధాని  మోడీ  సర్కారు తీర్మానించింది. ఈ దిశగా సంప్రదింపుల ప్రక్రియ ప్రారంభించింది. ఏప్రిల్ 7 న ఇందుకోసం  అన్ని రాష్ట్రాల ముఖ్యమంత్రులతో  ఒక సమావేశం ఏర్పాటు చేయనుంది. ఈ లోపల అభ్యర్థులను ఖరారు చేస్తే ఎన్నిక ప్రక్రియ సులభతరమౌతుంది .   రాష్ట్రపతి,ఉపరాష్ట్రపతి,ఎన్నిక దాదాపు ఏకకాలంలో జరుగుతాయి. దీంతో రెండు పదవులను తమ వారికే కట్టబెట్టేందుకు బీజేపీ నేతృత్వంలోని ఎన్‌డీఏ కసరత్తు చేస్తోంది.  పార్టీ అభ్యర్ధులను ఖరారు చేసేందుకు మోడీ  సీనియర్ నేతలతో అంతర్గతంగా చర్చలు జరుపుతున్నారు. కాగా రాష్ట్రపతి ఎన్నికల రేసులో తాను లేనని ఆర్ఎస్ఎస్ చీఫ్ మోహన్ భగవత్ స్పష్టం చేశారు. ఈ విషయమై వస్తోన్న ఊహాగానాలకు ఆయన తెరదించారు. మోహన్ భగవత్‌ను రాష్ట్రపతి చేయాలని, తద్వారా హిందూరాజ్యానికి బాటలు పరవాలని శివసేన  అంటోన్న విషయం తెలిసిందే. అయితే ఇది ఎప్పటికీ జరిగేది కాదని, తాను ఆర్ఎస్ఎస్ కోసం మాత్రమే పనిచేస్తానని భగవత్ పేర్కొన్నారు . ఎవరైనా తన పేరు ప్రతిపాదించినా తాను ఎప్పటికీ ఒప్పుకోబోనని ఆయన తేల్చి చెప్పారు . ఐదు రాష్ట్రాల ఎన్నికల తర్వాత రాష్ట్రపతిని ఎన్నుకునేందుకు కావల్సిన ఎలక్టొరల్ కాలేజి బలం చాలావరకు ఎన్డీయేకు వచ్చేసింది. అంతకుముందు వరకు కొంత అనుమానంగా ఉన్నా.. ఆ తర్వాత మాత్రం కమలనాథులు ధీమాగా ఉన్నారు. మరోవైపు  అద్వానీ లాంటి నాయకులను రాష్ట్రపతిగా చేసేటట్లయితే తాము సైతం మద్దతిస్తామని మమతా బెనర్జీ లాంటివాళ్లు అంటున్నారు. ఈ నేపథ్యంలో సొంత పార్టీ వ్యక్తిని  రాష్ట్రపతి  గా గెలిపించుకోవడం  ఎన్డీయే కు అంత కష్టమేమి కాదు . సుష్మా ,సుమిత్రా మహాజన్ , ద్రౌపది లలో ఒకరికి  ఛాన్స్ దక్క వచ్చు అంటున్నారు . చూద్దాం .... చివరిలో మార్పులు కూడా ఉండవచ్చు. ...
  • అచ్చం అత్తలా కనిపించి  ఓటర్లను  ఆకట్టుకునేందుకు  జయలలిత మేనకోడలు దీప గట్టి ప్రయత్నమే చేస్తున్నారు.   ఆర్‌కే నగర్‌ ఉప ఎన్నికల్లోదీప ఇంటింటి ప్రచారం చేపట్టారు. అచ్చం జయలలిత మొక్కట్లతో ఉండే దీప... వస్త్ర ధారణలో కూడా జయలలిత ను అనుకరిస్తున్నారు .  జయలలిత మరణంతో రాష్ట్ర రాజకీయాల్లో అనూహ్య మార్పులు చోటుచేసుకున్న విషయం తెల్సిందే. ముఖ్యంగా అన్నాడీఎంకేలో అంతర్గత సంక్షోభం తలెత్తడం,  దీప రాజకీయ అరంగేట్రం చేయడం, అమ్మ నమ్మిన బంటు  పన్నీర్‌ సెల్వం తిరుగుబాటు బావుటా ఎగురవేసి  కొత్త పార్టీ ఏర్పాటు చేసి, ఆర్‌కేనగర్‌ ఉప ఎన్నికల్లో పోటీకి సై అనడం వంటి పరిణామాలు చోటుచేసుకున్నాయి. ఈ క్రమం లో  జయలలిత రాజకీయ వారసత్వం తమదేనంటూ పలు పార్టీలు, పలువురు నేతలు కూడా ఆర్కే నగర్‌ ఉప ఎన్నికను ప్రతిష్టాత్మకంగా తీసుకున్నాయి. జయలలిత వారసత్వం తనదేనంటూ ఒకవైపు ఆమె నెచ్చెలి శశికళ, నమ్మినబంటు పన్నీర్‌ సెల్వం పోట్లాడుతుండగా.. మరోవైపు అసలైన వారసురాలిని తానేనంటూ  దీపాజయకుమార్‌ రంగంలోకి దిగింది. ఆర్కే నగర్‌ ఉప ఎన్నికలో దీపాజయకుమార్‌కు కేంద్ర ఎన్నికల సంఘం  పడవ  గుర్తును కేటాయించింది. కాగా అన్నాడీఎంకే రెండాకుల గుర్తును స్తంభింపజేసిన ఈసీ.. శశికళ వర్గానికి 'టోపీ' గుర్తును, పన్నీర్‌ వర్గానికి 'రెండు విద్యుత్‌ స్థంభం ' గుర్తును కేటాయించింది. ఈ ఉప ఎన్నిక బరిలో మొత్తం 62 మంది అభ్యర్థులు  నిలిచారు. వీరిలో ఆరుగురు అభ్యర్థులు ప్రధాన పార్టీలకు చెందిన వారు కాగా, మిగిలిన వారంతా ఇండిపెండెంట్లు గా పోటీ చేస్తున్నారు. ఇంత మందిని ఎదుర్కొని దీప విజయం సాధించడం అంత సులభమైన విషయం కాదు . అటు డీఎంకే వ్యూహాలను  ఇటు అన్నా డీఎంకే  ఎత్తులు పై ఎత్తులను, పన్నీర్ పాచికలను ఎదుర్కొని బహుముఖ పోటీ లో దూసుకు పోయే సత్తా దీపకు  ఉందా ?కేవలం బంధుత్వాన్ని , పోలికలను చూసి దీపను  ఓటర్లు ఆదరిస్తారా  అనేది సందేహమే. ఓటర్లు ప్రస్తుతం గుంభనంగా ఉన్నారు.  కొద్దీ రోజులు పోతే గానీ ట్రెండ్ ఎలా ఉందొ చెప్పలేం అంటున్నారు విశ్లేషకులు...
  • తెలంగాణ అసెంబ్లీ  ప్రాంగణం లో  అధికార, ప్రతిపక్ష పార్టీ నాయకుల మధ్య ఆసక్తికరమైన‌ చర్చ జరిగింది. సస్పెండ్‌ అయిన టీడీపీ ఎమ్మెల్యే రేవంత్‌ రెడ్డి సోమవారం ఉదయం అసెంబ్లీ లాబీల్లోకి వెళ్లారు. ఆ సమయంలో అక్కడే ఉన్న టీఆర్‌ఎస్‌ ఎంపీ బాల్క సుమన్‌ ఆయనతో ‘ సస్పెండైన మిమ్మల్ని ఎలా రానిచ్చారన్నా’ అని అడిగారు. దీనికి రేవంత్‌ బదులిస్తూ.. ‘ హిమాన్షు.. వాళ్ల తాత కేసీఆర్‌కు చెప్పాడు కాబట్టే నన్ను ఇక్కడిదాకా అనుమతిచ్చారు. మీలాంటి స్నేహితులు ఉండి ఏం లాభం? మీ కన్నా హిమాన్షు బెటర్‌’ అని రేవంత్‌ రెడ్డి అన్నారు. దీంతో అక్కడ ఒక్కసారిగా నవ్వులు  విరిశాయి. "మీకు హిమాన్షు.. మాకు దేవాంశ్‌ "ఉన్నాడని సుమన్‌తో  రేవంత్‌ అనడంతో పక్కనే ఉన్న నేతలు కూడా నవ్వుకున్నారు.  చిన్న వయసులోనే వారసులు హాట్ టాపిక్ గా మారడం విశేషం . అవునూ ఇంతకీ  రేవంత్ లాబీల్లోకి ఎలా వెళ్లారు ? ఈ ప్రశ్నకు ,మాత్రం సమాధానం  రాలేదు కదా !!!...